E’lonlar

Avval xabar berilganidek, “Hududiy elektr tarmoqlari” AJ tomonidan “HET BILLING” dasturiy kompleksi ishga tushirildi. Shu munosabat bilan Jamiyatning rasmiy sayti (het.uz)dagi takomillashtirilgan “Shaxsiy kabinet”ga kirish va ro‘yxatdan o‘tish xususida videoqo‘llanma tayyorlanib, e’tiboringizga havola etilgan edi.

Kuni kecha iste’molchilarga yanada qulaylik eratish maqsadida “HET BILLING” dasturiy kompleksi joriy etilishi doirasida Jamiyatning mobil ilovasi ham ishga tushirildi.

So‘nggi kunlarda ko‘pchilik iste’molchilarda “Shaxsiy kabinet” hamda mobil ilovaga kirishda qiyinichliklar bo‘layotgani to‘g‘risida xabarlar tarqaldi.  Shu sababli tizimdan foydalanuvchilar e’tibor berishi lozim bo‘lgan ba’zi ko‘rstmalarni eslatib o‘tamiz.

Xususan, kabinet va ilovadan foydalanishda parol va login orqali kirayotgan iste’molchining telefon raqami, billing tizimida fuqaroning shaxsiy hisob raqami orqali ro‘yxatdan o‘tgan bo‘lishi shart.

One ID orqali foydalanmoqchi bo‘lgan fuqarolar Yagona identifikatsiya tizimi ma’lumotlari billing tizimi ma’lumotlari bilan aynan bir xil bo‘lishiga e’tibor berishlari lozim. Aks holda, tizimga kirishda cheklanishlar yuzaga keladi.

Eslatma:

“Shaxsga doir ma’lumotlar tо‘g‘risida”gi Qonunga muvofiq, iste’molchilar telefon raqamini billing tizimida hisob raqami orqali rо‘yxatdan о‘tkazish yoki almashtirish uchun shaxsan о‘zlari tuman elektr ta’minoti korxonasiga kelishlari talab etiladi.

“Hududiy elektr tarmoqlari” AJ tomonidan yangi “HET BILLING” dasturiy kompleksi to‘liq ishga tushirilganligini ma’lum qiladi.

Ayni paytda iste’molchilar elektr energiyasi uchun onlayn to‘lovlarni amalga oshirish hamda shaxsiy hisob raqamdagi mavjud ma’lumotlarni kuzatib borishlari mumkin.

Yangilangan tizim orqali iste’molchilar bevosita o‘zi iste’mol qilgan elektr energiyasi hisobi, xususan, to‘lov ma’lumotlari, kunlik elektr energiya iste’moli va boshqa har qanday ma’lumotni onlayn tarzda kuzatib borishi imkoni yaratildi.

Mazkur tizimni joriy etish bir qancha texnik jarayonlarni o‘z ichiga olganligi sababli, tizimni bosqichma-bosqich ishga tushirish ishlari olib borildi va kutilganidan ortiq vaqt talab etganligini ma’lum qilamiz hamda yetkazilgan noqulayliklar uchun iste’molchilardan uzr so‘raymiz.

Avval xabar berilganidek, “Hududiy elektr tarmoqlari” AJ tomonidan yangi “HET BILLING” dasturiy kompleksi ishga tushirilishi munosabati bilan joriy yilning 1 avgust kunidan Ma’lumotlarni qayta ishlash markazida profilaktik ishlar olib borilayotgan edi.

Ayni paytda mazkur profilaktik ishlar qisman yakunlanib, iste’molchilar elektr energiyasi uchun onlayn to‘lovlarni amalga oshirishlari hamda shaxsiy hisob raqamdagi mavjud ma’lumotlarni olish imkoniyati qayta ishga tushirilganligini ma’lum qilamiz.

“Hududiy elektr tarmoqlari” AJ томонидан янги “HET BILLING” dasturiy kompleksi ishga tushirilishi munosabati bilan 2024 yil 31 iyul soat 23:50dan 5 avgust soat 22:00gacha Ma’lumotlarni qayta ishlash markazida profilaktik ishlar olib borilishini ma’lum qilamiz.

Mazkur vaqt oralig‘ida elektr energiyasi uchun onlayn tо‘lovlarni amalga oshirish hamda shaxsiy hisob raqamdagi mavjud ma’lumotlarni olishda texnik uzilishlar bо‘lishi, shu bilan birga iste’molchilarga qulaylik yaratish maqsadida ayni muddatda qarzdor iste’molchilar avtomatik tarzda tarmoqdan ajratilmasligini eslatib о‘tamiz.

Keltirilgan noqulayliklar uchun oldindan uzr sо‘raymiz.

“Hududiy elektr tarmoqlari” AJ tomonidan iste’molchilarga qulaylik yaratish maqsadida 2024 yil 1 may kunidan aholi iste’molchilari uchun belgilangan elektr energiyasi tariflar hisobini oson hisoblash maqsadida Jamiyat veb-saytida elektr energiyasi iste’molini hisoblash kalkulyatori ishga tushirildi.

Kalkulyator orqali elektr hisobini turli tariflarda hisoblash imkoni yaratildi.

Shuningdek, maxsus bot (https://t.me/e_tariffbot)orqali orqali elektr energiyasini tezkor kalkulyatori ham ishga tushirildi.

Shu bilan bir qatorda, “Hududiy elektr tarmoqlari” AJ veb-saytidagi “Shaxsiy kabinet” orqali shaxsiy hisob raqamingizga oid ma’lumotlar – iste’mol qilingan elektr energiyasi miqdori, qoldiq va boshqalar tо‘g‘risida real vaqt (on-line) rejimida batafsil ma’lumotga ega bо‘lishingiz mumkin.

“Shaxsiy kabinet”ga kirish uchun qо‘llanma.

«Hududiy elektr tarmoqlari» AJ

🎙Joriy yilning 23-aprel kuni soat 15:00 da “Buxoro hududiy elektr tarmoqlari korxonasi” AJ ma’muriy binosida Vazirlar Mahkamasining 2024-yil 16 aprelda “Yoqilg‘i-energetika sohasida bozor mexanizmlarini joriy etishning qo‘shimcha chora-tadbirlari to‘g‘risida”gi 204-sonli qaroriga bag’ishlab Press-tur o’tkaziladi.

Press-turga viloyatimiz hududida faoliyat yuritayotgan barcha ommaviy axborot vositalari vakillari, jurnalist va blogerlarni taklif qilamiz.

Manzil: Buxoro shahar, Sanoatchilar ko’chasi 1/1-uy “Buxoro hududiy elektr tarmoqlari korxonasi” AJ ma’muriy binosi.

Murojaat uchun telefon: +99897 862 6267

“Hududiy elektr tarmoqlari” AJ tomonidan iste’molchilarga qulaylik yaratish maqsadida 2024 yil 1 may kunidan aholi iste’molchilari uchun belgilangan elektr energiyasi tariflar o‘z hisobini oson hisoblash maqsadida kompyuteringiz uchun maxsus ilovani ishlab chiqdi.

Ilovani yuklab olish

Ilovani yuklab olgan holda siz elektr hisobini turli tariflarda hisoblash va elektr energiyasi uchun to‘lovlarni hisoblab borish imkoni yaratiladi.

Shuningdek, maxsus bot orqali orqali elektr energiyasini tezkor kalkulyatori ham ishga tushirildi.

ilovamiz hamda telegram botimizdan foydalaning hamda elektr hisobi haqida tezkor ma’lumotlarga ega bо‘ling.

«Hududiy elektr tarmoqlari» AJ