Juma, Iyul 17, 2026

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ
"BUXORO HETK"AJ OB'EKTLARINI XARITASI
E’lonlar Energetika yangiliklari 

Jazirama issiqda elektr uzatish tarmoqlarida avariya nega yuz beradi?

hetk 3 Views

Yozning jazirama kunlarida elektr uzatish tarmoqlari yuqori harorat va ortib borayotgan yuklama sharoitida ishlaydi.

Bunday omillar ayrim hollarda elektr tarmoqlarida nosozliklar yuzaga kelish ehtimolini oshiradi.

— Tashqi havo haroratining yuqori bo‘lishi simlarning qizishiga olib keladi;

— elektr iste’molining ortishi natijasida tarmoqlarda yuklama ko‘payadi;

— simlarning termik cho‘zilishi ularning osilish darajasini oshirishi mumkin;

— izolyatorlar, mahkamlagichlar va boshqa konstruktiv elementlardagi nosozliklar avariya xavfini kuchaytiradi.

Bunday holatlarda elektr uzatish tarmoqlarida nosozlik yuzaga kelishi va ayrim iste’molchilarning elektr ta’minoti vaqtincha cheklanishi mumkin.

Nosozlik aniqlangach, avariya-ta’mirlash brigadalari tomonidan zarur tiklash ishlari amalga oshiriladi.

Energetika yangiliklari 

“E-DALOLATNOMA” – SHAFFOF NAZORAT VA RAQAMLI BOSHQARUV SARI MUHIM QADAM

hetk 19 Views

“Hududiy elektr tarmoqlari” aksiyadorlik jamiyati tomonidan O‘zbekiston Respublikasi Prezidentining “Yoqilg‘i-energiya resurslaridan foydalanish sohasida davlat nazorati samaradorligini oshirish chora-tadbirlari to‘g‘risida”gi Qarori ijrosini ta’minlash maqsadida “E-dalolatnoma” axborot tizimi amaliyotga joriy etildi.

Mazkur zamonaviy tizim elektr energiyasidan foydalanish qoidalarini buzish bilan bog‘liq aniqlangan huquqbuzarliklar yuzasidan dalolatnomalarni elektron shaklda rasmiylashtirish imkonini beradi. Bu esa nazorat tadbirlarini yanada tezkor, aniq va shaffof tashkil etishga xizmat qilmoqda.

“E-dalolatnoma” tizimining joriy etilishi natijasida qog‘oz hujjatlar aylanmasi bosqichma-bosqich qisqartirilib, barcha jarayonlar raqamli platforma orqali yuritiladi.

Shuningdek, dalolatnomalarni rasmiylashtirishdagi inson omili kamayib, korrupsiyaviy holatlarning oldini olish, ma’lumotlarning ishonchliligini ta’minlash hamda nazorat samaradorligini oshirish uchun keng imkoniyatlar yaratilmoqda.

Videolavhani ko’rish

Energetika yangiliklari 

⚡️ Jazirama kunlarda elektr ta’minoti barqarorligi va belgilangan vazifalar ijrosini ta’minlash e’tibor markazida

hetk 85 Views

Ayni yoz chillasida havo harorati tobora ko’tarilib borayotgan bir sharoitda elektr energetikasi sohasi vakillari iste’molchilarni barqaror elektr energiyasi ta’minlash uchun, belni mahkam bog’lab, o’z zimmasidagi mas’uliyatni chuqur anglagan holda mehnat qilmoqda.

Buxoro viloyatida ham anchagina yuqori havo massalari hukumronlik qilayotgan bo’lsada “Buxoro hududiy elektr tarmoqlari korxonasi” AJ xodimlari belgilangan vazifalar ijrosini ta’minlash bilan mashg’ul. 

Jazirama yoz pallasida ham qalbidagi iliqlik, mas’uliyat va fidoyilikni yo’qotmay, uzluksiz elektr energiyasini yetkazib berish yo’lida, ochiq osmon ostida mehnat qilayotgan xodimlarning mehnati e’tirofga loyiq. Ularning mehnati qadrlash – barchamizning insoniy burchimizdir.

Videolavhani ko’rish

Energetika yangiliklari Tadbirlar 

Vobkent tumanida elektr energiyasidan noqonuniy foydalanganlik holati aniqlandi.

hetk 52 Views

«Buxoro hududiy elektr tarmoqlari korxonasi» AJ tomonidan elektr energiyasidan noqonuniy foydalanish holatlarini aniqlash va ularning oldini olish maqsadida hududlarda nazorat-reyd tadbirlari doimiy ravishda o’tkazilib kelinmoqda.

Ana shunday tadbirlardan biri Vobkent tumanida bo’lib o’tdi. Unda  “Xo’jarobod” MFYdagi xonadonlar o’rganilganda iste’molchi tomonidan elektr tarmog’iga elektr ta’minoti korxonasi bilan shartnoma rasmiylashtirmagan holda ruxsatsiz ulanib, belgilangan tartib-qoidalarga zid ravishda elektr energiyasidan foydalanib kelinganligi ma’lum bo‘ldi. Natijada elektr ta’minoti korxonasiga 246 mln so’mdan ortiq zarar yetkazilganligi hisob kitob qilindi.
Aniqlangan holat yuzasidan amaldagi qonunchilikka muvofiq tegishli hujjatlar rasmiylashtirilib, belgilangan tartibda choralar ko‘rilmoqda.

Energetika yangiliklari 

⚡️ Jazirama kunlarda elektr ta’minoti barqarorligi e’tibor markazida

hetk 58 Views

Havo haroratining keskin ko‘tarilishi elektr energiyasi iste’moli hajmining ortishiga sabab bo‘lmoqda. Bunday sharoitda iste’molchilarni uzluksiz va sifatli elektr energiyasi bilan ta’minlash maqsadida “Buxoro hududiy elektr tarmoqlari” AJ tomonidan elektr tarmoqlari va podstansiyalarning holati doimiy ravishda o’rganilib, kelib chiqishi mumkin bo’lgan nosozliklarni oldini olishga qaratilgan amaliy ishlar olib borilmoqda.

🔹 Elektr uzatish tarmoqlari va transformator punktlari muntazam ko‘rikdan o‘tkazilmoqda
🔹 Yuklama ostida ishlayotgan uskunalar doimiy nazorat qilinmoqda
🔹 Aniqlangan nosozliklar tezkor bartaraf etish uchun avariya-tiklash brigadalari 24/7 rejimida faoliyat yuritmoqda

Sharafli kasb egalari jazirama issiq kunlarda ham elektr ta’minoti barqarorligini saqlash, iste’molchilarga sifatli xizmat ko‘rsatish va yuzaga kelishi mumkin bo‘lgan uzilishlarni oldini olish uchun barcha zarur choralarni amalga oshirmoqda.

Energetika yangiliklari Tadbirlar 

G’ijduvon tuman elektr ta’minoti xodimlari bilan o’quv seminari tashkil qilindi.

hetk 75 Views

“Hududiy elektr tarmoqlari” AJ tizim korxonalarida joriy yilning 10 iyunidan 10-iyuliga qadar “Xavfsizlik texnikasi ko‘rigi oyligi”o‘tkazilmoqda. Jumladan, “Buxoro hududiy elektr tarmoqlari korxonasi” AJ tarkibidagi G’ijduvon tuman elektr ta’minoti xodimlari bilan o’quv seminari tashkil qilinib, tadbirda xodimlar elektr kuchlanishi ostiga tushgan jabrlanuvchiga birinchi tibbiy yordam ko‘rsatish, texnik uskunalarda kelib chiqgan yong’inni tezkorlik bilan bartaraf qilish, avariya tufayli uzilgan elektr simini qayta ulash, elektr qurilmalari va tarmoqlarni mukammal ta’mirlash uchun ish joyini belgilangan talablar asosida tayyorlash kabi shartlar bo‘yicha o‘z mahoratini namoyish etdi.

Videolavhani ko’rish

Energetika yangiliklari Tadbirlar 

⚡️ XAVFSIZ MEHNAT – BARQAROR FAOLIYAT GAROVI

hetk 93 Views

Ta’kidlash kerakki elektr energetikasi sohasi kasblar ichida xavfli sohalardan biri hisoblanadi. Shu munosabat bilan xodimlar o’rtasida doimiy ravishda tushuntirish ishlarini olib borish ularning hushyorligini oshirish, kerakli himoya vositalarini yaroqliligini doimiy ravishda ko’rikdan o’tkazish muhim sanaladi. Chunki faoliyat davomidan yo’l qo’yilgan birgina xato yoki kichik e’tiborsizlik og’ir oqibatli baxtsiz hodisalar kelib chiqishiga sabab bo’lishi mumkin.

Shuning uchun “Hududiy elektr tarmoqlari” AJ tizim korxonalarida “Xavfsizlik texnikasi ko‘rigi oyligi” muntazam ravishda tashkil etiladi. Xuddi shunday joriy yilning 10 iyunidan 10-iyuliga qadar “Xavfsizlik texnikasi ko‘rigi oyligi”o‘tkazilmoqda. Jumladan, “Buxoro hududiy elektr tarmoqlari korxonasi” AJ tarkibidagi barcha tuman, shahar elektr ta’minoti korxonalariga o’quv seminarlari bo’lib o’tmoqda.

✅ Batafsil