Muqobil energiya manbalari

Keling, avvalo “Energiya samaradorligi”ga ta’rif bersak. Energiya samaradorligi bu – energiya resurslaridan samarali, ya’ni oqilona foydalanishga qaratilgan jarayonlar majmuidir. Binolarning energiya ta’minoti yoki ishlab chiqarish jarayonlari uchun kamroq energiya sarflash evaziga kerakli natijaga erishish ham samaradorlik ko‘rsatkichi hisoblanadi. Texnika va texnologiya rivojlanishining hozirgi darajasida yoqilg‘i-energetika resurslaridan foydalanishda iqtisodiy jihatdan asoslangan samaradorlikka erishish hamda atrof-muhitni muhofaza qilish talablariga rioya qilish ham shular jumlasidan.

Ofis xonalarining eshik va deraza romlari qishda issiq, yozda sovuq haroratni saqlash uchun izolyasiya qilingan bo‘lishi, energiya tejamkor maishiy texnika va yoritish uskunalaridan foydalanish – energiya samaradorligi uchun juda muhimdir. Xuddi shu kabi neft-gaz mahsulotlaridan ham tejamkorlik bilan foydalanib, ulardan foydalanish samaradorligini oshirish mumkin. Shu o’rinda, qayta tiklanuvchi energiya manbalaridan keng ko’lamda foydalanish energiya samaradorligini yanada oshirish va tabiiy resurslarni kelajak avlodga yetkazish uchun xizmat qilishini ta’kidlab o’tish joiz. Isitish va sovitish jihozlaridan ham to‘g‘ri, oqilona foydalanish – energiya samaradorlik ko‘rsatkichlaridan biri. Ushbu ko‘rsatkichlar, avvalo, shaharsozlik loyihalari, bino-inshootlar qurilishini loyihalashtirish, qurilish materiallarini tanlash, sifatli qurish jarayoni, bino-inshootlarning ichki intererini jihozlash me’yorlariga amal qilish bilan chambarchas bog‘liq. Oddiy so‘z bilan aytganda, noto‘g‘ri qurilgan bino-inshootdan tortib noto‘g‘ri foydalanilgan oddiy maishiy uskuna-jihozlargacha – iqtisodiyotga katta zarar, jamiyat va davlat taraqqiyotining kushandasi hisoblanadi.

Bugungi kunda mavjud energo resurslardan tejamkorlik bilan foydalanish – davr talabi. Buning uchun foydalanilmayotgan elektr jihozlari va yoritish uskunalarini tarmoqdan uzib qo‘yish, ya’ni ofis yoki yashash xonalaridan chiqayotganingizda elektr jihozlarini kutish rejimida qoldirmasdan, ularni o‘chirib, tarmoqdan uzish orqali tejamkorlik tomon qadamni tashlagan bo‘lasiz. Shuningdek, ish joyi va xonadonlarni ko‘proq tabiiy yorug‘likdan ya’ni quyosh nuridan foydalangan holda yoritishga alohida e’tibor qaratish zarur. Yana bir muhim masala, Siz, ko‘cha-ko‘yda, mahallada, dam olish maskanlari-yu boshqa jamoat joylarida foydalanilmayotgan elektr jihoz va qurilmalarini tarmoqdan uzib qo‘yishni talab qilsangiz – energiya tejamkorligi va samaradorligi bo‘yicha jamoatchilik nazoratini o‘rnatishda o’z hissangizni qo’shgan bo’lasiz.

Ma’lumki, iqtisodiyot tarmoqlari rivojlanib, turmush darajasi yaxshilangani sari energiyaga talab ham oshib boradi. Ma’lumotlarga ko‘ra, so‘nggi besh yilda yurtimizda elektr energiyasi iste’moli 20 foizga, jumladan, aholi tomonidan sarflanishi 31 foizga oshgan. Bu ko‘rsatkich yiliga 6 foizdan o‘sib bormoqda.

Shu bois energiya ishlab chiqarish izchil rivojlantirilmoqda, bunga qo‘shimcha suv, quyosh, shamol energetikasi stansiyalari barpo etilmoqda. Shu bilan birga, elektr energiyasi va tabiiy gaz sarfini hisoblash tizimi ham tartibga keltirildi. Endigi muhim vazifa – bu ne’matni qadrlab, tejab, o‘z o‘rnida foydalanish.

Maqolani to’liq o’qish

BUXORO.UZ | Расмий канали

Yurtimizda qayta tiklanuvchi energiya manbalarini keng joriy etish, energiya samaradorligini oshirish orqali respublika hududlarida kuzatilayotgan energiya taqchilligiga barham berish, bu boradagi ishlarni kompleks tashkil etish hamda investorlar uchun qulay shart-sharoit va rag’batlantirish mexanizmlarini joriy qilish, maqsadida O’zbekiston respublikasi Prezidentining joriy yil 16 fevralda “2023 yilda qayta tiklanuvchi energiya manbalarini va energiya tejovchi texnologiyalarni joriy etishni jadallashtirish chora-tadbirlari to’g’risida”gi №57 sonli qarori qabul qilingan.
Mazkur hujjatning mazmun-mohiyati va ahamiyatini keng targ’ib qilish hamda tushuntirish maqsadida Buxoro shahrida targ’ibot tadbiri o’tkazildi. Ishtirokchilarga tegishli soha vakillari qatorida “Buxoro hududiy elektr tarmoqlari korxonasi” AJ bosh muhandisi tomonidan qaror bo’yicha tushuntirish hamda muqobil energiya manbalari, ularning turlari haqida ma’lumot berildi.
Yakunda tadbir ishtirokchilari o’zlarini qiziqtirgan savollarga javob oldilar.

“Buxoro HETK” AJ Matbuot xizmati

“O‘zbekiston 24” teleradiokanali | Maxsus reportaj. Muqobil energiya resurslaridan samarali foydalanish istiqbollari Buxoro viloyati misolida

▶️MAXSUS REPORTAJNI KO’RISH

Buxoro.uz

“Buxoro hududiy elektr tarmoqlari korxonasi” AJ tarkibidagi 12 ta tuman, shahar elektr ta’minoti korxonalarida 5 kVt.soatdan jami bo’lib 60 kVt.soat quvvatdagi elektr energiyasini ishlab chiqaruvchi quyosh panellarini o’rnatish ishlari olib borilmoqda.
Ushbu quyosh panellari qisqa muddatlarda ishga tushiriladi. Natijada yiliga 120 ming kVt.soat elektr energiyasi ishlab chiqariladi.

“Buxoro HETK” AJ matbuot xizmati

Buxoro viloyatida birinchilardan bо‘lib “Buxoro hududiy elektr tarmoqlari korxonasi”AJ binosida 50 kvt quvvatli quyosh elektr stansiyasi ishga tushirildi.

Ushbu quyosh elektr stansiyasi yiliga 90 ming kVt-soat elektr energiyasi ishlab chiqaradi. Buning natijasida, 30 ming kub metr tabiiy gaz tejalishiga erishiladi.

Mazkur stansiya o‘rnatilishi hisobiga korxonaning elektr energiyasiga bo‘lgan yillik xarajatini 40 mln so‘mga kamaytirishga xizmat qiladi.

MAXSUS REPORTAJNI KO’RISH

“Buxoro HETK” AJ matbuot xizmati

Joriy yilning 10 iyun kuni Oʼzbekiston Respublikasi Prezidenti Shavkat Mirziyoev raisligida iqtisodiyot tarmoqlari, aholi va ijtimoiy soha obʼektlarida qayta tiklanuvchi energiya manbalaridan keng foydalanish chora-tadbirlari yuzasidan videoselektor yigʼilishi oʼtkazildi.

Mazkur yigʼilishda qayta tiklanuvchi energiya uskunalarini oʼrnatgan aholi va tadbirkorlarni qoʼllab-quvvatlash boʼyicha yangi tizim joriy etilishini taʼkidladi. Darhaqiqat, ushbu amaliy ishlar davlat organlari, korxona va tashkilotlarning maʼmuriy binolarida, aholi xonadonlarida qayta tiklanuvchi, muqobil energiya manbalaridan xususan, quyosh energiyasidan samarali foydalanish borasida tizimli ishlar olib borilmoqda.

Jumladan, “Buxoro hududiy elektr tarmoqlari korxonasi” AJ ma’muriy binosida soatiga 50 kVt elektr energiyasini ishlab chiqarishga mo’ljallangan 93 dona quyosh panellari o’rnatildi.

Shuningdek, olib borilayotgan amaliy ishlarning uzviy davomi sifatida jamiyat tarkibidagi elektr ta’minoti korxonalari binolarida 5 kVtdan jami bo’lib soatiga 60 kVt quvvatdagi elektr energiyasini ishlab chiqaruvchi quyosh panellarini o’rnatilishi rejalashtirilgan.

“Buxoro HETK” AJ matbuot xizmati

O’zbekiston Respublikasi Energetika vazirligi mutaxassislari, Buxoro viloyati hokimligi, “Buxoro hududiy elektr tarmoqlari korxonasi” AJ, O’zenergoinspeksiya Buxoro viloyati hududiy bo’limi bilan hamkorlikda energiya samaradorligi va qayta tiklanuvchi energiya manbalarini rivojlantirish masalalari bo‘yicha ko’rgazmali seminar tashki etildi.
Tadbirda elektr energiyasini ishlab chiqarishda qayta tiklanuvchi energiya manbalaridan keng foydalanish, mamlakatimizda yashil energetika yo’nalishini taraqqiy toptirish, bu borada davlat tomonidan aholi va tadbirkorlarga berilayotgan imtiyozlar bo’yicha mutaxassislar tomonidan batafsil tushunchalar berildi. Shuningdek, yurtimizda muqobil energiya manbalaridan foydalanishning samaradorligi va imkoniyatlari, qulayliklari tahlil qilinib, quyosh kollektorlari hamda quyosh panellarining afzalliklari to’g’risida to’xtalib o’tildi. Tadbir so’ngida barcha savollarga mutaxassislar tomonidan batafsil javob berildi. Fikr va mulohazalar bildirildi.

“Buxoro HETK” AJ Matbuot xizmati