“Buxoro hududiy elektr tarmoqlari korxonasi” AJ
Shofirkon tuman elektr ta’minoti korxonasi xodimlari tomonidan “Temirchi” mahalla fuqarolar yig’ini Boylar qishlog`ida yashovchi fuqarolarning murojaatlariga asosan, aholining elektr energiyasi ta`minotini yaxshilash maqsadida amaliy ishlar olib borilmoqda. Hududga maxsus texnikalar yordamida 7 dona mustahkam temir-beton tayanchlari o’rnatildi. Shuningdek, 400 metr uzinlikdagi SIP kabellarini tortish rejalashtirilgan.
“Buxoro HETK” AJ matbuot xizmati
2022 yil davomida Jamiyat tarkibiy korxonalari tassarufidagi 35-110 kV kuchlanishli 1 787 ta podstansiyadan chiquvchi, 96 017 dona transformator punkti va 270,3 ming km uzunlikdagi elektr uzatish tarmoqlari orqali 390,3 ming yuridik hamda 7,4 mln. maishiy iste’molchilarga 68,0 mlrd kVt•soat elektr energiyasi yetkazib berilgan bо‘lib, 2021 yilning mos davriga nisbatan о‘sish sur’ati 105,6 foizni tashkil etdi.
“Hududiy elektr tarmoqlari” AJ Matbuot xizmati
“Buxoro hududiy elektr tarmoqlari korxonasi” AJ Linyalar xizmatgohi xodimlari tomonidan yuqori kuchlanishdagi havo elektr uzatish tarmoqlari ko’rikdan o’tkazilib, aniqlangan kamchiliklar bartaraf etilmoqda. Mutaxassislar balandligi 25 metr bo’lgan tayanchlarga chiqib, ta’mirlash ishlarini olib bormoqdalar.
“Buxoro HETK” AJ Matbuot xizmati
Shofirkon tumani aholisi, ijtimoiy soha obyektlari hamda tadbirkorlarni sifatli va mustahkam elektr energiyasi bilan ta’minlash maqsadida tumandagi “Shofirkon” 110/35/10 kV podstansiyasida modernizatsiya, yangilash ishlari olib borilmoqda. Podstansiya 1980 yilda ishga tushirilgan bo’lib, undagi manan eskirgan yopiq taqsimlash qurilmalari zamonaviysiga almashtirilmoqda. Ushbu qurilmalarning yangilanishi podstansiyada kelib chiqishi mumkin bo’lgan avariyali uzilishlarni oldini olishga va iste’molchilarni barqaror elektr energiyasi bilan ta’minlashga xizmat qiladi.
“Buxoro HETK” AJ Matbuot xizmati
Tizimda quvvat tanqisligi kuzatilgan vaqtlarda viloyatimiz hududlari elektr energiyasi ta’minotida 2023 yil 21-31 yanvar kunlari yuqorida keltirilgan jadval bo’yicha cheklovlar kiritilishi mumkinligini bildiramiz.
“Buxoro hududiy elektr tarmoqlari korxonasi” AJ
“Buxoro hududiy elektr tarmoqlari korxonasi” AJ Podstansiyalar xizmatgohi xodimlari tomonidan sovuq kunlarda elektr energiyasiga bo’lgan talabning ortishi natijasida elektr qurilmalarida yuklama ortib, “KS-1” 110/35/6 podstansiyasida kelib chiqgan nosozliklar bartaraf etilmoqda. Har qanday ob-havo sharoitida, tun-u kun mehnat qilayotgan kasb fidoyilari ta’mirlash, tiklash ishlarini olib bormoqdalar.
“Buxoro HETK” AJ matbuot xizmati
Ijtimoiy tarmoqlar orqali Kogon shahri hududlari elektr energiyasi ta’minotida kuzatilayotgan uzilishlar bo’yicha qilingan murojaat yuzasidan quyidagilarni ma’lum qilamiz.
Bugun kunda kuzatilayotgan anomal sovuq ob havo sababli elektr energiyasiga bo’lgan talabning oshganligi tufayli energo tizimda quvvat tanqisligi kuzatilmoqda. Quvvat tanqisligi kuzatilgan vaqtda ishlab chiqarishdagi texnologik jarayonlarni toʼxtab qolishini oldini olish, elektr energiyasini ishlab chiqarish va isteʼmol qilish muvozanatini ushlab turish, energotizimda sodir bo’lishi mumkin bo’lgan og’ir oqibatli favqulotda uzilishlarni oldini olish uchun viloyatimiz hududlarida shuningdek, Kogon shahri hududlari elektr energiyasi ta’minotida cheklovlar kiritilmoqda.
O’zbekiston Energetika vazirligining xabariga ko’ra bugungi kundagi maksimum talabni qondirish uchun gaz quvurlari va magistral elektr tarmoqlarining o‘tkazuvchanlik qobiliyati yetarli bo‘lsa-da, resurslar yetarli emasligi hisobiga iste’molchilarni energiya resurslari bilan ta’minlashda muammolar kuzatilmoqda.
Shu munosabat bilan isteʼmolchilardan ushbu holatni to‘g‘ri tushungan holda energiya resurslaridan imkon qadar oqilona va tejamkorlik bilan foydalanishlarini so‘raymiz.
“Buxoro HETK” AJ matbuot xizmati