Energetika yangiliklari

“Buxoro hududiy elektr tarmoqlari korxonasi” Ajda xodimlar malakasini oshirishga alohida e’tibor qaratilib, bu borada tizimli va amaliy ishlar olib borilmoqda. Xodimlarning kasbiy ko‘nikmalarini yanada mustahkamlash maqsadida zamonaviy yondashuvlar asosida bilim olishi uchun sharoitlar yaratib berilmoqda.

Jumladan, O’zbekiston Respublikasi Qurilish va uy – joy kommunal xo’jaligi vazirligi huzuridagi Kompetensiyani rivojlantirish institutining shaharsozlik hujjatlarini ishlab chiqish va mualliflik nazoratini olib borish huquqini beruvchi malaka oshirish kurslariga jamiyatning, Loyiha va smeta hujjatlarini ishlab chiqarish bo’limi muhandislari jalb qilindi. Belgilangan o’quv kursini muvaffaqiyatli tamomlab, yakuniy imtihonlarda ijobiy natija ko’rsatgan xodimlar maxsus sertifikatlarga ega bo’ldi.

Mazkur chora-tadbirlar korxonada ish samaradorligi ortishi, xizmat ko‘rsatish sifatini yanada yaxshilashga xizmat qiladi.

Elektr ta’minotining barqarorligi ta’minlash uchun elektr tarmoqlarini mustahkamlash, mavjud infratuzilmani modernizatsiya qilish, yangi quvvatlarni ishga tushirish borasida Buxoro shahar elektr ta’minoti korxonasi tomonidan izchil ishlar amalga oshirilmoqda.

Xususan, eskirgan elektr uzatish liniyalari va transformator punktlari bosqichma-bosqich yangilanmoqda.

Jumladan, Buxoro shahrining “Dilkusho”, “Gulchorbog’”, “Guliston” va “Sa’diy Sheroziy” MFY hududlarini elektr energiyasi bilan ta’minlovchi “Kardialogiya” 6 kVli elektr uzatish tarmog’ida qisman yangilash ishlari amalga oshirildi. Buning uchun 40 dona mustahkam temir beton tayanchlari rostlanib, 2000 metr uzunlikdagi tarmoq yangilandi

Natijada 3000ga yaqin iste’molchilarning elektr energiyasi ta’minoti yaxshilandi

Bunday amaliy ishlar, iste’molchilarga sifatli va barqaror xizmat ko‘rsatish darajasi oshirib, tarmoqdagi ortiqcha yo’qotishlarni oldini olishga xizmat qiladi.

Shaharimizning tungi qiyofasini yanada yorqin va jozibador qilish, aholiga qulay hamda xavfsiz muhit yaratish maqsadida “Buxoro hududiy elektr tarmoqlari korxonasi” AJ tomonidan ichki imkoniyatdan kelib chiqgan holda amaliy ko’mak ko’rsatilib, ko‘cha yoritish tizimlarini yaxshilash bo‘yicha keng ko‘lamli ishlar amalga oshirilmoqda.
Ushbu jarayonda korxona xodimlari zamonaviy va energiya tejamkor ko‘cha chiroqlarini o‘rnatib, shahrimiz ko’chalariga yanada yorug’lik va aholi hayotiga yanada farovonlik ulashmoqda.

Mazkur ishlar nafaqat shahar infratuzilmasini rivojlantirishga, balki uning estetik ko‘rinishini yaxshilash va insonlarning quvonchiga xizmat qiladi.

G’ijduvon tumani “G’ovshun” MFY Quyi qirg’izlar qishlog’i aholisining elektr quvvatini me’yor darajasiga keltirish borasidagi murojaati o’rganib chiqildi va unga ijobiy yechim topish maqsadida hududdagi quvvati 160 kVA bo’lgan tranformator punkti 250 kVA quvvatdagisiga almashtirildi. Natijada 200dan ortiq xonadonning elektr ta’minoti yaxshilandi.

Shuningdek, tumanning “Sohibiyon” MFY Denov qishlog’ida 15 dona mustahkam temir beton tayanchlari rostlandi,1 500 metr uzunlikdagi elektr uzatish tarmog’i tortildi va 1 dona quvvati 100 kVAli qo’shimcha transformator punkti ishga tushurildi.

☎️ Call markaz operatorlari tomonidan 24 soatlik ish rejimida aholining murojaatlari ijobiy hal etilmoqda.

So’ng’i vaqtlarda iste’molchilarning sifatli elektr energiyasiga bo’lgan talabini qondirish va uzluksizligini ta’minlash uchun “Buxoro hududiy elektr tarmoqlari korxonasi” AJ tomonidan qurilish va montaj ishlari olib borilmoqda.

Jumladan, Buxoro shahrini barqaror elektr energiyasi bilan ta’minlash, mavjud infratuzilmani modernizatsiya qilish maqsadida yana bir yirik loyiha amalga oshirildi. Buxoro sharining “Mustaqillik” MFY hamda unga yondosh hududlardagi 2 500ta iste’molchilarni elektr ta’minotini yaxshilash uchun 6 000 metr uzunlikdagi, yangi yer osti kabel tarmog’i tortildi.

Belgilangan vazifalarni o’z vaqtida bajarish uchun Buxoro shahar elektr ta’minoti korxonasining 60dan ortiq xodimlari va 5 ta maxsus texnikalar jalb etildi.

Ushbu ishlar elektr ta’minotidagi uzilishlarni va tarmoqdagi yo‘qotishlari sezilarli darajada kamayishi, shuningdek, aholining turmush farovonligini oshishiga xizmat qiladi.

Elektr energiyasi iste’molchilaridan kelib tushayotgan murojaatlarni tezkorlik bilan o’rganib, ularga qisqa muddatlarda ijobiy yechim topish borasida “Buxoro hududiy elektr tarmoqlari korxonasi” AJ tomonidan tizimli ishlar olib borilmoqda.
Bu borada viloyatimizning Kogon tumanida ham bir qator qurilish va montaj ishlari amalga oshirildi. Xususan, tumannining “Tutkunda” MFY Tutkunda qishlog’i aholisining elektr energiyasi ta’minoti bilan bog’liq muammolari bartaraf qilindi. Hudud aholisining elektr energiyasi taminotini yaxshilash uchun quvvati 400 kVA bo’lgan transformator punkti o’rnatilib, ishga tushurildi.

Jondor tuman aholisi, ijtimoiy soha ob’ektlari hamda tadbirkorlarni barqaror elektr energiyasi bilan ta’minlash, shu bilan bir qatorda aholi sonining ko’payishi, ishlab chiqarish salohiyatlarining kengayishini inobatga olgan holda zahira quvvatini yaratish maqsadida “Buxoro hududiy elektr tarmoqlari korxonasi” AJ tomonidan 40 000 kVA bo’lgan navbatdagi kuch transformatori olib kelindi.
Mazkur quvvatdagi kuch transformatorni Jondor tumanini elektr energiyasi bilan ta’minlovchi “Jondor” 110/35/10 kV podstansiyasiga o’rnatish ishlari rejalashtirilgan.

Modernizatsiya va yangilash ishlari doirasida podstansiyadagi 25 000 kVA bo’lgan kuch transformatori, 40 000 kVAli trasformatorga almashtiriladi.