Energetika yangiliklari

Vazirlar Mahkamasining “Yoqilg‘i-energetika sohasida bozor mexanizmlarini joriy etishning qo‘shimcha chora-tadbirlari to‘g‘risida”gi qarori loyihasi muhokamaga qo‘yildi (http://regulation.gov.uz/uz/d/85750).

Hujjat loyihasiga ko‘ra, 2023-yil 1-oktyabrdan boshlab yuridik shaxslar uchun elektr energiyasi va tabiiy gaz tariflarini liberallashtirish taklif etilmoqda.

Xususan, 1- va 2-guruhdagi elektr energiyasi iste’molchilari (OKMK, NKMK, “O‘zmetkombinat” va byudjet tashkilotlari)ga o‘zgarishsiz – 1 kVt⋅soat uchun 1 000 so‘mgacha, qolgan yuridik shaxslar uchun 900 so‘mgacha, deb belgilanadi.

Tabiiy gaz tariflarini ham OKMK, NKMK, “O‘zmetkombinat” va byudjet tashkilotlariga o‘zgarishsiz – 1 kub metr uchun 1 800 so‘mgacha, boshqa tashkilotlarga 1 500 so‘mgacha qiymatda belgilash taklif etilmoqda.

❗️Loyihada aholi uchun ham elektr energiyasi, tabiiy va suyultirilgan gaz tariflari o‘zgarishsiz, amaldagi narxlarda qolishi ko‘zda tutilgan.

Eslatib o‘tamiz, elektr energiyasi va tabiiy gaz uchun tarif narxlari oxirgi marotaba 2019-yilning avgustida o‘zgargandi.

“Buxoro hududiy elektr tarmoqlari korxonasi” AJ tomonidan kuz-qish mavsumiga tayyorgarlik ko’rish, kelib chiqishi mumkin bo’lgan avariyaviy uzilishlarni tezkorlik bilan bartaraf etish maqsadida turli xil quvvatdagi transformator punktlari, temir-beton tayanchlar, transformator moyi, kabel, sim, turli xil quvvatdagi o’chirib yoqish uskunalari, kabel muftalari zaxirasi yaratilgan. Shuningdek, mavsumni betalofat o’tkazish maqsadida 79 ta avariya tiklash brigadalari va 29 dona maxsus texnikalar shay holatga keltirilgan.

“Buxoro HETK” AJ matbuot xizmati

“Buxoro hududiy elektr tarmoqlari korxonasi” AJ Linyalar xizmatgohi xodimlari tomonidan yuqori kuchlanishdagi “Moxixossa-1” 35 kVli havo elektr uzatish tarmog’i ko’rikdan o’tkazilib, aniqlangan kamchiliklar bartaraf etilmoqda. Mutaxassislar balandligi 25 metrgacha bo’lgan temir burchakli tayanchlarga chiqib, joriy ta’mirlash ishlarini olib bormoqdalar.

“Buxoro HETK” AJ Matbuot xizmati

Buxoroda qayta tiklanuvchi energiya manbalari va energiya tejovchi texnalogiyalarni joriy etish borasidagi ishlar yanada jadallik kasb etmoqda.

MAXSUS REPORTAJNI KO’RISH

Buxoro viloyati prokurori “Buxoro hududiy elektr tarmoqlari korxonasi” AJga tashrif buyurdi. Mahmud Istamov dastlab, Dispetcherlik xizmati va Call markazida bo’ldi va iste’molchilarni barqaror elektr energiyasi bilan ta’minlash, kelib chiqishi mumkin bo’lgan avariyali uzilishlarni tezkorlik bilan bartaraf qilish bo’yicha ko’rsatma berdi. Shuningdek, “Billing markazi”da bo’lib, elektr energiyasini hisobga olish va nazorat qilishning avtomatlashtirilgan tizimini ko’zdan kechirdi hamda tizim imkoniyati va afzalliklari iste’molchilar misolida tahlil qilindi. Yakunda, sohada hal qilinishi lozim bo’lgan masalalar bo’yicha mutasaddilarga tegishli tavsiya va topshiriqlar berildi.

“Buxoro HETK” AJ Matbuot xizmati

Issiq kunlarda elektr energiyasiga bo’lgan talabning sezilarli darajada ortishi taqsimlash qurilmalarida yuklama oshib, texnik qurilmalardagi haroratning belgilangan me’yordan ko’tarilib ketishiga olib kelmoqda. Viloyatimizda kuzatilayotgan jazirama issiq ob-havo sharoitida “Buxoro hududiy elektr tarmoqlari korxonasi” AJ tomonidan iste’molchilarini barqaror elektr energiyasi bilan ta’minlash choralari ko’rilmoqda. Hududlardagi podstansiyalarning holati o’rganilib, aniqlangan kamchiliklar bartaraf qilinmoqda va sovutish qurilmalari o’rnatilib, ishga tushirilmoqda.

“Buxoro HETK” AJ matbuot xizmati

O’zbekiston Respublikasi Prezidentining sohaga oid qabul qilgan hujjatlarini ijro holati va ularning ijrosi bo’yicha yuzaga kelayotgan muammolar yechimi bo’yicha o’quv-seminari o’tkazildi. Bu borada “Buxoro hududiy elektr tarmoqlari korxonasi” AJning mas’ul xodimlariga Buxoro viloyati adliya boshqarmasi ikkinchi darajali yuristi S. Baqoyev tomonidan atroflicha tushuntirishlar berildi va seminar yakunida xodimlar o’zlarini qiziqtirgan savollarga javob oldilar.

“Buxoro HETK” AJ matbuot xizmati

Ish jarayonlarida sodir bo’lishi mumkin bo’lgan baxtsiz hodisalarni oldini olish maqsadida joriy yil tizimda sodir boʼlgan baxtsiz hodisalarni sabablari “Buxoro hududiy elektr tarmoqlari korxonasi” AJ xodimlari bilan qayta ishlab chiqilib, shu asosida oʼquv-seminarlari oʼtkazilmoqda. Shuningdek, himoya vositalari ko’rikdan o’tkazilib, yaroqsiz ximoya vositalari yangisiga almashtirilmoqda.
Xodimlarga ish jarayonlarida yoʼl qoʼyilayotgan xato va kamchiliklar toʼgʼrisida “Mustahkamlik va xavfsizlik texnikasi xizmati” mutaxassislari tomonidan tushintirishlar berilib, ishchi xodimlar ogohlik va hushyorlikka chaqirilmoqda.

“Buxoro HETK” AJ matbuot xizmati