Author: hetk

Ma’lumki, О‘zbekiston Respublikasi Vazirlar Mahkamasining “Yoqilg‘i-energetika resurslari iste’molchilarini qо‘llab-quvvatlash maqsadida 2024-2025 yillarda yoqilg‘i-energetika resurslari narxlarining bosqichma-bosqich о‘zgarish grafigiga о‘zgartishlar va qо‘shimcha kiritish haqida” 194-son qarori qabul qilindi.

Hujjatga asosan 201 kVt·soatdan 1000 kVt·soatgacha bо‘lgan differensiallashgan tarif bо‘yicha iste’mol miqdori orasiga yangi miqdor kiritilmoqda. YA’ni 2025 yil 1 maydan e’tiboran aholi iste’molchilari 201 kVt·soatdan 500 kVt·soatgacha bо‘lgan yangi miqdor oralig‘ida har bir kilovatt·soat uchun 800 sо‘mdan tо‘laydi.

Iste’molchilar uchun “Hududiy elektr tarmoqlari” AJ tomonidan joriy yilning 1-may sanasidan boshlab amal qiladigan yangi tariflarni hisoblash uchun “Elektr energiyasining iste’mol qilish kalkulyatorini” yangilandi.

Kalkulyatordan jamiyatning rasmiy veb-sayti va “HET BILLING mobil ilovasi orqali fodalanish mumkin.

“Buxoro hududiy elektr tarmoqlari korxonasi” AJning hisobida 95 dona podstansiyalar mavjud bo’lib, joriy yilda 10 dona podstansiyani mukammal, 85 dona podstansiyani joriy ta’mirlash ishlari rejalashtirilgan. Ayni kunlarda Podstansiyalar xizmatgohi xodimlari tomonidan reja asosida joylardagi podstansiyalarning holati o’rganilib, aniqlangan kamchiliklar bartaraf qilinmoqda. Ish samaradorligini oshirish uchun hududlar kesimida ta’mirlash brigadalari tashkillashtirilgan bo’lib, podstansiyalarda obodonlashtirish, elektr qurilmalari va o’chirib, yoqish uskunalarini ta’mirlash, estetik holatini yaxshilash, moy sathini me’yor darajasiga keltirish, qizishini oldini olish hamda ulanish nuqtalarini ko’rikdan o’tkazish ishlari bajarilmoqda hamda sinovdan o’tkazilmoqda.

“Buxoro HETK” AJ Matbuot xizmati

O’zbekiston Respublikasi Prezidentining 2025-yil 1-aprelda “Yoqilg’i – energiya resurslaridan noqonuniy foydalanish va behuda sarflanishining oldini olish hamda energiya samaradorligini oshirish bo’yicha chora-tadbirlarni takomillashtirish to’g’risida”gi PQ 133 sonli qarori imzolangan bo’lib, unda iqtisodiy tarmoqlarda, davlat idoralarida va ijtimoiy soha obyektlarida hamda aholi xonadonlarida energiya tejamkorligi, samaradorligini yanada oshirish borasida bir qator vazifalar belgilangan.

Mazkur qarorning mazmun-mohiyatini aholi va soha xodimlariga tushuntirish, keng targ’ib etish maqsadida hamkor tashkilotlar bilan Kasbiy ko’nikmalar markazida seminar tashkil etildi. Unda soha vakillari so’zga chiqib, resurslardan to’g’ri foydalanish, tejamkorlik qoidalariga rioya etish va energotejamkor qurilmalarning qulayliklari haqida tushuntirish berishdi. Seminar ishtirokchilarning savollari tinglanib, fikr va mulohazalar bildirildi.

“Buxoro HETK” AJ Matbuot xizmati

G’ijduvon tumani elektr energiyasi iste’molchilarini uzluksiz va me’yor darajasidagi elektr energiyasi bilan ta’minlash uchun O’zbekiston Respublikasi Prezidentining “Kambag’allikdan farovonlik sari dasturini amalga oshirish bo’yicha birinchi navbatdagi chora-tadbirlar to’g’risida”gi PQ-330 sonli qaroriga binoan qurilish ishlari olib borilmoqda. Shuningdek, reja asosida transformator punktlari va elektr uzatish tarmoqlarida mukammal ta’mirlash ishlari amalga oshirilmoqda.

Jarayon tavsilotlari bilan “Buxoro” telekanalining “Diyor yangiliklari” informatsion dasturi orqali tanishishingiz mumkin.

“Buxoro HETK” AJ matbuot xizmati