Sinoptiklar ma’lumotiga kо‘ra joriy yilning 25-29 iyul kunlari О‘zbekiston bо‘yicha juda issiq ob-havo bо‘lishi kutilmoqda. Bunday vaziyatda sovitish tizimlari va maishiy jihozlari qо‘l kelib, jaziramani osonroq о‘tkazishimizga yordam beradi, albatta.
Shu о‘rinda, elektr jihozlaridan foydalanish qoidalariga amal qilish muhimligini, aks holda yong‘in, elektr tokidan zararlanish va boshqa shu kabi noxush holatlar kelib chiqish xavfi mavjudligini eslatib о‘tmoqchimiz.
2024-yil 18-iyul kuni soat 17:06 da “Sirdaryo IES” va “Toshkent-500” podstansiyasida differensial fazali himoyasidan muvaffaqiyatsiz avtomatik qayta ulash bilan “L-502” elektr uzatish tarmogʻi avariyaviy oʻchgan va soat 18:00 da ushbu avariya bartaraf etilgan.
Havo tarmogʻi koʻrikdan oʻtkazilganda, Toshkent viloyatining Piskent tumani hududidan oʻtuvchi tarmoqning 165-166-tayanchlari oraligʻida begona shaxslar tomonidan qurigan somon qoldiqlari yoqib yuborilganligi aniqlandi.
Dastlabki oʻrganishlar Vazirlar Mahkamasining 2018-yil 26-dekabrdagi 1050-son qarori talablarining qoʻpol ravishda buzilishi mazkur oʻchishga sabab boʻlganligini koʻrsatdi.
Hurmatli isteʼmolchilar, ushbu qarorga muvofiq, 110, 220 va 500 kV kuchlanishli elektr uzatish havo tarmoqlarining muhofaza zonalarida ekologik zarar hamda yongʻin keltirib chiqarishi mumkin boʻlgan harakatni sodir etganlik uchun javobgarlik mavjud.
Eslatib oʻtamiz, elektr uzatish kabel liniyalarining muhofaza zonalarida olov yoqish hamda yoqilgʻi-moylash materiallarini tashlash va quyish, axlatxonalarni joylashtirish, shuningdek, koʻplab odamlar yigʻilishi bilan bogʻliq boʻlgan har qanday tadbirlarni oʻtkazish hamda har qanday obyektni, predmetni joylashtirish taqiqlanadi.
Buxoro viloyatida Xitoyning yetakchi kompaniyasi bilan kelishuv asosida yangi loyiha bo‘yicha “Vobkent-110/35/10” podstansiyasining quvvatini oshirish uchun 2 dona 40 ming kilovatt soat kuchlanishli elektr transformatorlari olib kelindi. –Buxorodagi to‘rtta yirik quvvatga ega podstansiyalarda zamonaviy transformatorlarni o‘rnatdik, – deydi xitoylik muhandis Liu Vang. – Bu yangi texnikalar energiyani bir necha barobarga tejaydi va oldingisiga nisbatan xavfsiz hisoblanadi.
O’zbekiston Respublikasi Vazirlar Mahkamasining 2022-yil 24 oktyabrdagi 598-sonli farmoyishiga asosan “UZINFOCOM davlat axborot tizimlarini yaratish va qo’llab-quvvatlash bo’yicha Yagona integrator” MCHJ tomonidan “Hududiy elektr tarmoqlari”AJ ning iste’molchilar elektr energiyasini qayd etish va hisob-kitob qilish bo’yicha yangi “HET BILLING” dasturiy kompleksini ishlab chiqish va joriy etish belgilangan bo’lib, bugungi kunda yangi billing dasturi test rejimida ishga tushirildi.
Kuni kecha “Buxoro hududiy elektr tarmoqlari korxonasi” AJda yangi “HET BILLING” dasturiy kompleksidan foydalanish bo’yicha o’quv-seminari tashkil etildi.
Seminarda “EESAM” direktori mutaxassislari so’zga chiqib, seminar ishtikorchilariga yangi dasturiy ta’minotning ishlash tartibi, imkoniyatlari va afzalliklari to’g’risida ma’lumot berdi.
“Sevimli” telekanalining “Zamon” informatsion dasturi muxbiri Ixtiyor Siddiqov ijtimoiy tarmoqlarda kо‘plab e’tirozlarga sabab bо‘lgan holatlar yuzasidan mutaxassisdan izoh oldi.
200 kilovatt soat elektr energiyasi ijtimoiy normami yoki limit? – Mutaxassis izoh berdi (+video)
Joriy yilning 16 aprel kuni О‘zbekiston Respublikasi Vazirlar Mahkamasining qarori bilan aholi uchun elektr energiyasi va tabiiy gaz bir oylik iste’molining bazaviy meyorlari tasdiqlangan edi.
“Yangi O’zbekiston” 110/35/10 kV podstansiyasida Favqulodda vaziyatlar boshqarmasi, G’ijduvon tuman elektr ta’minoti korxonasi xodimlari hamda tegishli tashkilotlar bilan hamkorlikda maxsus-taktik o’quv mashqlari o’tkazildi. O’quv mashg’ulotida G’ijduvon tuman elektr ta’minoti korxonasining favqulodda vaziyatlarda harakatlanish shayligi sinovdan o’tkazildi. Shuningdek, favqulodda vaziyatlar sodir bo’lganda to’g’ri harakat qilishga va uning oqibatlarini bartaraf etishga tayyor deb baholandi.
Elektr energiyasi iste’molchilaridan kelib tushayotgan murojaatlarni tezkorlik bilan o’rganib, ularga qisqa muddatlarda ijobiy yechim topish borasida “Buxoro hududiy elektr tarmoqlari korxonasi” AJ tomonidan tizimli ishlar olib borilmoqda. Bu borada viloyatimizning Qorako’l tumanida ham bir qator qurilish va montaj ishlari bajarilmoqda. Xususan, tumannining “Ponvonlar” mahalla fuqarolar yig’ini Yetti pahlavon qishlog’i aholisining elektr energiyasi ta’minoti bilan bog’liq muammolari bugun o’z yechimini topmoqda. Hudud aholisining elektr energiyasi taminotini yaxshilash maqsadida manan eskirgan simyog’ochlar yangisiga almashtirilib, 7 dona mustahkam temir-beton tayanchlar tiklandi va elektr uzatish tarmog’i tortildi. Amalga oshirilayotgan bu kabi sa’y harakatlar iste’molchilarni barqaror elektr energiyasi bilan ta’minlashga xizmat qiladi.
Belgilangan yillik reja grafigi asosida “Buxoro hududiy elektr tarmoqlari korxonasi” AJ Podstansiyalar xizmatgohi xodimlari tomonidan yuqori kuchlanishdagi podstansiyalarda joriy va mukammal ta’mirlash ishlari olib borilmoqda. Jumladan, “O’zbekiston” 110/35/10 kV podstansiyasida joriy ta’mirlash ishlari amalga oshirildi. Podstansiyada obodonlashtirish, estetik holatini yaxshilash, elektr qurilmalarni bo‘yoqlash hamda qizishini oldini olish, ulanish nuqtalarini ko’rikdan o’tkazish va mahkamlash, sozlash, podstansiyalardagi kuch transformatorini moy sathini me’yor holatga keltirish ishlari olib borildi. Shuningdek, ushbu podstansiyadagi 35 kVli moyli o’chirgich mukammal ta’mirlandi.
Romitan tumani “Chandir” mahalla fuqarolar yig’iniga qarashli Hasanobod qishlog’ini aholisini sifatli elektr energiyasi bilan ta’minlash maqsadida “Buxoro hududiy elektr tarmoqlari korxonasi” AJ tomonidan bir qator ishlar amalga oshirilmoqda. Belgilangan chora tadbirlar asosida hududga 39 dona mustahkam temir beton tayanchlari o’rnatilib, 1600 metr uzunlikdagi himoyalangan SIP kabellari tortilmoqda. Olib borilayotgan qurilish va montaj ishlari yakuniga yetkazilganidan so’ng hududdagi 80ga yaqin xonadon me’yor darajasidagi elektr energiyasi bilan ta’minlanadi.
