“Buxoro hududiy elektr tarmoqlari korxonasi” AJ

Iste’molchilarni barqaror elektr energiyasi bilan ta’minlash, yoz va kuz-qish mavsumlariga puxta tayyorgarlik ko‘rish, mavjud muammolarni oldindan bartaraf etish maqsadida “Buxoro hududiy elektr tarmoqlari korxonasi” AJ tomonidan amaliy ishlar olib borilmoqda.

🔧 Xususan, hududlardagi 105dona podstansiyalar ko’rikdan o’tkazilib, kelib chiqishi mumkin bo’lgan nuqsonlarning oldini olishga qaratilgan joriy va mukammal ta’mirlash ishlari bajarilmoqda.

👷‍♂️ Joriy yildan jamiyat tomonidan 15 dona yuqori kuchlanishdagi podstansiyalarni mukammal 90 dona podstansiyalarni joriy ta’mirlash rejalashtirilgan. Ayni kunlarda belgilangan grafik asosida bosqichma – bosqich ta’mirlanmoqda va sinovdan o’tkazilmoqda.

✅ Ta’kidlash joizki, ta’mirlash ishlarining o’z vaqtida olib borilishi texnik uskunalar mustahkamligini oshiradi va tarmoqdagi ortiqcha yo’qotishlarni oldini olishda o’z samaradorligini ko’rsatadi.

Har bir xonadondagi elektr ta’minotini barqarorligi, aholining qulay va farovon hayotini ta’minlashga xizmat qiladi. Ana shu maqsadda Buxoro shahar elektr ta’minoti korxonasi tomonidan Buxoro shahar aholisining elektr ta’minotini yaxshilashga qaratilgan keng ko‘lamli qurilish va montaj ishlari olib borilmoqda.

Jumladan, Dilkusho ko’chasidagi eskirgan elektr uzatish tarmoqlari yangilanib, 40 dona mustahkam temir – beton tayanchlar rostlandi, 3000 metr uzunlikdagi himoyalangan SIP kabellari tortildi. Shuningdek 1 dona quvvati 400 kVA bo’lgan transformator punktini o’rnatish jarayonlari amalga oshirilmoqda.

Mazkur chora – tadbirlar elektr energiyasi sifati va ishonchliligini oshirish, avariyaviy holatlarning oldini olish hamda iste’molchilarga yanada qulay sharoit yaratishda muhim ahamiyat kasb etadi.

“O‘zbekiston energetika haftaligi — 2026” doirasida O‘zbekiston Energetika vazirligi va BAAning “AMEA Power” kompaniyasi tomonidan yurtimizdagi yana bir yirik energetika loyihasi qurilishiga start berildi. Xususan:

Toshkent shahrining Mirzo Ulug‘bek tumanida qiymati 86,1 mln dollar bo‘lgan 150 MVt quvvatli (300 MVt·soat) energiya saqlash tizimi qurilishi boshlandi.

Bundan tashqari kelgusida ushbu Hamkor bilan birgalikda Buxoro viloyatining G‘ijduvon tumanida 200 MVt quvvatli (800 MVt·soat) energiya saqlash stansiyasi barpo etish rejalashtirilgan. Loyihaning umumiy qiymati 200 mln dollarni tashkil etadi.

Shuningdek, Qoraqalpog‘iston Respublikasining Qo‘ng‘irot tumanida esa qiymati 1,06 mlrd dollar bo‘lgan 1 000 MVt quvvatli shamol elektr stansiyasi va 40 km uzunlikdagi elektr uzatish tarmog‘ini qurish loyihasi ham amalga oshirmoqda.

Mazkur loyihalar yurtimiz energetika infratuzilmasini yanada mustahkamlash,qayta tiklanuvchi energiya manbalarini kengaytirish hamda energiya ta’minoti barqarorligini oshirishga xizmat qiladi.