Chorshanba, Iyun 25, 2025

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ
"BUXORO HETK"AJ OB'EKTLARINI XARITASI
Energetika yangiliklari 

Quvvati 63000 kVA bo’lgan navbatdagi kuch transformatori Buxoroga olib kelindi.

hetk 361 Views

Buxoro shahar aholisi, ijtimoiy soha ob’ektlari hamda tadbirkorlarni barqaror elektr energiyasi bilan ta’minlash, shu bilan bir qatorda aholi sonining ko’payishi, ishlab chiqarish salohiyatlarining kengayishini inobatga olgan holda zahira quvvatini yaratish maqsadida “Buxoro hududiy elektr tarmoqlari korxonasi” AJ tomonidan 63 000 kVA bo’lgan navbatdagi kuch transformatori olib kelindi. Mazkur quvvatdagi kuch transformatorni Buxoro shahrining katta qismini elektr energiyasi bilan ta’minlovchi “Markaziy” 110/35/6 podstansiyasiga o’rnatish ishlari olib borilmoqda. Modernizatsiya va yangilash ishlari doirasida “Markaziy” 110/35/6 podstansiyadagi 25 000 kVA bo’lgan kuch transformatori, olib kelingan 63 000 kVAli trasformatorga almashtirilmoqda.
Hozirda “Buxoro hududiy elektr tarmoqlari korxonasi” AJ Podstansiyalar xizmatgohi xodimlari tomonidan montaj ishlari amalga oshirilmoqda.

“Buxoro HETK” AJ matbuot xizmati

Energetika yangiliklari 

Ijtimoiy, tijorat va ma’muriy-maishiy bino va inshootlarning energiya samaradorligini oshirish Milliy dasturi ishlab chiqiladi

hetk 537 Views

Taraqqiyot strategiyasi:

Ijtimoiy, tijorat va ma’muriy-maishiy bino va inshootlarning energiya samaradorligini oshirish Milliy dasturi ishlab chiqiladi

Yangi O’zbekistonning 2022–2026 yillarga mo’ljallangan Taraqqiyot strategiyasiga asosan, 2022 yil aprel oyiga qadar uy-joy-kommunal xo’jaligi, ijtimoiy soha obyektlari va boshqa sohalarda qayta tiklanuvchi energiya manbalarini keng joriy etish va energiya samaradorligini oshirish yuzasidan Prezident qarori loyihasi ishlab chiqiladi.

Unga ko’ra, Energetika vazirligi Jahon banki ekspertlari va maslahatchilari hamda tegishli vazirlik va idoralar bilan hamkorlikda “Ijtimoiy, tijorat va ma’muriy-maishiy bino va inshootlarning energiya samaradorligini oshirish” Milliy dasturi ishlab chiqiladi.

Bunda:

▪️“Yangi O’zbekiston massivlari” davlat dasturlari doirasida quriladigan uy-joy, ijtimoiy va tijorat obyektlarini qurishda qayta tiklanuvchi energiya manbalaridan elektr va issiqlik energiyasini ishlab chiqaruvchi qurilmalardan keng foydalaniladi.

▪️Xususiy sektor, ijtimoiy soha va mahalliy boshqaruv organlari obyektlarida qayta tiklanuvchi energiya manbalarini joriy etish bo’yicha namunaviy loyihalar ishlab chiqiladi.

▪️Ijtimoiy soha obyektlari va boshqa byudjet tashkilotlarining rahbarlari va mas’ul xodimlariga qayta tiklanuvchi energiya manbalarini joriy etishini rag’batlantirish choralari qo’llaniladi.

▪️Kam ta’minlangan aholida qayta tiklanuvchi energiya manbalarini joriy etish borasida davlat tomonidan rag’batlantirish va moliyalashtirish mexanizmlari belgilanadi.

O’zbekiston Respublikasi Energetika vazirligi Matbuot xizmati

E’lonlar Energetika yangiliklari 

TAYINLOV

hetk 456 Views

Rustamov Zohir Ravshanovich “Buxoro hududiy elektr tarmoqlari korxonasi” aksiyadorlik jamiyati texnik direktori lavozimiga tayinlandi.

Tayinlovga qadar Z.R.Rustamov “Buxoro hududiy elektr tarmoqlari korxonasi” AJ texnik direktori o’rinbosari lavozimida ishlab kelgan.

“Buxoro HETK” AJ matbuot xizmati

Energetika yangiliklari Tadbirlar 

Himoya vositalari ko’rikdan o’tkazildi

hetk 973 Views


Mehnat inson hayotining ajralmas qismidir. Sir emaski har bir kasbning o’ziga yarasha qiyinchiliklari bo’ladi. Biroq, shunday sohalar borki unda faoliyat yurituvchilar tomonidan yo’l qo’yilgan kichik bir xato yoki e’tiborsizlik og’ir oqibatlarni keltirib chiqarishi mumkin. Ana shunday sohalardan biri bu shubhasiz “Elektr energetikasi” sohasidir. Shu munosabat bilan “Hududiy elektr tarmoqlari” AJ hamda uning tarkibidagi korxonalar masul xodimlari tomonidan doimiy ravishda mehnatni muhofaza qilish, kelib chiqishi mumkin bo’lgan baxtsiz hodisalarni oldini olish maqsadida o’quv va amaliy mashg’ulot, targ’ibot-tashviqot ishlari olib borilmoqda.


Ana shunday mehnatni muhofaza qilish borasidagi navbatdan tashqari o’rganish ishlari “Buxoro hududiy elektr ta’minoti korxonasi” AJ mas’ul xodimlari tomonidan amalga oshirildi.


Jamiyat tarkibidagi shahar, tuman elektr ta’minoti korxonalari ustalik bo’limlari va dispetcherlik xizmatlari himoya vositalari “Mustahkamlik va xavfsizlik texnikasi” xizmati tomonidan xatlovdan o’tkazildi. Yaroqsiz himoya vositalari ro’yxatdan chiqarilib yangisiga almashtirildi.

“Buxoro HETK” AJ matbuot xizmati

Energetika yangiliklari 

Taraqqiyot strategiyasi

hetk 356 Views

Taraqqiyot strategiyasi:

2022-2026 yillarda 8 mingdan ortiq mahalla fuqarolar yig’inlarining elektr ta’minoti yaxshilanadi

So’nggi 5 yilda mamlakatimizda barcha sohalar kabi energetika sohasida ham ulkan ishlar amalga oshirildi.

Yangi O’zbekistonning 2022–2026 yillarga mo’ljallangan Taraqqiyot strategiyasiga muvofiq ushbu sohani kelgusida yanada rivojlantirish ko’zda tutilgan.

Xususan, “Obod qishloq” va “Obod mahalla” dasturlari doirasida respublika hududlarida qariyb 80 ming kilometr magistral va taqsimlovchi elektr uzatish tarmoqlari, 20 mingdan ortiq transformator punktlari hamda 200 dan ziyod podstansiyalar quriladi va yangilanadi.

Buning natijasida respublika bo’yicha 8 300 dan ortiq mahalla fuqarolar yig’inlarining elektr energiyasi ta’minoti yaxshilandi.

Eslatib o’tamiz: 2017-2021 yillarda uzunligi 902 km magistral va 40 600 km taqsimlovchi elektr uzatish tarmoqlari hamda 12 900 ta transformator punktlari modernizasiya qilingan.

Buning natijasida respublika bo’yicha 7,3 mingdan ortiq mahalla fuqarolar yig’inining elektr energiyasi ta’minoti yaxshilandi.

O’zbekiston Respublikasi Energetika vazirligi Matbuot xizmati

E’lonlar 

Hurmatli iste’molchilar!

hetk 435 Views

Umumtizimda kuzatilgan yirik nosozliklar bosqichma-bosqich bartaraf etilib, respublikamizning yagona elektr tarmog’iga quvvat uzatish boshlandi.

Shuni ham aytib o’tishimiz kerakki, yuzaga kelgan nozosliklar sababli mamlakatimizdagi mavjud gaz qazib olish konlari va uni qayta ishlash zavodlarida texnologik jarayonlarning buzilish holatlari kuzatilmoqda. Bu esa, o’z navbatida gaz ishlab chiqarish hajmining kamayishiga olib kelmoqda.

Shu sababli issiqlik elektr stansiyalarida gaz bosimining kamayishi kuzatilmoqda va bu elektr energiyasini ishlab chiqarish hajmiga salbiy ta’sir ko’rsatmoqda.

Hozirgi vaqtda mavjud ishlab chiqarish quvvatlaridan kelib chiqib respublikamizning ayrim hududlarida navbatma-navbat elektr energiyasi yetkazib berilmoqda.

Energotizimda kuzatilgan nosozliklar sababli yuzaga kelgan muammolarni bartaraf etish uchun barcha choralar ko’rilmoqda.

Hurmatli Vatandoshlar! Energetiklar tomonidan amalga oshirilayotgan sa’y-harakatlar va hozirgi sharoitdan kelib chiqib sizdan energiya qurilmalaridan oqilona foydalanishingizni va xonadoningizda ortiqcha elektr jihozlarini tarmoqqa ulamaslikni so’raymiz.

Bu sa’y-harakatlar ko’proq iste’molchilarni elektr energiyasi bilan ta’minlashga yordam beradi.

Vaziyatni to’g’ri baholab bizni qo’llab-quvvatlaganingiz uchun rahmat!

O’zbekiston Respublikasi Energetika vazirligi Matbuot xizmati

Energetika yangiliklari 

NOQULAY OB-HAVO ENЕRGЕTIKLARGA TO‘SIQ BO‘LMAYDI

hetk 720 Views

Mamlakatimizga kirib kelgan sovuq ob-havo oqimi hamda kuchli shamol, qor bо‘roni oqibatida havo elektr tarmoqlari hamda trasformator punktlariga yetkazilgan shikast natijasida Respublikamizning turli hududlarida elektr energiyasi yetkazib berishda vaqtincha uzilishlar kuzatildi.

«Hududiy elektr tarmoqlari» AJning elektr ta’minoti korxonalari xodimlari tomonidan tunu-kun olib borilgan ta’mirlash-tiklash ishlari natijasida noqulay ob-havo sharoitida talafot yetgan barcha hududlarda elektr energiyasi qayta tiklanmoqda.

Tarmoqlarda sodir bо‘ladigan avariyaviy о‘chishlarni tezkor bartaraf etish maqsadida «Hududiy elektr tarmoqlari» AJ tomonidan hududlarda jami 481 ta tezkor avariyaviy chiqish brigadalari hamda ularga 483 ta maxsus avariyaviy chiqish mashinalari va maxsus texnikalar safarbar etildi.

 

“Hududiy elektr tarmoqlari” AJ Matbuot xizmati

E’lonlar 

Elektr energiyasi ta’minotida uzilishlar yuzaga keldimi?

hetk 3947 Views

Kuz-qish mavsumini betalofat o’tkazish, vujudga kelgan muammolarni o’z vaqtida bartaraf etish, Buxoro viloyati aholisi, ijtimoiy soha ob’ektlari, tadbirkorlarni me’yor darajasidagi uzluksiz elektr energiyasi bilan ta’minlash maqsadida “Buxoro hududiy elektr tarmoqlari korxonasi” AJ hamda uning tarkibidagi tuman, shahar elektr ta’minoti korxonalarida tunu-kun rahbar xodimlar boshchiligidagi navbatchiliklar tashkil qilingan bo’lib, ta’minotda yuzaga kelayotgan uzilishlarni qisqa muddatlarda bartaraf qilish choralari ko’rilmoqda. Shuningdek, kelib chiqayotgan avariyali uzilishlarni o’z vaqtida aniqlab, tezkorlik bilan ta’mirlash, tiklash ishlarini bajarish uchun barcha turdagi maxsus texnikalar, kuch va vositalar shay holatga keltirilgan.

Keltirilgan telefon raqamlar hamda Call markazning 1154 qisqa raqami 24 soat sizning xizmatingizda.

“Buxoro HETK” AJ matbuot xizmati