Month: Avgust 2022
Korrupsiya – kelajakka tahdid
“Buxoro hududiy elektr tarmoqlari korxonasi” AJning Korrupsiyaga qarshi kurashish va kompleans nazorati hamda Yuridik bo’lim boshliqlari tomonidan jamiyat tarkibidagi Peshku tuman elektr ta’minoti korxonasi xodimlari bilan “Korrupsiyani oldini olish va unga qarshi kurashish” mavzusida suhbat o’tkazildi. Uchrashuv davomida sohada korrupsiyaga qarshi kurashish va uning kelib chiqishini oldini olish borasida olib borilayotgan ishlar haqida to’xtalib o’tildi . Joylarda o’tkazilayotgan keng ko’lamli targ’ibot, tashviqot ishlariga qaramasdan hali ham korrupsiyaga yo’l qo’yib kelayotgan xodimlarning uchrayotganligi, bunday holatga yo’l qo’yganlarga nisbatan jazo muqarrarligi bo’yicha tushintirishlar berildi.
Shuningdek, korrupsiyaga qarshi murosasiz kurash olib borish barchamizning birdek vazifamiz ekanligi hamda korrupsiya soha rivojiga to’siq bo’lishligi alohida ta’kidlandi.
“Buxoro HETK” AJ matbuot xizmati
Past kuchlanishdagi elektr uzatish tarmog’i yangilanmoqda
Buxoro shahar elektr ta’minoti korxonasi xodimlari tomonidan Buxoro shahrining “Abdurauf Fitrat” mahalla fuqarolar yig’ini hududida mustahkam-temir beton tayanchlari o’rnatilib, himoyalangan SIP kabellari tortilmoqda. Hozirga qadar hududda 150ga yaqin tayanchlar tiklandi. Shuningdek, mahallada 8000 metr uzinlikdagi elektr tarmog’ini yangilash ko’zda tutilgan bo’lib, ayni damda kabel tortish ishlari bajarilmoqda.
“Buxoro HETK” AJ matbuot xizmati
Joylardagi nimstansiyalarda joriy va mukammal ta’mirlash ishlari olib borilmoqda.
“Buxoro hududiy elektr tarmoqlari korxonasi” AJ Nimstansiyalar xizmatgohi xodimlari tomonidan belgilangan yillik reja-grafigi asosida joylardagi nimstansiyalarda joriy va mukammal ta’mirlash ishlari olib borilmoqda. Elektr qurilmalarida aniqlangan kamchiliklar bartaraf qilinib, me’yoriy ishlash holati ta’minlanmoqda. Shuningdek, mutaxassis xodimlar tomonidan sinov va sozlash, rele himoyasi hamda avtomatikasini tekshirish ishlari amalga oshirilmoqda.
Ta’kidlash joizki, joriy ta’mirlash ishlarining o’z vaqtida olib borilishi elektr qurilmalari mustahkamligining oshishi, kelib chiqishi mumkin bo’lgan avariyali o’chishlarning oldini olinishiga xizmat qiladi.
“Buxoro HETK” AJ matbuot xizmati
Elektr energiyasi iste’molchilari diqqatiga!
Hurmatli elektr energiyasi iste’molchilari!
“Hududiy elektr tarmoqlari” AJ tomonidan kо‘rsatilayotgan elektron xizmatlar sifatini yanada oshirish hamda iste’molchilarga qо‘shimcha qulayliklar yaratish maqsadida 2022 yil 1 avgust soat 23:00dan 3 avgust soat 22:00gacha Ma’lumotlarni qayta ishlash markazida profilaktik ishlar olib borilishini ma’lum qilamiz.
Mazkur vaqt oralig‘ida elektr energiyasi uchun onlayn tо‘lovlarni amalga oshirish hamda shaxsiy hisob raqamdagi mavjud ma’lumotlarni olishda texnik uzilishlar bо‘lishi, shu bilan birga iste’molchilarga qulaylik yaratish maqsadida ayni muddatda qarzdor iste’molchilar avtomatik tarzda tarmoqdan ajratilmasligini eslatib о‘tamiz.
Keltirilgan noqulayliklar uchun oldindan uzr sо‘raymiz.
“Hududiy elektr tarmoqlari” AJ Matbuot xizmati
Rasmiy kanallarimiz👇👇👇
Facebook (https://www.facebook.com/hududiyelektrtarmoqlari) | Telegram (https://t.me/hetmuloqot) | YouTube (https://www.youtube.com/channel/UCQmHfhMwOSG383fq3YL0qHw) | Instagram (https://www.instagram.com/hududiyelektrtarmoqlari/)