Barqaror elektr ta’minoti yo‘lida!
“Buxoro hududiy elektr tarmoqlari korxonasi” AJ tomonidan podstansiyalarda kuz-qish mavsumiga tayyorgarlik doirasida ta’mirlash va modernizatsiya ishlari bajarildi.
Aholining elektr energiya sohasiga oid murojaatlarini o’rganish yuzasidan sayyor qabul o’tkazildi.
⚡️ “Buxoro hududiy elektr tarmoqlari korxonasi” AJ rahbariyati ishtirokida Jondor va Olot tumanlaridagi Xalq qabulxonalarida aholining elektr energiya sohasiga oid murojaatlarini o’rganish yuzasidan sayyor qabul o’tkazildi.
📝 Sayyor qabulda fuqarolarning elektr energiyasi ta’minoti bilan bog’liq barcha murojaatlari tinglandi va qisqa muddatlarda ijobiy yechim topish choralarini ko’rish bo’yicha mas’ullarga topshiriqlar berilib, ijrosi nazoratga olindi.
Ta’kidlash joizki, bunday sayyor qabullar aholi bilan ochiq va bevosita muloqotni ta’minlab, joylardagi muammolarni tezkor va samarali hal etishda muhim ahamiyat kasb etmoqda.
Elektr_xavfsizligi_oyligi
“Buxoro hududiy elektr tarmoqlari korxonasi” AJ mas’ul xodimlari va hamkor tashkilotlar vakillari bilan birgalikda “Elektr xavfsizligi oyligi” doirasida umumta’lim maktablarida targ‘ibot tadbirlarini o‘tkazmoqda.
🔹 Tadbirlar davomida o‘quvchilarga elektr toki bilan bog‘liq xavf-xatarlar, elektr jihozlaridan xavfsiz foydalanish qoidalari hamda elektr qurilmalari yaqinida ehtiyotkor bo‘lish va xavfsizlik talablariga qat’iy rioya qilish zarurligi tushuntirilmoqda.
🔹 Shuningdek, mas’ul xodimlar tomonidan ish joylarida mehnat va texnika xavfsizligi qoidalariga rioya etilishi, xavfsiz mehnat sharoitlari yaratilgani hamda ish jarayonlarining belgilangan talablar asosida tashkil etilgani joyiga chiqqan holda o‘rganilmoqda.
⚡️ Elektr xavfsizligi qoidalariga amal qilish — hayot va salomatlikni asrashning muhim shartidir!
21-oktabr – Oʻzbek tili bayrami!
Ushbu kunni Kogon tuman elektr ta’minoti korxonasi xodimlari ko’tarinki kayfiyatda o’tkazmoqda.
Til – millatning boyligi va bebaho mulki!
Tilimizni har kuni qadrlaylik!
HET BILLING — ELEKTR ENERGIYASI HISOB-KITOBLARINI NAZORAT QILING
💡 HET Billing mobil ilovasi orqali elektr energiyasidan foydalanish bilan bog‘liq ma’lumotlarni qulay va tezkor tarzda kuzatib borishingiz mumkin.
▶️ HET Billing ilovasidan foydalanish bo‘yicha videoqo‘llanmamizni tomosha qiling va ilovadan foydalanishni oson o‘rganing!
«БИЗДАН ЭШИТИНГ» — РАСМИЙ АХБОРОТНИ БИРИНЧИ МАНБАДАН ОЛИНГ!
🎙Биринчи ишончли ахборот кимда?
Албатта, Матбуот котибларида!
Энди энг долзарб саволларга жавобни бевосита расмий ахборот манбаларидан эшитасиз.
«Биздан эшитинг» — янги подкаст лойиҳаси! Унинг ўзига хос жиҳати шундаки, суҳбатдошларимиз Матбуот котиблари ва Ахборот хизмати масъуллари бўлади.
Бу ерда тахминлар эмас, аниқ маълумотлар, расмий муносабатлар ва ишончли жавоблар берилади.
Илк сон мавзуси: Куз-қиш мавсумига тайёргарлик.
Фавқулодда вазиятлар вазирлиги ва «Ҳудудий электр тармоқлари» масъуллари билан мавсумга тайёргарлик, электр таъминоти, эҳтимолий фавқулодда вазиятлар ва аҳолини қизиқтирган муҳим масалалар хусусида суҳбатлашдик.
Куз-қиш мавсумига тайёргарлик қандай кетмоқда? Қандай чоралар кўрилган? Фуқаролар нималарга эътибор қаратиши керак?
Бу ва бошқа саволларга жавоб — подкастимизнинг биринчи сонида!
«Биздан эшитинг» — миш-мишлардан эмас, биринчи манбадан!
Подкастни ушбу ҳавола орқали кўришингиз мумкин: https://www.youtube.com/watch?v=Bu3ptfVv5vQ
❗️Томоша қилинг, фикр билдиринг ва ўзингизни қизиқтирган саволлар ва келгуси мавзуларга таклифларни изоҳларда қолдиринг!
XAVFSIZLIK SABOQLARINI BOLALIKDAN BOSHLANG
“Buxoro hududiy elektr tarmoqlari korxonasi” AJ mas’ul xodimlari tomonidan “Elektr xavfsizligi oyligi” doirasida umumta’lim maktablarida targ‘ibot tadbirlari o‘tkazilmoqda.
🔹 Unda o‘quvchilarga elektr toki bilan bog‘liq xavf-xatarlar, elektr jihozlaridan xavfsiz foydalanish qoidalari va elektr qurilmalari yaqinida xavfsizlik talablariga rioya qilish zarurligi tushuntirilmoqda.
⚡️ Xususan, shikastlangan elektr simlariga tegmaslik, elektr jihozlarini nam qo‘l bilan ushlamaslik, transformator punktlari va boshqa elektr qurilmalariga yaqinlashmaslik, xavfli vaziyat yuzaga kelganda darhol kattalarga xabar berish lozimligi bolalarga tushunarli tilda yetkazilmoqda.
✅ Bunday targ‘ibot tadbirlaridan ko‘zlangan maqsad — yosh avlodning elektr xavfsizligi bo‘yicha bilim va ko‘nikmalarini oshirish, ularda ehtiyotkorlik qoidalariga rioya qilish odatini shakllantirish, baxtsiz hodisalarning oldini olishdir.
Barqaror_elektr_taminoti_sari
🔹 Kuz-qish mavsumini betalofat o‘tkazish hamda iste’molchilarni sifatli va belgilangan me’yorlardagi elektr energiyasi bilan ta’minlash maqsadida “Buxoro hududiy elektr tarmoqlari korxonasi” AJ tomonidan hududlarda keng ko‘lamli tayyorgarlik ishlari olib borilmoqda.
🔧 Xususan, 2 200 dan ortiq transformator punktida joriy ta’mirlash ishlari bajarilib, elektr qurilmalarining ishonchli va barqaror ishlashiga alohida e’tibor qaratilmoqda.
✅ Asosiy maqsad — har qanday ob-havo sharoitida elektr ta’minotidagi uzilishlarning oldini olish va iste’molchilarga elektr energiyasini uzluksiz yetkazib berish.
⚡️ Barqaror elektr ta’minoti — xonadonlar charog‘onligi va xalqimiz farovonligining muhim omilidir.
ONA TILIM — FAXRIM
“Buxoro hududiy elektr tarmoqlari korxonasi” AJda o‘zbek tiliga davlat tili maqomi berilganligining 37 yilligi munosabati bilan umummilliy diktant tashkil etildi
Tadbirning asosiy maqsadi davlat tilining nufuzini oshirish, korxona xodimlarining yozma savodxonligi va nutq madaniyatini yuksaltirishdan iborat.
Diktant jarayonida o‘zbek tilining imlo qoidalari, adabiy til me’yorlari va davlat tilida ish yuritish borasida korxona xodimlari o’zlarining bilim va ko‘nikmalarini sinovdan o‘tkazdilar.
Ushbu tashabbus ishtirokchilarda ona tiliga hurmat tuyg‘usini mustahkamlash, kundalik faoliyatda savodli va ravon yozish ko‘nikmalarini rivojlantirishga xizmat qiladi.
Tadbir yakunida diktantni imloviy xatolarsiz va namunali yozgan xodimlarga korxona kasaba uyushmasi qo‘mitasi tomonidan esdalik sovg‘alari topshirildi.
Ta’kidlash joizki, ona tilini e’zozlash — milliy o‘zlikni anglash, ma’naviy qadriyatlarni asrash va kelajak avlodga munosib meros qoldirish demakdir.
BOLA XAVFNI ANGLAMASLIGI MUMKIN, KATTALAR ESA UNI OLDINDAN KO‘RA BILISHI SHART!
Bola dunyoni qiziquvchan nigohlar bilan taniydi. U uchun rozetka – oddiy buyum, elektr ustuni – qiziqarli manzara, uzilgan sim esa xavf ekanini anglash qiyin. Chunki bola xavfni emas, qiziqishni ko‘radi. Kattalarning vazifasi esa aynan shu nuqtada boshlanadi: bola hali anglamagan xavfni oldindan ko‘ra bilishi va uning oldini olishi kerak.
Farzandimizga «tegma», «yaqinlashma», «mumkin emas» deyishning o‘zi yetarli emas.
Unga nima uchun mumkin emasligini tushuntirish, xavfni tanishni o‘rgatish va xavfli vaziyatda qanday yo‘l tutishni singdirish lozim.
🔹 Bolalarni transformator punktlari va elektr qurilmalaridan uzoq tuting.
🔹 Elektr ustunlariga chiqish, uzilgan simlarga yaqinlashish va rozetkalarga begona buyumlarni tiqish hayot uchun xavfli ekanini tushuntiring.
🔹 Uy sharoitida ochiq simlar, nosoz rozetkalar va elektr jihozlaridagi kamchiliklarni e’tiborsiz qoldirmang.
🔹 Xavfli holat aniqlansa, bolalarni uzoqlashtiring va tegishli xizmatlarga xabar bering.
Eng muhimi, bolaga xavfsizlikni faqat so‘z bilan emas, shaxsiy namuna bilan ham o‘rgating.
Chunki farzand kattalarning nasihatidan ko‘ra, kundalik xatti-harakatlarini ko‘proq kuzatadi.
“Hududiy elektr tarmoqlari” AJ barcha ota-onalar, pedagoglar va fuqarolarni elektr xavfsizligiga befarq bo‘lmaslikka chaqiradi.
Unutmang: elektr xavfsizligi borasidagi bugungi bir daqiqalik e’tibor ertaga bir umrga tatigulik ne’mat – inson hayotini saqlab qolishi mumkin.