Tadbirlar

“Buxoro hududiy elektr tarmoqlari korxonasi” AJ mas’ul xodimlari tomonidan “Elektr xavfsizligi oyligi” doirasida umumta’lim maktablarida targ‘ibot tadbirlari o‘tkazilmoqda.

🔹 Unda o‘quvchilarga elektr toki bilan bog‘liq xavf-xatarlar, elektr jihozlaridan xavfsiz foydalanish qoidalari va elektr qurilmalari yaqinida xavfsizlik talablariga rioya qilish zarurligi tushuntirilmoqda.

⚡️ Xususan, shikastlangan elektr simlariga tegmaslik, elektr jihozlarini nam qo‘l bilan ushlamaslik, transformator punktlari va boshqa elektr qurilmalariga yaqinlashmaslik, xavfli vaziyat yuzaga kelganda darhol kattalarga xabar berish lozimligi bolalarga tushunarli tilda yetkazilmoqda.

✅ Bunday targ‘ibot tadbirlaridan ko‘zlangan maqsad — yosh avlodning elektr xavfsizligi bo‘yicha bilim va ko‘nikmalarini oshirish, ularda ehtiyotkorlik qoidalariga rioya qilish odatini shakllantirish, baxtsiz hodisalarning oldini olishdir.

“Buxoro hududiy elektr tarmoqlari korxonasi” AJda o‘zbek tiliga davlat tili maqomi berilganligining 37 yilligi munosabati bilan umummilliy diktant tashkil etildi

Tadbirning asosiy maqsadi davlat tilining nufuzini oshirish, korxona xodimlarining yozma savodxonligi va nutq madaniyatini yuksaltirishdan iborat.

Diktant jarayonida o‘zbek tilining imlo qoidalari, adabiy til me’yorlari va davlat tilida ish yuritish borasida korxona xodimlari o’zlarining bilim va ko‘nikmalarini sinovdan o‘tkazdilar.

Ushbu tashabbus ishtirokchilarda ona tiliga hurmat tuyg‘usini mustahkamlash, kundalik faoliyatda savodli va ravon yozish ko‘nikmalarini rivojlantirishga xizmat qiladi.

Tadbir yakunida diktantni imloviy xatolarsiz va namunali yozgan xodimlarga korxona kasaba uyushmasi qo‘mitasi tomonidan esdalik sovg‘alari topshirildi.

Ta’kidlash joizki, ona tilini e’zozlash — milliy o‘zlikni anglash, ma’naviy qadriyatlarni asrash va kelajak avlodga munosib meros qoldirish demakdir.

Vazirlar Mahkamasining 2026-yil 29-sentabrdagi 523-son qaroriga muvofiq, elektr xo‘jaligi obyektlarining texnik va xavfsizlik holatini yaxshilash, aholi ayniqsa, bolalar xavfsizligini ta’minlash, elektr qurilmalari va tarmoqlaridan xavfsiz foydalanish bo‘yicha profilaktik tadbirlarni kuchaytirish hamda aniqlangan kamchiliklarni bartaraf etish maqsadida joriy yil 1-oktabrdan 1-noyabrga qadar respublika hududida “Elektr xavfsizligi oyligi” o‘tkazilmoqda.

Jumladan, “Buxoro HETK” AJ tomonidan Kogon tuman elektr ta’minoti korxonasida hamkor tashkilotlar bilan birgalikda profilaktik tadbir va maxsus-taktik o‘quv mashqlari tashkil etildi.

Shuningdek, yuzaga kelishi mumkin bo‘lgan avariyaviy holatlarda tezkor choralar ko‘rish, nosozliklarni qisqa muddatlarda bartaraf etish, iste’molchilarni barqaror elektr energiyasi bilan ta’minlash, jabrlanganlarga birinchi yordam ko‘rsatish bo‘yicha xodimlarning tayyorgarliklari o’rganildi.

Energetika sohasida uzoq yillik tajribaga ega. “Hududiy elektr tarmoqlari” AJ “Ilmiy-texnik va xodimlarning malakasini oshirish markazi” filiali direktori Rayimov Ro‘ziqul Obloqulovichning “Bir xatoning ming jafosi” kitobidan.

Xavfsizlik texnikasi qoidalariga rioya qiling

Audiokitobni eshitish

Milliy matbuot markazida “Hududiy elektr tarmoqlari” AJ tomonidan 2026–2027-yillar kuz-qish mavsumiga tayyorgarlik ishlari va kelgusidagi ustuvor vazifalarga bag‘ishlangan matbuot anjumani о‘tkazildi.

Tadbirda “Hududiy elektr tarmoqlari” AJ Boshqaruvi raisi Sardor Isaqulov jamiyat tomonidan iste’molchilarni barqaror elektr energiyasi bilan ta’minlash, elektr tarmoqlarining ishonchliligini oshirish hamda kuz-qish mavsumini barqaror о‘tkazish borasida amalga oshirilayotgan ishlar haqida ma’lumot berdi.

Batafsil

Buxoro viloyatida 2026/2027 yillar kuz-qish mavsumini betalofat o‘tkazish, elektr tarmoqlari va energetika obyektlarining barqaror ishlashini ta’minlash maqsadida saf ko‘rigi o‘tkazildi.

Tadbirda “Buxoro hududiy elektr tarmoqlari korxonasi” AJ tomonidan mavsum davomida yuzaga kelishi mumkin bo‘lgan avariya va nosozliklarni tezkor bartaraf etishga jalb etiladigan tezkor brigadalar, maxsus texnika, avariya-tiklash vositalari va zarur jihozlarning shaylik holati ko‘zdan kechirildi.

Shuningdek, kuz-qish mavsumida elektr ta’minotida yuzaga kelishi mumkin bo‘lgan muammolarning oldini olish, avariya holatlariga tezkor javob qaytarish hamda iste’molchilarni elektr energiyasi bilan ishonchli ta’minlash borasidagi ishlar muhokama qilindi.

Tadbir davomida mas’ul xodimlarning hamkorlikdagi harakatlari, tezkor chiqish brigadalari va maxsus texnikalarning shayligi o’rganildi hamda favqulodda vaziyatlarda tezkor choralar ko‘rish imkoniyatlariga alohida e’tibor qaratildi.

📗 “Hududiy elektr tarmoqlari” AJ Boshqaruv raisining Kadrlar tayyorlash va ularni  malakasini oshirish bo‘yicha maslahatchisi — “Ilmiy-texnik va xodimlarning malakasini oshirish markazi” filiali direktori Rayimov Ro‘ziqul Obloqulovichning “Bir xatoning ming jafosi” kitobidan.

Audioyozuvni eshitish

O‘zbekiston Respublikasi Vazirlar Mahkamasining 2026-yil 24-apreldagi 202-sonli qarori hamda mazkur qaror asosida tasdiqlangan 2026–2027-yillarda jamiyatda huquqiy madaniyatni yuksaltirish bo‘yicha chora-tadbirlar dasturi ijrosini ta’minlash maqsadida xodimlar o‘rtasida huquqiy targ‘ibot-tushuntirish ishlari olib borildi.

Tadbirda “Buxoro HETK” AJning Yuridik bo‘lim boshlig‘i  A.Asoyev tomonidan O‘zbekiston Respublikasi Konstitutsiyasi, sohaga oid qonunchilik hujjatlari, xodimlarning huquq va majburiyatlari hamda qonuniylikka rioya etish masalalari yuzasidan tushuntirishlar berildi.

“Buxoro hududiy elektr tarmoqlari korxonasi” AJda Boshlang‘ich kasaba uyushmasi a’zolari ishtirokida mehnat jamoasining konferensiyasi tashkil etildi.

Konferensiyada 2026–2028-yillar uchun tuzilgan jamoa shartnomasini tasdiqlash va qabul qilish masalalari muhokama qilindi. Yig‘ilish ishtirokchilari jamoa shartnomasiga ishchi xodimlar manfaatlarini himoya qilish, xodimlar uchun munosib mehnat sharoitlarini yaratish, ijtimoiy himoya kafolatlarini kuchaytirish, yosh mutaxassislarni qo‘llab-quvvatlash borasida kiritilayotgan o‘zgartirish va qo‘shimchalar bilan tanishtirildi.
Shuningdek, kelgusidagi ustuvor vazifalar va rejalar yuzasidan aniq yo‘nalishlar belgilab olindi. 2026–2028-yillar uchun tuzilgan jamoa shartnomasi konferensiya delegatlari tomonidan bir ovozdan tasdiqlandi

Aytish o’rinliki, jamoa shartnomasi ishchi-xodimlarni ijtimoiy himoya qilish, ular uchun munosib mehnat sharoitlarini yaratish, ularni har tomonlama qo‘llab-quvvatlashda muhim ahamiyat kasb etadi.