Elektr energiyasidan oqilona hamda tejamkorlikka rioya qilgan holda foydalanishimiz mumkin.
E’lonlar
TAYINLOV
Sattorov Baxtiyor Nasilloyevich 2022 yil 18 oktyabrdan “Buxoro hududiy elektr tarmoqlari korxonasi” AJ Kapital qurilish bo’yicha direktor lavozimiga tayinlandi.
Tayinlovga qadar B.N.Sattorov “Buxoro hududiy elektr tarmoqlari korxonasi” AJ Elektr tarmoqlarini qurish va rivojlantirish xizmati boshliq o`rinbosari lavozimida ishlab kelgan.
“Buxoro HETK” AJ Matbuot xizmati
HURMATLI ELEKTR ENERGIYASI ISTE’MOLCHILARI!
“Hududiy elektr tarmoqlari” AJ tomonidan ishga tushirilgan «1154» qisqa raqamli Call-Markazi faoliyatini texnik jihatdan yanada takomillashtirish hamda aloqa sifatini yaxshilash maqsadida olib borilayotgan texnik sozlash ishlari sababli Сall-Markazi faoliyatida 2022 yil 14 sentabr soat 22:00 dan 15 sentabr soat 08:00 gacha texnik tanaffusi e’lon qilinadi.
Keltirilgan noqulayliklar uchun oldindan uzr sо‘raymiz!
«Hududiy elektr tarmoqlari» AJ matbuot xizmati
Rasmiy kanallarimiz👇👇👇
Facebook (https://www.facebook.com/hududiyelektrtarmoqlari) | Telegram (https://t.me/hetmuloqot) | YouTube (https://www.youtube.com/channel/UCQmHfhMwOSG383fq3YL0qHw) | Instagram (https://www.instagram.com/hududiyelektrtarmoqlari/)
"HUDUDIY ELEKTR TARMOQLARI” AJ OGOHLANTIRADI!
Keyingi paytlarda respublikamizning turli hududlarida aholi xonadonlariga kirib, «Biz elektr tarmoqlari korxonasidanmiz, xonadoningizdagi elektr jihozlarini tekshirgani keldik», deya aldov yo‘li bilan elektr hisoblagich va boshqa elektr jihozlarini nomiga ko‘rikdan o‘tkazib, ushbu xizmatlari uchun iste’molchilardan majburiy to‘lov undirib yurgan shaxslar mavjudligi yuzasidan ko‘plab ma’lumotlar kelib tushmoqda.
“Hududiy elektr tarmoqlari” aksiyadorlik jamiyati ushbu holat yuzasidan quyidagilarni bildiradi. Aslida bunday yakka tadbirkorlik sub’ektlari hamda xususiy korxonalar vakillarining ish hujjatlarida “elektr jihozlariga xizmat ko‘rsatiladi” degan yozuv bo‘lsada, “Hududiy elektr tarmoqlari” aksiyadorlik jamiyati va uning tarkibiy korxonalariga biror aloqasi yo‘q va hech qanday shartnomaga ega emas.
Batafsil
“Hududiy elektr tarmoqlari” AJ Matbuot xizmati
Rasmiy kanallarimiz👇👇👇
Facebook | Telegram | YouTube | Instagram
Elektr energiyasi iste’molchilari diqqatiga!
“Hududiy elektr tarmoqlari” AJ barcha elektr energiyasi iste’molchilarini yaqinlashib kelayotgan O‘zbekiston Respublikasi davlat mustaqilligining o‘ttiz bir yillik bayrami bilan tabriklagan holda, bayram munosabati bilan e’lon qilingan qo‘shimcha dam olish kunlari (1-4 sentyabr) davomida qarzdorlik tufayli xonadoningizda elektr energiyasi ta’minotida uzilishlar bo‘lishini oldini olish maqsadida foydalanilgan elektr energiyasi uchun mamlakatimizda mavjud to‘lov tizimlari (U-Pay, Click, Payme, Paynet) hamda banklarning mobil ilovalari orqali to‘lovlarni amalga oshirishlari mumkinligini yana bir bor eslatib o‘tadi.
Ma’lumot o‘rnida: Respublikamizda elektr energiyasini hisobga olish va nazorat qilishning avtomatlashtirilgan tizimi (ASKUE)ning joriy etilishi munosabati bilan qarzdorlar avtomatik tarzda tarmoqdan ajratiladi.
“Hududiy elektr tarmoqlari” AJ Matbuot xizmati
Elektr energiyasi iste’molchilari diqqatiga!
Hurmatli elektr energiyasi iste’molchilari!
“Hududiy elektr tarmoqlari” AJ tomonidan kо‘rsatilayotgan elektron xizmatlar sifatini yanada oshirish hamda iste’molchilarga qо‘shimcha qulayliklar yaratish maqsadida 2022 yil 1 avgust soat 23:00dan 3 avgust soat 22:00gacha Ma’lumotlarni qayta ishlash markazida profilaktik ishlar olib borilishini ma’lum qilamiz.
Mazkur vaqt oralig‘ida elektr energiyasi uchun onlayn tо‘lovlarni amalga oshirish hamda shaxsiy hisob raqamdagi mavjud ma’lumotlarni olishda texnik uzilishlar bо‘lishi, shu bilan birga iste’molchilarga qulaylik yaratish maqsadida ayni muddatda qarzdor iste’molchilar avtomatik tarzda tarmoqdan ajratilmasligini eslatib о‘tamiz.
Keltirilgan noqulayliklar uchun oldindan uzr sо‘raymiz.
“Hududiy elektr tarmoqlari” AJ Matbuot xizmati
Rasmiy kanallarimiz👇👇👇
Facebook (https://www.facebook.com/hududiyelektrtarmoqlari) | Telegram (https://t.me/hetmuloqot) | YouTube (https://www.youtube.com/channel/UCQmHfhMwOSG383fq3YL0qHw) | Instagram (https://www.instagram.com/hududiyelektrtarmoqlari/)
Energetika vazirligi: Vaqtinchalik choralar keng ko‘lamli muammolarni oldini oladi.
O‘zbekiston Energetika vazirligi iste’molchilar e’tiborini joriy haftada haroratning me’yordan oshib ketishi tufayli elektr uzatish tarmoqlarining haddan tashqari qizib ketishi qayd etilayotgani, bu esa tarmoqda jiddiy nosozliklarga olib kelishi mumkinligiga qaratadi.
Asosan ochiq quyoshda joylashgan elektr uzatish tarmoqlari bugungi kunda ularning ishlashi uchun mo‘ljallanmagan haroratgacha qiziydi. Juda yuqori harorat ko‘rsatkichlariga qo‘shimcha ravishda, ayniqsa kunduzi, elektr uzatish tarmoqlarining nosozlik holatiga elektr energiyasi iste’molining favqulodda o‘sishi ta’sir qiladi.
Bunday holatda, har qanday vaqtda elektr uzatish tarmoqlarining haddan tashqari qizishi va iste’molning o‘sishi tizimda katta hajmdagi baxtsiz hodisalarga olib kelishi mumkin bo‘lib, bu esa elektr ta’minotini normallashtirish uchun sezilarli vaqtni (bir kun yoki undan ko‘proq) olishi mumkin.
Energotizimda keng ko‘lamli muammolar yuzaga kelishini oldini olish uchun dispetcherlik xizmatlari elektr uzatish tarmoqlaridagi yuklamani kamaytirish uchun zarur choralar ko‘radi. Xususan, ma’lum ko‘rsatkichlar kritik darajaga yaqin bo‘lgan holda, ayrim turar-joy binolari va sanoat ob’ektlarini elektr ta’minotidan vaqtincha uzib turish kerak bo‘ladi.
Ko‘rsatkichlar normallashtirilganda, dispetcherlik xizmati ushbu ob’ektlarni darhol elektr ta’minotiga ulaydi.
G‘ayritabiiy yuqori haroratning yaxshilanishi barqaror elektr ta’minotini normallashtirishga yordam beradi.
Shu munosabat bilan, iste’molchilar tarmoqdagi keng ko‘lamli nosozliklarni oldini oladigan, vaziyatni ancha uzoqroq tuzatishni talab qiladigan bunday choralar zarurligini tushunishlari muhim hisoblanadi.
O‘zbekiston Respublikasi
Energetika vazirligi Matbuot xizmati
▶️@minenergy_uz
▶️@prminenergy
Elektr energiyasi iste’molchilari diqqatiga!
Anomal issiq tufayli ayrim hududlardagi elektr ta’minotida yuzaga kelayotgan nosozliklar maxsus brigadalar tomonidan zudlik bilan bartaraf etilishi ta’minlanmoqda
Ma’lumki, shu kunlarda respublikamizning barcha hududlarida havo haroratining anomal isib ketishi natijasida ayrim joylardagi transformator punktlari hamda kabel’ tarmoqlarida iste’mol yuklamasi ortishi kuzatilib nosozliklar kelib chiqmoqda.
Ushbu elektr tarmoqlaridagi favqulodda holatlarni oldini olish va ularni bartaraf etish maqsadida hududlar bo‘ylab tunu-kun ishlaydigan 227 ta avariyaga qarshi maxsus brigadalar tashkil etilgan bo‘lib, yuzaga kelgan nosozliklar zudlik bilan bartaraf etib borilmoqda.
Ana shunday anomal issiq natijasida yuzaga kelayotgan noqulayliklar uchun iste’molchilardan uzr so‘raymiz.
Energetika vazirligi Matbuot xizmati
@minenergy_uz
▶️@prminenergy
Elektr energiyasi iste’molchilari diqqatiga!
Vazirlar Mahkamasining “Yoqilgʻi-energetika resurslari ta’minotida bozor mexanizmlarini joriy etish toʻgʻrisida” 2022-yil 30-iyunidagi 348-son Qarorining amal qilishini vaqtincha toʻxtatib turish haqida
https://t.me/minenergy_uz
Hurmatli iste'molchilar!
Hozirda jamoatchilik muhokamasiga qo‘yilgan O‘zbekiston Respublikasi Vazirlar Mahkamasining “Yoqilg‘i-energetika resurslari narxlarini o‘zgartirish to‘g‘risida”gi qarori loyihasi ishchi guruh tomonidan o‘rganilayotganini ma’lum qilamiz.
Mazkur loyiha doirasida fuqarolardan mingdan ortiq murojaat kelib tushgan bo‘lib, ayni paytda Energetika, Moliya, Iqtisodiy taraqqiyot va kambag‘allikni qisqartirish vazirliklari mutaxassislari tomonidan o‘rganilib, tahlil qilinmoqda.
Qabul qilingan takliflar bo‘yicha barcha xulosalar va mutaxassislarning xulosalari taqdim etilgandan so‘ng, ushbu masala bo‘yicha yakuniy va tegishli qaror qabul qilinadi.
Qabul qilingan me’yoriy-huquqiy hujjatlarga ko‘ra, tariflarning o‘zgarishi hukumat qarori qabul qilingan kundan boshlab 15 kundan keyin kuchga kiradi.
Shu munosabat bilan, 2022 yil 1 iyuldan elektr va gaz tariflariga o‘zgartirishlar kiritilmasligini ma’lum qilamiz.