Shanba, Iyul 27, 2024

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ

Month: Sentabr 2023

Energetika yangiliklari 

Elektr energiyasi ta’minoti yaxshilanmoqda.

hetk 171 Views

Peshko’ tumani “Deycha” mahalla fuqarolar yig’ini hududlari iste’molchilarining elektr energiyasi ta’minotini yaxshilash maqsadida tuman elektr ta’minoti korxonasi tomonidan qurilish va montaj ishlari olib borilmoqda. Hududga maxsus texnikalar yordamida 60 donadan ortiq mustahkam temir beton tayanchlari tiklandi. Shuningdek, № 493 sonli transformator punktining quvvati oshirilib, 250 kVA quvvatdagi transformator o’rnatildi.

“Buxoro HETK” AJ matbuot xizmati

Energetika yangiliklari 

Kuz-qish mavsumiga tayyorgarlik

hetk 167 Views

“Buxoro hududiy elektr tarmoqlari korxonasi” AJ tomonidan kuz-qish mavsumiga tayyorgarlik ko‘rish yuzasidan tasdiqlangan joriy va mukammal ta’mirlash rejasiga asosan amaliy ishlar olib borilmoqda. Jumladan, “Xarxo’r” 110 kV va “Zarafshon” 35 kV yuqori kuchlanishdagi elektr uzatish tarmoqlari joriy ta’mirlanib, aniqlangan kamchiliklar bartaraf qilindi.

“Buxoro HETK” AJ matbuot xizmati

Tadbirlar 

Xodimlarning bilim va malakalari sinovdan o’tkazilmoqda.

hetk 182 Views

“Buxoro hududiy elektr tarmoqlari korxonasi” AJda faoliyat yuritib kelayotgan xodimlarning “Elektr qurilmalarini ekspluatatsiya qilishda xavfsizlik texnikasi qoidalari”, “Elektr qurilmalarida ishlaganda jabrlanganlarga birinchi yordam ko’rsatish” hamda “Lavozim va ishlab chiqarish yo’riqnomalari” bo’yicha bilimlari baholanmoqda. Jamiyatda tashkil etilgan “Markaziy bilim komissiyasi” a’zolari tomonidan birinchi navbatda rahbar xodimlarning bilim darajalari sinovdan o’tkazildi.

Yakunda rahbar xodimlar malakasini yada oshirish bo’yicha muhim vazifalar belgilandi.

“Buxoro HETK” AJ matbuot xizmati

Energetika yangiliklari 

1-oktyabrdan biznes uchun elektr va gaz tariflari liberallashtirilishi rejalashtirilmoqda

hetk 183 Views

Vazirlar Mahkamasining “Yoqilg‘i-energetika sohasida bozor mexanizmlarini joriy etishning qo‘shimcha chora-tadbirlari to‘g‘risida”gi qarori loyihasi muhokamaga qo‘yildi (http://regulation.gov.uz/uz/d/85750).

Hujjat loyihasiga ko‘ra, 2023-yil 1-oktyabrdan boshlab yuridik shaxslar uchun elektr energiyasi va tabiiy gaz tariflarini liberallashtirish taklif etilmoqda.

Xususan, 1- va 2-guruhdagi elektr energiyasi iste’molchilari (OKMK, NKMK, “O‘zmetkombinat” va byudjet tashkilotlari)ga o‘zgarishsiz – 1 kVt⋅soat uchun 1 000 so‘mgacha, qolgan yuridik shaxslar uchun 900 so‘mgacha, deb belgilanadi.

Tabiiy gaz tariflarini ham OKMK, NKMK, “O‘zmetkombinat” va byudjet tashkilotlariga o‘zgarishsiz – 1 kub metr uchun 1 800 so‘mgacha, boshqa tashkilotlarga 1 500 so‘mgacha qiymatda belgilash taklif etilmoqda.

❗️Loyihada aholi uchun ham elektr energiyasi, tabiiy va suyultirilgan gaz tariflari o‘zgarishsiz, amaldagi narxlarda qolishi ko‘zda tutilgan.

Eslatib o‘tamiz, elektr energiyasi va tabiiy gaz uchun tarif narxlari oxirgi marotaba 2019-yilning avgustida o‘zgargandi.

Energetika yangiliklari Tadbirlar 

“Yakkatut” 35/10 kV, “Kulolchi” 110/10 kV, “Romitan” 110/35/10 kV podstansiyalari rekonstruksiya qilinib, foydalanishga topshirildi

hetk 206 Views

O’zbekiston Respublikasi Prezidentining 2022 yil 31-dekabrdagi PQ-465 sonli qarori asosida “Yakkatut” 35/10 kV, “Kulolchi” 110/10 kV, “Romitan” 110/35/10 kV podstansiyalari rekonstruksiya qilinib, foydalanishga topshirildi. Shuningdek, “Buxoro hududiy elektr tarmoqlari korxonasi” AJ tomonidan kuz-qish mavsumiga puxta tayyorgarlik ko’rish, mavsumni betalofat o’tkazish maqsadida mukammal va joriy ta’mirlash ishlari bajarilib, elektr qurilmalarining zahirasi yaratilmoqda.

Jarayon tavsilotlari bilan “Buxoro” telekanalining “Maxsus reportaj” informatsion dasturi orqali tanishishingiz mumkin.

MAXSUS REPORTAJNI KO’RISH

“Buxoro HETK” AJ matbuot xizmati

Energetika yangiliklari 

Buxoro viloyati hokimi o’rinbosari tomonidan “Buxoro hududiy elektr tarmoqlari korxonasi” AJning kuz-qish mavsumiga tayyorgalik ko’rish borasida amalga oshirayotgan ishlari holati o’rganildi.

hetk 181 Views

“Buxoro hududiy elektr tarmoqlari korxonasi” AJ tomonidan kuz-qish mavsumiga tayyorgarlik ko’rish, kelib chiqishi mumkin bo’lgan avariyaviy uzilishlarni tezkorlik bilan bartaraf etish maqsadida turli xil quvvatdagi transformator punktlari, temir-beton tayanchlar, transformator moyi, kabel, sim, turli xil quvvatdagi o’chirib yoqish uskunalari, kabel muftalari zaxirasi yaratilgan. Shuningdek, mavsumni betalofat o’tkazish maqsadida 79 ta avariya tiklash brigadalari va 29 dona maxsus texnikalar shay holatga keltirilgan.

“Buxoro HETK” AJ matbuot xizmati