Dushanba, Iyul 27, 2026

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ

Month: Aprel 2026

Energetika yangiliklari Tadbirlar 

Elektr energiyasidan oqilona foydalanish -davr talabi

hetk 267 Views

G’ijduvon va Vobkent tumanlarida tadbirkorlar va ishlab chiqarish korxonalarini vakillari ishtirokida energiya samaradorligini oshirish, energiya manbalarining har bir miqdoridan oqilona foydalanish, yashil energiyani tobora keng joriy qilishga qaratilgan tadbir tashkil qilindi. Unda “Buxoro hududiy elektr tarmoqlari korxonasi” AJ xodimlari tomonidan ishtirokchilarga elektr energiyasidan oqilona foydalanish bo’yicha bir qator amaliy tavsiyalar berildi va iste’molchilar tasarrufida bo’lgan elektr qurilmalari, transformator punktlarida joriy va mukammal ta’mirlash ishlarini olib borilishi orqali qancha elektr energiyasini tejab qolishi mumkinligi tahlil qilindi.

Ta’kidlash joizki, energiya manbalaridan samarali va oqilona foydalanish tadbirkorlik subektlari uchun ishlab chiqarish tannarxini pasaytirish, raqobatbardoshlikni oshirish va korxonaning iqtisodiy imkoniyatini yaxshilashga xizmat qiladi.

Tadbirlar 

NOQONUNIY ELEKTR ENERGIYASIDAN FOYDALANISH HOLATI FOSH ETILDI

hetk 272 Views

Avval xabar berganimizdek, «Buxoro hududiy elektr tarmoqlari korxonasi» AJ tomonidan elektr energiyasidan noqonuniy foydalanish holatlarini aniqlash va ularning oldini olish maqsadida hududlarda nazorat-reyd tadbirlari o’tkazilib kelinmoqda.

Navbatdagi tadbirda, Kogon tuman “Niyoz Hoji” MFY hududdida joylashgan dehqonchilik xo’jaligi vakillari elektr ta’minoti korxonasi bilan shartnoma rasmiylashtirmagan holda, o’zboshimchalik bilan elektr energiyasidan noqonuniy tarzda foydalanib kelyotganligi ma’lum bo’ldi va mazkur qoidabuzarlik oqibatida elektr ta’minoti korxonasiga 315 mln.so’mdan ortiq moddiy zarar yetkazilganligi aniqlandi.

Hozirda mazkur holat yuzasidan belgilangan tartibda tegishli choralar ko‘rilmoqda.

Energetika yangiliklari 

Transformator punktlari mukammal ta’mirlanmoqda

hetk 323 Views

Hududlarda elektr ta’minotining barqarorligi va uzluksizligini ta’minlash maqsadida transformator punktlarini mukammal ta’mirlash ishlari amalga oshirilmoqda. Ushbu jarayonda eskirgan va nosoz uskunalar zamonaviy qurilmalarga almashtirilmoqda, texnik holati to‘liq ko‘zdan kechirilib, zarur profilaktik tadbirlar bajarilmoqda.

Joriy yilda Buxoro shahridagi 93 dona transformator punktlarini mukammal ta’mirlash rejalashtirilgan bo’lib, belgilangan grafiklar asosida 20 ga yaqin transformator punktlari to’la ta’mirdan chiqarildi.

Mutaxassislar tomonidan olib borilayotgan ta’mirlash ishlari natijasida elektr tarmoqlarida yuzaga kelishi mumkin bo‘lgan uzilishlarning oldi olinib, iste’molchilarga yetkazib berilayotgan elektr energiyasining sifati yaxshilanmoqda.

Energetika yangiliklari 

Xodimlar malakasini oshirishga alohida e’tibor qaratilib, bu borada tizimli va amaliy ishlar olib borilmoqda.

hetk 345 Views

“Buxoro hududiy elektr tarmoqlari korxonasi” Ajda xodimlar malakasini oshirishga alohida e’tibor qaratilib, bu borada tizimli va amaliy ishlar olib borilmoqda. Xodimlarning kasbiy ko‘nikmalarini yanada mustahkamlash maqsadida zamonaviy yondashuvlar asosida bilim olishi uchun sharoitlar yaratib berilmoqda.

Jumladan, O’zbekiston Respublikasi Qurilish va uy – joy kommunal xo’jaligi vazirligi huzuridagi Kompetensiyani rivojlantirish institutining shaharsozlik hujjatlarini ishlab chiqish va mualliflik nazoratini olib borish huquqini beruvchi malaka oshirish kurslariga jamiyatning, Loyiha va smeta hujjatlarini ishlab chiqarish bo’limi muhandislari jalb qilindi. Belgilangan o’quv kursini muvaffaqiyatli tamomlab, yakuniy imtihonlarda ijobiy natija ko’rsatgan xodimlar maxsus sertifikatlarga ega bo’ldi.

Mazkur chora-tadbirlar korxonada ish samaradorligi ortishi, xizmat ko‘rsatish sifatini yanada yaxshilashga xizmat qiladi.

Tadbirlar 

BIZ_KORRUPSIYAGA_QARSHIMIZ

hetk 232 Views

Korrupsiyaning oldini olish va unga yo‘l qo‘ymaslik jamiyat taraqqiyoti va adolatli boshqaruvni ta’minlashda muhim omillardan biridir. Shu bois, ushbu illatga qarshi kurashish maqsadida “Buxoro hududiy elektr tarmoqlari korxonasi” AJ rahbariyati va Korrupsiyaga qarshi kurashish va kompleans nazorati bo’limi mutaxassislari tomonidan xodimlarni ogohlikka chaqirish maqsadida suhbatlar va seminarlar tashkil etilib, korrupsiyaning salbiy oqibatlari, uning huquqiy javobgarligi, jamiyatga yetkazadigan zarari haqida batafsil ma’lumotlar berilmoqda.

Bunday tadbirlar orqali xodimlarda halollik, shaffoflik va mas’uliyat hissini kuchaytirish, har bir xodimning mas’uliyatini oshirish va sog‘lom ish muhitini yaratish ko‘zda tutilgan.

Energetika yangiliklari 

Mustahkam tarmoq – uzluksiz elektr energiyasining kafolati

hetk 251 Views

Elektr ta’minotining barqarorligi ta’minlash uchun elektr tarmoqlarini mustahkamlash, mavjud infratuzilmani modernizatsiya qilish, yangi quvvatlarni ishga tushirish borasida Buxoro shahar elektr ta’minoti korxonasi tomonidan izchil ishlar amalga oshirilmoqda.

Xususan, eskirgan elektr uzatish liniyalari va transformator punktlari bosqichma-bosqich yangilanmoqda.

Jumladan, Buxoro shahrining “Dilkusho”, “Gulchorbog’”, “Guliston” va “Sa’diy Sheroziy” MFY hududlarini elektr energiyasi bilan ta’minlovchi “Kardialogiya” 6 kVli elektr uzatish tarmog’ida qisman yangilash ishlari amalga oshirildi. Buning uchun 40 dona mustahkam temir beton tayanchlari rostlanib, 2000 metr uzunlikdagi tarmoq yangilandi

Natijada 3000ga yaqin iste’molchilarning elektr energiyasi ta’minoti yaxshilandi

Bunday amaliy ishlar, iste’molchilarga sifatli va barqaror xizmat ko‘rsatish darajasi oshirib, tarmoqdagi ortiqcha yo’qotishlarni oldini olishga xizmat qiladi.

Tadbirlar 

Elektr energiyasidan noqonuniy foydalanish holati aniqlandi

hetk 292 Views

“Buxoro hududiy elektr tarmoqlari korxonasi” AJ tomonidan hududlarda olib borilgan nazorat va reyd tadbirlari davomida ayrim iste’molchilar tomonidan elektr energiyasidan qonunchilikka zid ravishda foydalanish holatlari qayd qilinmoqda. Navbatdagi o’rganish ishlari Peshko’ tumanida olib borildi. Tumanning “Ibn Sino” MFY o’rganilganda Qo’rg’ontepa qishlog’idagi kichik savdo do’koni tarmoqqa hisoblagichdan tashqari, yashirin ravishda ulanib olganligi aniqlandi va buning natijasida elektr ta’minoti korxonasiga 45 mln.so’mdan ortiq moddiy zarar yetkazilganligi qayd etildi.
Ushbu holat yuzasidan belgilangan tartibda dalolatnomalar rasmiylashtirilib, qonunchilikka muvofiq choralar ko‘rilmoqda.

Hurmatli fuqarolar! Elektr energiyasidan oqilona va belgilangan tartibda foydalanishingizni so‘raymiz.

❗️ Noqonuniy foydalanish holatlari javobgarlikka sabab bo‘lishini unutmang.

Energetika yangiliklari 

Charog’on ko’chalar – farovon hayot timsoli

hetk 291 Views

Shaharimizning tungi qiyofasini yanada yorqin va jozibador qilish, aholiga qulay hamda xavfsiz muhit yaratish maqsadida “Buxoro hududiy elektr tarmoqlari korxonasi” AJ tomonidan ichki imkoniyatdan kelib chiqgan holda amaliy ko’mak ko’rsatilib, ko‘cha yoritish tizimlarini yaxshilash bo‘yicha keng ko‘lamli ishlar amalga oshirilmoqda.
Ushbu jarayonda korxona xodimlari zamonaviy va energiya tejamkor ko‘cha chiroqlarini o‘rnatib, shahrimiz ko’chalariga yanada yorug’lik va aholi hayotiga yanada farovonlik ulashmoqda.

Mazkur ishlar nafaqat shahar infratuzilmasini rivojlantirishga, balki uning estetik ko‘rinishini yaxshilash va insonlarning quvonchiga xizmat qiladi.