Har qanday ob-havo sharoitida — barqaror elektr ta’minoti yo‘lida
Qorli-qirovli kunlar, yomg‘irli tunlar yoki jazirama issiq bo‘lishidan qat’i nazar, elektr ta’minoti sohasida faoliyat yuritayotgan xodimlar aholini uzluksiz elektr energiyasi bilan ta’minlash yo‘lida fidokorona mehnat qilib kelmoqdalar. Noqulay ob-havo sharoitlarida ham tarmoqlarni nazorat qilish, nosozliklarni bartaraf etish va avariyaviy holatlarga tezkor choralar ko‘rish ularning kundalik vazifasiga aylangan.
Har bir chiroq yonishi, har bir xonadonda yorug‘lik bo‘lishi ortida mutaxassislarning mashaqqatli mehnati, mas’uliyati va kasbiga bo‘lgan sadoqati mujassam. Kecha-kunduz, dam olish kunlarisiz olib borilayotgan sa’y-harakatlar natijasida iste’molchilar barqaror va sifatli elektr energiyasi bilan ta’minlanmoqda.
Elektr ta’minoti xodimlarining fidoyiligi va mas’uliyatli mehnati aholi farovonligi, ishlab chiqarish barqarorligi va yurt taraqqiyotining muhim kafolatidir.