Energetika yangiliklari

Hududlar elektr energiyasi ta’minotini yanada yaxshilash uchun yil avvalida belgilab olingan chora – tadbirlar asosida “Buxoro hududiy elektr tarmoqlari korxonasi” AJ tomonidan hududlar kesimida bosqichma–bosqich ta’mirlash ishlari olib borilmoqda. Jumladan, Buxoro viloyatining olis Qorovulbozor tumanida ham mazkur yo’nalishdagi ishlar reja asosida amalga oshirilmoqda.
Tuman elektr ta’minoti korxonasining xodimlari bugungi kunga qadar 18 dona transformator punktlari va 49 km uzunlikdagi elektr uzatish tarmog’ida mukammal ta’mirlash ishlarini yakuniga yetkazdi. Shuningdek, fazalar orasidagi yuklamalarni teng taqsimlash ishlarini bajarildi.
Ta’kidlash joizki, ta’mirlash ishlarining o’z vaqtida bajarilishi iste’molchilarni mustahkam elektr energiyasi bilan ta’minlashbilan bir qatorda tarmoqdagi texnologik yo’qotishlarni kamaytirishda o’z samaradorligini ko’rsatadi

“Buxoro HETK” AJ Matbuot xizmati

O‘zbekiston Respublikasi Prezidentining 2024-yil 23-sentyabrdagi “Kambag‘allikdan farovonlik sari” dasturini amalga oshirish bo‘yicha birinchi navbatdagi chora-tadbirlar to‘g‘risida”gi qarori ijrosini ta’minlash borasida “Buxoro hududiy elektr tarmoiqlari korxonasi” AJ tomonidan viloyatimizning 55 ta mahalla fuqarolar yig’ini hududlarida amaliy ishlar olib borilmoqda.

Jumladan, Vobkent tumanidagi 4 mahallada 8 dona 250 kVA quvvatdagi transformator punkti, 1200ga yaqin temir-beton tayanch o‘rnatish, 61.2 km yangi tarmoq tortish ishlari amalga oshirilmoqda.

“Buxoro HETK” AJ Matbuot xizmati

“Buxoro hududiy elektr tarmoqlari korxonasi” AJ tomonidan viloyat aholisi, ijtimoiy soha obyektlari va tadbirkorlarni barqaror elektr energiyasi bilan ta’minlashga qaratilgan keng ko’lamli ishlar olib borilmoqda.

Jarayon tavsilotlari bilan “O’zbekiston 24″ telekanalining “Maxsus reportaj” informatsion dasturi orqali tanishishingiz mumkin.

“Buxoro HETK” AJ matbuot xizmati

“Buxoro hududiy elektr tarmoqlari korxonasi” AJ tomonidan viloyat aholisi, ijtimoiy soha obyektlari va tadbirkorlarni barqaror elektr energiyasi bilan ta’minlashga qaratilgan keng ko’lamli ishlar olib borilmoqda.

Jarayon tavsilotlari bilan “Buxoro” telekanalining “Maxsus reportaj” informatsion dasturi orqali tanishishingiz mumkin.

“Buxoro HETK” AJ matbuot xizmati

Elektr energiyasi iste’molchilaridan kelib tushayotgan murojaatlarni tezkorlik bilan o’rganib, ularga qisqa muddatlarda ijobiy yechim topish borasida “Buxoro hududiy elektr tarmoqlari korxonasi” AJ tomonidan tizimli ishlar olib borilmoqda.
Bu borada viloyatimizning Vobkent tumanida ham bir qator qurilish va montaj ishlari bajarilmoqda. Xususan, tumannining “Mo’minobod” mahalla fuqarolar yig’ini Quyi qo’ng’irot qishlog’i aholisining elektr ta’minotini me’yor darajasiga keltirish borasida qilgan murojaati o’rganilib, sifatli elektr energiyasini yetkazib berish uchun amaliy ishlar olib borilmoqda. Buning uchun hududga tuman elektr ta’minoti korxonasi tomonidan 25 dona mustahkam temir – beton tayanchlari olib kelib, o’rnatilmoqda. Shuningdek, 1500 metr uzinlikdagi zamonaviy SIP kabellarini tortish rejalashtirilgan.

“Buxoro HETK” AJ Matbuot xizmati

“Buxoro hududiy elektr tarmoqlari korxonasi” AJning Podstansiyalar xizmatgohi xodimlari tomonidan joylardagi podstansiyalarning holati doimiy ravishda o’rganilib, aniqlangan kamchiliklar bartaraf qilinmoqda. Jumladan, Olot tumanidagi “Ikkilik” 35/10 kV podstansiyasida joriy ta’mirlash ishlari amalga oshirildi. Podstansiyada obodonlashtirish, elektr qurilmalari va o’chirib, yoqish uskunalarini ta’mirlash, estetik holatini yaxshilash, qizishini oldini olish hamda ulanish nuqtalarini ko’rikdan o’tkazish ishlari bajarildi.

“Buxoro HETK” AJ Matbuot xizmati

Yoz mavsumida elektr energiyasi iste’molchilarini uzluksiz va me’yor darajasidagi elektr energiyasi bilan ta’minlash maqsadida “Buxoro hududiy elektr tarmoqlari korxonasi” AJ tomonidan barcha zaruriy choralar ko’rilmoqda. Xususan, joylardagi yuqori kuchlanishdagi 95 dona podstansiyalarning holati alohida nazoratga olingan bo’lib, har bir elektr qurilmalarining mustahkamligi va sovutish uskunalarining sozligi ko’rikdan o’tkazilmoqda. Barcha qurilmalar va tarmoqlardagi ulanish nuqtalarining haroratini maxsus “Teplovizor” qurilmasi yordamida o’lchash ishlari olib borilmoqda va aniqlangan kamchiliklar bartaraf qilinmoqda.

“Buxoro HETK” AJ Matbuot xizmat

Elektr jihozlaridan foydalanish qoidalariga amal qilish muhimligini, aks holda yong‘in, elektr tokidan zararlanish va boshqa shu kabi noxush holatlar kelib chiqish xavfi mavjudligini eslatib o‘tmoqchimiz.

Kundalik hayotimizda elektr jihozlaridan xavfsiz foydalanish bo‘yicha ayrim ko‘rsatmalarga rioya qilsak, kelib chiqishi mumkin bo‘lgan noxush vaziyatlarni oldini olgan bo‘lamiz.