Dushanba, Oktabr 26, 2026

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ
"BUXORO HETK"AJ OB'EKTLARINI XARITASI
Energetika yangiliklari Tadbirlar 

MALAKA OSHIRISH VA TEXNIK O’QITISH— DOIMIY E’TIBORDA!

hetk 28 Views

“Buxoro hududiy elektr tarmoqlari korxonasi” AJda faoliyat yuritayotgan xodimlarning kasbiy salohiyatini yuksaltirish, mehnat xavfsizligini ta’minlash hamda favqulodda vaziyatlarga tayyorgarligini oshirishga alohida e’tibor qaratilib, ularning bilim va malakasini oshirish, xavfsizlik qoidalari talablariga rioya etish bo‘yicha o‘quv mashg‘ulotlari tashkil etilmoqda.

Shu bilan birga, elektr qurilmalarida ishlash jarayonida yuzaga kelishi mumkin bo‘lgan xavf-xatarlarning oldini olish, avariya holatlarida tezkor va to‘g‘ri harakat qilish va yong‘in xavfsizligi qoidalarini amalda qo‘llash ko‘nikmalarini mustahkamlash maqsadida nazariy va amaliy mashg‘ulotlar o‘tkazilmoqda.

Bunday tadbirlar xodimlarning mas’uliyatini oshirish, ishlab chiqarishdagi baxtsiz hodisalarning oldini olish va elektr ta’minoti tizimining ishonchli ishlashini ta’minlashda muhim ahamiyat kasb etadi.

Tadbirlar 

Aholining elektr energiya sohasiga oid murojaatlarini o’rganish yuzasidan sayyor qabul o’tkazildi.

hetk 80 Views

⚡️ “Buxoro hududiy elektr tarmoqlari korxonasi” AJ rahbariyati ishtirokida Jondor va Olot tumanlaridagi Xalq qabulxonalarida aholining elektr energiya sohasiga oid murojaatlarini o’rganish yuzasidan sayyor qabul o’tkazildi.

📝 Sayyor qabulda fuqarolarning elektr energiyasi ta’minoti bilan bog’liq barcha murojaatlari tinglandi va qisqa muddatlarda ijobiy yechim topish choralarini ko’rish bo’yicha mas’ullarga topshiriqlar berilib, ijrosi nazoratga olindi.

Ta’kidlash joizki, bunday sayyor qabullar aholi bilan ochiq va bevosita muloqotni ta’minlab, joylardagi muammolarni tezkor va samarali hal etishda muhim ahamiyat kasb etmoqda.

Tadbirlar 

Elektr_xavfsizligi_oyligi

hetk 51 Views

 “Buxoro hududiy elektr tarmoqlari korxonasi” AJ mas’ul xodimlari va hamkor tashkilotlar vakillari bilan birgalikda “Elektr xavfsizligi oyligi” doirasida umumta’lim maktablarida targ‘ibot tadbirlarini o‘tkazmoqda.
🔹 Tadbirlar davomida o‘quvchilarga elektr toki bilan bog‘liq xavf-xatarlar, elektr jihozlaridan xavfsiz foydalanish qoidalari hamda elektr qurilmalari yaqinida ehtiyotkor bo‘lish va xavfsizlik talablariga qat’iy rioya qilish zarurligi tushuntirilmoqda.
🔹 Shuningdek, mas’ul xodimlar tomonidan ish joylarida mehnat va texnika xavfsizligi qoidalariga rioya etilishi, xavfsiz mehnat sharoitlari yaratilgani hamda ish jarayonlarining belgilangan talablar asosida tashkil etilgani joyiga chiqqan holda o‘rganilmoqda.
⚡️ Elektr xavfsizligi qoidalariga amal qilish — hayot va salomatlikni asrashning muhim shartidir!

Videolavhani ko’rish

Energetika yangiliklari 

«БИЗДАН ЭШИТИНГ» — РАСМИЙ АХБОРОТНИ БИРИНЧИ МАНБАДАН ОЛИНГ!

hetk 100 Views

🎙Биринчи ишончли ахборот кимда?
Албатта, Матбуот котибларида!

Энди энг долзарб саволларга жавобни бевосита расмий ахборот манбаларидан эшитасиз.

«Биздан эшитинг» — янги подкаст лойиҳаси! Унинг ўзига хос жиҳати шундаки, суҳбатдошларимиз Матбуот котиблари ва Ахборот хизмати масъуллари бўлади.
Бу ерда тахминлар эмас, аниқ маълумотлар, расмий муносабатлар ва ишончли жавоблар берилади.

Илк сон мавзуси: Куз-қиш мавсумига тайёргарлик.
Фавқулодда вазиятлар вазирлиги ва «Ҳудудий электр тармоқлари» масъуллари билан мавсумга тайёргарлик, электр таъминоти, эҳтимолий фавқулодда вазиятлар ва аҳолини қизиқтирган муҳим масалалар хусусида суҳбатлашдик.

Куз-қиш мавсумига тайёргарлик қандай кетмоқда? Қандай чоралар кўрилган? Фуқаролар нималарга эътибор қаратиши керак?
Бу ва бошқа саволларга жавоб — подкастимизнинг биринчи сонида!

«Биздан эшитинг» — миш-мишлардан эмас, биринчи манбадан!

Подкастни ушбу ҳавола орқали кўришингиз мумкин: https://www.youtube.com/watch?v=Bu3ptfVv5vQ

❗️Томоша қилинг, фикр билдиринг ва ўзингизни қизиқтирган саволлар ва келгуси мавзуларга таклифларни изоҳларда қолдиринг!

Tadbirlar 

XAVFSIZLIK SABOQLARINI BOLALIKDAN BOSHLANG

hetk 87 Views

“Buxoro hududiy elektr tarmoqlari korxonasi” AJ mas’ul xodimlari tomonidan “Elektr xavfsizligi oyligi” doirasida umumta’lim maktablarida targ‘ibot tadbirlari o‘tkazilmoqda.

🔹 Unda o‘quvchilarga elektr toki bilan bog‘liq xavf-xatarlar, elektr jihozlaridan xavfsiz foydalanish qoidalari va elektr qurilmalari yaqinida xavfsizlik talablariga rioya qilish zarurligi tushuntirilmoqda.

⚡️ Xususan, shikastlangan elektr simlariga tegmaslik, elektr jihozlarini nam qo‘l bilan ushlamaslik, transformator punktlari va boshqa elektr qurilmalariga yaqinlashmaslik, xavfli vaziyat yuzaga kelganda darhol kattalarga xabar berish lozimligi bolalarga tushunarli tilda yetkazilmoqda.

✅ Bunday targ‘ibot tadbirlaridan ko‘zlangan maqsad — yosh avlodning elektr xavfsizligi bo‘yicha bilim va ko‘nikmalarini oshirish, ularda ehtiyotkorlik qoidalariga rioya qilish odatini shakllantirish, baxtsiz hodisalarning oldini olishdir.

Energetika yangiliklari 

Barqaror_elektr_taminoti_sari

hetk 78 Views

🔹 Kuz-qish mavsumini betalofat o‘tkazish hamda iste’molchilarni sifatli va belgilangan me’yorlardagi elektr energiyasi bilan ta’minlash maqsadida “Buxoro hududiy elektr tarmoqlari korxonasi” AJ tomonidan hududlarda keng ko‘lamli tayyorgarlik ishlari olib borilmoqda.
🔧 Xususan, 2 200 dan ortiq transformator punktida joriy ta’mirlash ishlari bajarilib, elektr qurilmalarining ishonchli va barqaror ishlashiga alohida e’tibor qaratilmoqda.

✅ Asosiy maqsad — har qanday ob-havo sharoitida elektr ta’minotidagi uzilishlarning oldini olish va iste’molchilarga elektr energiyasini uzluksiz yetkazib berish.

⚡️ Barqaror elektr ta’minoti — xonadonlar charog‘onligi va xalqimiz farovonligining muhim omilidir.

Tadbirlar 

ONA TILIM — FAXRIM

hetk 70 Views

“Buxoro hududiy elektr tarmoqlari korxonasi” AJda o‘zbek tiliga davlat tili maqomi berilganligining 37 yilligi munosabati bilan umummilliy diktant tashkil etildi

Tadbirning asosiy maqsadi davlat tilining nufuzini oshirish, korxona xodimlarining yozma savodxonligi va nutq madaniyatini yuksaltirishdan iborat.

Diktant jarayonida o‘zbek tilining imlo qoidalari, adabiy til me’yorlari va davlat tilida ish yuritish borasida korxona xodimlari o’zlarining bilim va ko‘nikmalarini sinovdan o‘tkazdilar.

Ushbu tashabbus ishtirokchilarda ona tiliga hurmat tuyg‘usini mustahkamlash, kundalik faoliyatda savodli va ravon yozish ko‘nikmalarini rivojlantirishga xizmat qiladi.

Tadbir yakunida diktantni imloviy xatolarsiz va namunali yozgan xodimlarga korxona kasaba uyushmasi qo‘mitasi tomonidan esdalik sovg‘alari topshirildi.

Ta’kidlash joizki, ona tilini e’zozlash — milliy o‘zlikni anglash, ma’naviy qadriyatlarni asrash va kelajak avlodga munosib meros qoldirish demakdir.