Juma, Sentabr 4, 2026

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ
"BUXORO HETK"AJ OB'EKTLARINI XARITASI
Energetika yangiliklari 

Peshkuda ziyo taratayotgan taraqqiyot chiroqlari

hetk 124 Views

Bugun Yangi O‘zbekistonda amalga oshirilayotgan islohotlarning haqiqiy mezoni – inson manfaati, xalq farovonligi va hududlarning barqaror taraqqiyotidir. Prezidentimiz tashabbusi bilan hayotga tatbiq etilayotgan davlat dasturlari nafaqat shaharlar, balki eng chekka qishloq va mahallalar qiyofasini ham tubdan o‘zgartirmoqda. Ayniqsa, zamonaviy elektr energetikasi infratuzilmasini yaratish, aholini uzluksiz va sifatli elektr energiyasi bilan ta’minlash masalasi davlat siyosatining eng ustuvor yo‘nalishlaridan biri sifatida belgilab olingani bugun har bir hududda amaliy natijalarini namoyon etmoqda.

Buxoro viloyatining eng chekka hududlaridan biri – Peshku tumanida olib borilayotgan ishlar ana shu ezgu siyosatning yorqin ifodasidir. Elektr energiyasi – bu shunchaki yorug‘lik emas. U ishlab chiqarish quvvati, tadbirkorlik rivoji, ta’lim va tibbiyot muassasalari faoliyati, eng muhimi, har bir xonadonning osoyishta va farovon hayoti demakdir.

✅ Batafsil Uza.uz

Energetika yangiliklari 

Ko’hnarabotliklar elektr ta’minoti yaxshilanmoqda

hetk 137 Views

O‘zbekiston Respublikasi Prezidenti Shavkat Mirziyoyev raisligida yoqilg‘i-energetika tarmog‘ini rivojlantirish hamda kuz-qish mavsumiga puxta tayyorgarlik ko‘rish masalalariga bag‘ishlangan videoselektor yig‘ilishida belgilangan vazifalar ijrosini ta’minlash maqsadida «Yangiyo‘l» tumani tajribasi Buxoro viloyatining G‘ijduvon tumanida bosqichma-bosqich joriy etilmoqda. Xususan, tumanning “Xalqobod” MFYdagi Ko’hna rabot qishlog’ida 77 dona mustahkam temir beton tayanchlarini qurish, 2500 metr uzunlikdagi zamonaviy SIP kabellarini tortish va 1 dona quvvati 400 kVA bo’lgan transformator punktini o’rnatish ishlari olib borilmoqda. Ayni damda tayanchlarni rostlash ishlari yakuniga yetkazilib, havo tarmog’ini yangilash, transformator punkni montaj qilish ishlari bajarilmoqda.

Bunday loyihalarning amalga oshirilishi aholi turmush farovonligini yaxshilanishiga xizmat qilishi bilan yanada ahamiyatlidir.

Energetika yangiliklari 

Podstansiyalar birma-bir ko’rikdan o’tkazilib, aniqlangan kamchiliklar bartaraf qilinmoqda

hetk 154 Views

Iste’molchilar elektr ta’minotini yaxshilash, kuz-qish mavsumlariga puxta tayyorgarlik ko‘rish, mavjud muammolarni tuzatish uchun “Buxoro hududiy elektr tarmoqlari korxonasi” AJ tomonidan amaliy ishlar olib borilmoqda. Xususan, hududlardagi 105dona podstansiyalar texnik jihatdan o’rganilmoqda va kelib chiqishi mumkin bo’lgan nuqsonlarning oldini olishga qaratilgan joriy va mukammal ta’mirlash ishlari bajarilmoqda.

👷‍♂️ Joriy yildan jamiyat tomonidan 15 dona yuqori kuchlanishdagi podstansiyalarni mukammal 90 dona podstansiyalarni joriy ta’mirlash rejalashtirilgan. Ayni kunlarda belgilangan grafik asosida bosqichma – bosqich ta’mirlanmoqda va sinovdan o’tkazilmoqda.

✅ Bunday tadbirlar uskunalar texnik holati mustahkamligining oshishiga, tarmoqdagi ortiqcha yo’qotishlarni oldini olishga va iste’molchilarni sifatli elektr energiyasi bilan ta’minlashga xizmat qiladi.

Bo’sh ishchi o’rinlari E’lonlar Ochiq ma'lumotlar 

“Buxoro hududiy elektr tarmoqlari korxonasi”AJ mavjud bo’sh ish o’rinlariga tanlov e’lon qilganligini ma’lum qiladi.

hetk 215 Views

“Buxoro hududiy elektr tarmoqlari korxonasi”AJ elektr uskunalari va tarmoqlariga xizmat ko’rsatuvchi elektromontyor lavozimi bo’yicha G’ijduvon, Shofirkon, Peshko’ hamda Romitan tuman elektr ta’minoti korxonalarida mavjud bo’sh ish o’rinlariga tanlov e’lon qilganligini ma’lum qiladi.
Tanlovda ishtirok etish istagida bo’lganlardan 2026 yilning 7 avgust kuni soat 13:00ga qadar “Buxoro hududiy elektr tarmoqlari korxonasi”Ajning Xodimlar bilan ishlash bo’limiga kelib, kerakli hujjatlarni taqdim etishlari so’raladi.

Talablar:
Mutaxasisligi bo’yicha Energetik (Oliy yoki o’rta maxsus)

Manzil: Buxoro shahri, Sanoatchilar ko’chasi 1/1 uy
Xodimlarni boshqarish bo’limi: ☎️ (65) 225 4264

“Buxoro hududiy elektr tarmoqlari korxonasi”AJ

Energetika yangiliklari Без рубрики 

Isteʼmolchilarni barqaror elektr energiyasi bilan taʼminlash bo‘yicha tizimli ishlar amalga oshirilmoqda.

hetk 254 Views

«Buxoro hududiy elektr tarmoqlari korxonasi» AJ tomonidan Buxoro viloyatidagi isteʼmolchilarni barqaror elektr energiyasi bilan taʼminlash bo‘yicha tizimli ishlar amalga oshirilmoqda.

“O’zbekiston 24” telekanalining “Maxsus reportaj” informatsion dasturi viloyatda taqsimlash tarmoqlarini yangilash va modernizatsiya qilish ishlari xususida lavha efirga uzatdi.

Videolavhani ko’rish

E’lonlar 

15 ta hududda elektr va gaz ta’minotini yaxshilash bo‘yicha tashkil etilgan maxsus shtablarga murojaat qiling

hetk 186 Views

Murojaatingiz_biz_uchun_muhim

Joylardagi elektr va gaz ta’minoti holatini chuqur tahlil qilish, mavjud muammolarni aniqlash va ularni tizimli bartaraf etish orqali iste’molchilarga ko‘rsatilayotgan xizmatlar sifatini yanada oshirish maqsadida respublikamizning 15 ta hududida maxsus shtablar tashkil etildi.

Ularning har biriga energetika tizimi tashkilotlari rahbarlari shtab rahbari sifatida biriktirildi, tuman hokimlari esa shtab rahbarining o‘rinbosari etib belgilandi.

Agar sizda yuqoridagi masalalar yuzasidan murojaat va takliflaringiz bo‘lsa, ushbu tumanlar hokimligida tashkil qilingan shtablarga murojaat qilishingizni so‘raymiz.

💙Andijon tumani — vazir maslahatchisi Dadajon Isakulov;

💙Davlatobod tumani — “O‘zbekiston milliy elektr tarmoqlari” AJ raisi Abdumalik Nazirov;

💙Denov tumani — “O‘zenergoinspeksiya” boshlig‘i o‘rinbosari Bexzod Sobirov;

💙Farg‘ona tumani — “Hududgazta’minot” AJ raisi Marufxon Xodjayev;

💙Koson tumani — “O‘zenergoinspeksiya” boshlig‘i o‘rinbosari Xurshidjon Eshqo‘ziyev;

💙Mirzo Ulug‘bek tumani — vazirning 1-o‘rinbosari Umid Mamadaminov;

💙Qo‘shtepa tumani — “O‘zenergosotish” AJ raisi Jahongir Obidjonov;

💙Sirdaryo tumani — “Issiqlik elektr stansiyalari” AJ raisi Bahodir Jo‘rayev;

💙To‘rtko‘l tumani — “Issiqlik elektr stansiyalari” AJ raisining 1-o‘rinbosari Ozod Axunov;

💙Urganch tumani — “Hududiy elektr tarmoqlari” AJ raisining 1-o‘rinbosari Bobur Islomov;

💙Urgut tumani — “Hududiy elektr tarmoqlari” AJ raisi Sardor Isakulov;

💙Xatirchi tumani — vazir o‘rinbosari Umarjon Egamberdiyev;

💙Yangiyo‘l tumani — Energetika vaziri Sherzod Xodjayev;

💙G‘ijduvon tumani — “O‘ztransgaz” AJ raisi Askar Isakov;

💙Sh.Rashidov tumani — “O‘zenergoinspeksiya” boshlig‘i Axad Isoqjonov.

Nega aynan ushbu tumanlar tanlandi❓

Elektr energiyasi va tabiiy gazdan qarzdorliklar yuqori bo‘lgani, elektr energiyasi va tabiiy gazdagi yo‘qotishlari oshgani, tarmoqlarning eskirganligi bo‘yicha murojaatlarning ko‘pligi va boshqa bir qator omillar hisobga olingan.

Tadbirlar 

KORRUPSIYA HALOKATGA YETAKLOVCHI YO’L

hetk 163 Views

“Buxoro hududiy elektr tarmoqlari korxonasi” Ajda korrupsiyaga qarshi kurashish, tizimda ochiqlik va shaffoflikni ta’minlash, xizmat intizomini mustahkamlash masalalariga bag‘ishlangan kengaytirilgan yig‘ilish bo‘lib o‘tdi.

Yig‘ilishda jamiyat bosh direktori tomonidan korrupsiyaviy holatlarning oldini olish, bu boradagi qonunchilik talablari hamda xodimlarning xizmat faoliyatida halollik, mas’uliyat va vijdonlilik tamoyillariga qat’iy amal qilinishi masalalari atroflicha muhokama qilindi va Buxoro tumanida kuzatilgan holat tanqidiy ravishda ko’rib chiqildi. Arzimagan moddiy manfaatdorlik uzoq yillar mehnat qilib topilgan obro’ e’tiborni bir zumda yakson qilib, yaqinlar oldida yuzumizni yerga qaratishi mumkinligi uqtirildi.

Shuningdek, korxonaning Korrupsiyaga qarshi kurashish va komplayens nazorat xizmati boshlig‘i joriy yilning o’tgan davri mobaynida sohada sodir bo’lgan korrupsion holatlar haqida ma’lumot berdi va har bir xodim ogohlikka chaqirildi.

E’lonlar Energetika yangiliklari 

Yoqilg‘i-energetika tizimi tashkilotlarining yangi rahbarlari jamoaga tanishtirildi

hetk 142 Views

2026-yil 27-iyul O‘zbekiston Respublikasi Prezidentining yoqilg‘i-energetika masalalari bo‘yicha maslahatchisi Bexzot Narmatov ishtirokida yoqilg‘i-energetika tizimi tashkilotlariga tayinlangan yangi rahbarlarni jamoaga tanishtirish marosimi bo‘lib o‘tdi.

Tadbirda Energetika vaziri Sherzod Xodjayev, “Hududiy elektr tarmoqlari” AJ boshqaruvi raisi Sardor Isaqulov hamda “O‘zenergoinspeksiya” rahbari lavozimiga tayinlangan Axad Isoqjonov jamoaga tanishtirildi. Unda yoqilg‘i-energetika tizimidagi barcha tashkilotlar rahbarlari va mas’ul xodimlari ishtirok etdi.

Uchrashuv davomida bugun davlatimiz rahbari raisligida o‘tkazilgan tanqidiy yig‘ilishda belgilangan ustuvor vazifalar yana bir bor muhokama qilinib, ularning ijrosini o‘z vaqtida, sifatli va to‘liq ta’minlash yuzasidan mas’ullarga aniq topshiriqlar berildi.

Shuningdek, belgilangan vazifalarni vijdonan va yuksak mas’uliyat bilan bajarish, sohada ijro intizomini yanada mustahkamlash, yuklatilgan vazifalar ijrosiga befarqlik yoki xiyonatga mutlaqo yo‘l qo‘yilmasligi alohida ta’kidlandi. Bu borada har bir rahbar va mas’ul xodimning shaxsiy javobgarligi yuqori ekani qayd etildi.

Shu bilan birga, sohada amalga oshirilishi lozim bo‘lgan ishlar hali juda ko‘p ekani ta’kidlandi. Erishilayotgan natijalarni yutuq sifatida emas, balki har bir rahbar va mas’ul xodimning o‘z xizmat vazifasini vijdonan va sidqidildan bajarishining tabiiy natijasi sifatida baholash zarurligi qayd etildi. Barcha kuch va sa’y-harakatlar belgilangan vazifalarning to‘liq va samarali ijrosini ta’minlashga qaratilishi lozimligi alohida uqtirildi.

Yig‘ilish yakunida yoqilg‘i-energetika tizimidagi tashkilotlar rahbarlari va jamoalari zimmasiga yuklatilgan vazifalarni birgalikda, fidoyilik, yuksak mas’uliyat va qat’iy intizom asosida amalga oshirish zarurligi yana bir bor ta’kidlandi.