“Buxoro hududiy elektr tarmoqlari korxonasi” AJ
“Buxoro hududiy elektr tarmoqlari korxonasi” AJ tomonidan Buxoro viloyatida mavsumga tayyorgarlik ko’rish, energiya va energiya resurslarini tejash masalalariga e’tibor qaratilib, bu borada samarali ishlar amalga oshirilib kelinmoqda.
Bu borada viloyatda olib borilayotgan amaliy ishlar xususida “O‘zbekiston 24” telekanalining “Yangiliklar 24” informatsion dasturining lavhasida tanishish mumkin.
“Buxoro hududiy elektr tarmoqlari korxonasi” AJ tomonidan kuz – qish mavsumiga puxta tayyorgarlik ko’rish, barcha turdagi elektr energiyasi iste’molchilarini barqaror elektr quvvati bilan ta’minlash bo’yicha tizimli ishlar olib borilmoqda. Xususan, yuqori kuchlanishdagi podstansiyalarning holati doimiy ravishda o’rganilib, aniqlangan kamchiliklar bartaraf qilinmoqda. Jumladan, “Jondor” 110/35/10 kV podstansiyasida joriy ta’mirlash ishlari amalga oshirildi. Podstansiyada obodonlashtirish, elektr qurilmalari va yopiq taqsimlash uskunalarini ta’mirlash, estetik holatini yaxshilash, qizishini oldini olish hamda ulanish nuqtalarini ko’rikdan o’tkazish ishlari bajarildi.
“Buxoro HETK” AJ Matbuot xizmati
Hurmatli fuqarolar! Agar siz, “Hududiy elektr tarmoqlari” AJ hamda uning filial va korxonalri faoliyatida korrupsiyaga oid huquqbuzarliklarga duch kelsangiz, quyidagi aloqa manzillariga xabar berishingizni so‘raymiz:
Ishonch telefoni: +998781507561,
Telegram-bot: @HETanticor_bot ,
Call-markaz: 1154
Eslatib o‘tamiz: Qonunchilikda korrupsiyaga oid huquqbuzarliklar to‘g‘risida xabar qiluvchi shaxslar va ularning yaqin qarindoshlari davlat himoyasida bo‘lishi belgilangan.
to`liq nomi – “Buxoro hududiy elektr tarmoqlari korxonasi” aktsiyadorlik jamiyati;
qisqacha nomi – “Buxoro hududiy elektr tarmoqlari korxonasi” AJ.
“Buxoro hududiy elektr tarmoqlari korxonasi” AJ elektr energiyasi bozorida taqsimlovchi-sotuvchi korxona hisoblanadi, ya`ni u “Hududiy elektr tarmoqlari” AJ dan elektr energiyasini sotib olib taqsimlaydi va uni iste`molchilarga sotadi.
“Buxoro hududiy elektr tarmoqlari korxonasi” aktsiyadorlik jamiyati Buxoro viloyati Davlat mulkini boshqarish va qo`llab-quvvatlash Boshqarmasining 2003 yil 23 iyuldagi 86 – sonli “Buxoro elektr tarmoqlari” sho“ba korxonasini aktsiyadorlik jamiyatiga aylantirish to`grisidagi buyruqiga asosan tashkil topgan.
Korxona ustav fondida davlat ulushi 51%, xorijiy investorlarning ulushi – 45% , mehnat jamoasining ulushi – 4% ni tashkil qiladi.
Korxona balansida quyidagi elektr uskunalar mavjud (2024 yil 1 oktabr holatida):
– 0,4-6-10 kV kuchlanishli havo liniyalari 16089 km
– 35-110 kV kuchlanishli havo liniyalari 1986 km
– 0,4-6-10 kV kuchlanishli kabel liniyalari 502 km
– 6-10/0,4 kV kuchlanishli transformator punktlari 6320 ta
– 35/110 kV kuchlanishli transformator nimstantsiyalari 95 ta
– 6-10 kV kuchlanishli transformator punktlarining umumiy quvvati 1088 ming kVA dan ortiq
– 35-110 kV kuchlanishli nimstantsiyalarning umumiy quvvati 1,2 mln kVA dan ortiq.
Hozirgi kunda korxona tarkibida tuman va shaharlarga tegishli 12 ta tuzilmaviy elektr ta`minot korxonalari bor. Shuningdek, korxona tarkibida 39 ta bo`lim va xizmatgohlar ishlab turibdi.
Jamiyatning pochta manzili va yuridik joylanishi:
Pochta manzili – 200125, O`zbekiston Respublikasi, Buxoro shahri, Sanoatchilar ko`chasi, 1/1.
Yuridik joylanishi – O`zbekiston Respublikasi, Buxoro shahri, Sanoatchilar ko`chasi, 1/1.
Keyingi yillarda mamlakatimizda amalga oshirilayotgan islohotlar eng avvalo, inson qadrini ulug’lashga, odamlarning o‘z hayotidan rozi bo‘lib yashashlarini ta’minlashga qaratilmoqda. Ayniqsa, aholi murojaatlari bilan ishlash, ularni qiynab kelayotgan muammolarni tizimli ravishda hal qilish choralari ko’rilmoqda. Shu o’rinda, elektr energiyasi ta’minoti bilan bog’liq bo’lgan murojaatlarning yechim topishi borasida ham keng ko’lamli ishlar amalga oshirilmoqda. Bu esa o’z navbatida xalqimizning turmushi farovonligining oshishida muhim ahamiyat kasb etmoqda.
Kuni kecha, “Buxoro hududiy elektr tarmoqlari korxonasi” AJ tomonidan Buxoro tumani “Shexoncha” MFY Shexoncha ko’chasining elektr energiyasi ta’minoti yaxshilashga qaratilgan chora-tadbirlar amalga oshirildi. Aholi murojaatlardan kelib chiqgan holda, hududga temir-beton tayanchlar rostlandi va quvvati 63 kVA bo’lgan qo’shimcha transformator punkti o’rnatilib, ishga tushirildi. Natijada Shexonchaliklarning me’yor darajasidagi elektr energiyasiga bo’lgan talabi qondirildi.
“Buxoro HETK” AJ Matbuot xizmati
Kuz – qish mavsumida iste’molchilarni barqaror elektr energiyasi bilan ta’minlash maqsadida Buxoro shahar elektr ta’minoti korxonasi tomonidan barcha transformator punktlari ko’rikdan o’tkazilib, joriy ta’mirlash jarayonlari olib borilmoqda. Xodimlar transformator punktlarini ta’mirlash, estetik holatini yaxshilash, bo‘yoqlash hamda qizishini oldini olish, ulanish nuqtalarini ko’rikdan o’tkazish, transformatorning moy sathini me’yor holatiga keltirish ishlarini amalga oshirmoqdalar.
Amalga oshirilayotgan ishlar iste’molchilarni uzluksiz va sifatli elektr energiyasi bilan ta’minlashga xizmat qiladi.
“Buxoro HETK” AJ Matbuot xizmati
⚡️ “Buxoro hududiy elektr tarmoqlari korxonasi” AJ rahbariyati ishtirokida Olot tumanidagi “Usmonsheyx” mahalla fuqarolar yig’ini binosida aholining elektr energiya sohasiga oid murojaatlarini o’rganish yuzasidan sayyor qabul o’tkazildi.
📝 Sayyor qabulda fuqarolarning elektr energiyasi ta’minoti bilan bog’liq barcha murojaatlari tinglandi. Shuningdek, elektr energiyasi iste’molchilaridan kelib tushgan murojaatlar joyiga chiqib o’rganildi va qisqa muddatlarda ijobiy yechim topish choralarini ko’rish bo’yicha mas’ullarga topshiriqlar berildi.
“Buxoro HETK” AJ Matbuot xizmati
