Tadbirlar

“Buxoro hududiy elektr tarmoqlari korxonasi” aksiyadorlik jamiyati barcha o‘zbekistonliklarni 14 yanvar – O‘zbekiston Respublikasi Qurolli Kuchlari tashkil etilganining 27 yilligi va Vatan himoyachilari kuni bilan tabriklaydi.

O‘zbekiston himoyasi uchun hamisha shay bo‘lgan milliy armiyaga, mard va jasur o‘g‘lonlarga mamlakatdagi tinchlikni ta’minlab turishdagi matonati uchun hurmat bildiradi.

Shu munosabat bilan 14 yanvar Vatan himoyachilari kuni “Buxoro hududiy elektr tarmoqlari korxonasi” aksiyadorlik jamiyati xodimlari “Motamsaro ona” haykali poyiga gulchanbar qo‘yishdi.

  “Buxoro HETK” AJ

“Buxoro hududiy elektr tarmoqlari korxonasi” AJ da bo’sh ish o’rinlari uchun mehnat yarmarkasi tashkil etildi. 2018 yil 28 iyul kuni “Buxoro hududiy elektr tarmoqlari korxonasi” AJda ““O’zbekenergo” AJ yoshlarni ishga taklif etadi” vakant bo’sh ish o’rinlari yarmarkasi tadbiri bo’lib o’tdi. Tadbirda oliy o’quv yurtini tugatgan hamda o’rta-maxsus energetika mutaxassislikka ega bo’lgan yoshlar katnashdi. Shuni alohida ta’kidlash joizki o’tkazilgan mazkur yarmarkada nomzodlar shu erning o’zida ish beruvchilar tomonidan suhbatdan o’tkazilib, ishga qabul qilishga tavsiya etildi. Suhbatdan muvaffaqiyatli o’tganlar barcha hujjatlarini takdim etgandan so’ng, ma’lum muddatda ishga qabul qilishganligi to’g’risida ma’lumot beriladi.

        Ona yurtimiz har doim o’zining mard, jasur yigitlari bilan faxrlanib kelgan. Yigitlarimiz ota-ona va oilasini, o’zi yashayotgan yurt tuprog’ini muqaddas bilib, Vatan himoyasi uchun doimo shay turishni burch deb hisoblagan. Ushbu bayramning nishonlanishi xalqimizning o’z armiyasiga nisbatan cheksiz hurmatini, yigitlariga nisbatan iftixorini bildiradi. Buxoro Hududiy Elektr Tarmoqlari Korxonasi nomidan aziz vatan himoyachilarini ushbu bayram bilan tabriklaymiz hamda ularga oilaviy tinchlik-xotirjamlik, sog’liq-salomatlik tilab qolamiz. Hayotingiz doimo sharaf va zafarlarga to’liq bo’lsin. Vatanimiz osmoni doimo musaffo bo’lishi uchun har doimgidek o’z kuch-g’ayratingizni ayamang!

       Barchani Qurolli Kuchlarimiz tashkil topganining 25 yilligi va Vatan himoyachilari kuni munosabati bilan tabriklaymiz.

Aziz do’stlar! Biz Sizlar bilan Yangi, 2017- yilning ostonasida turibmiz! Kirib kelayotgan yangi yil hammamizga baxt, omad, quvonch va qut-baraka olib kelsin. Barchaga yangi yilda sihat-salomat, omadli bo’lishini va ko’zlagan ezgu maqsadlariga erishishlarini tilaymiz. Yaqinlashib kelayotgan yangi yilingiz muborak bo’lsin!

 “Buxoro HETK” AJ jamoasi

2016 yilning 24 oktyabridan 4 noyabrgacha “Samarqand HETK” AJda “Elektr energiyasi iste’molini hisobga olish va nazorat qilishning avtomatlashtirilgan tizimini tadbiq etish bo’yicha O’zbekiston Respublikasining Buxoro, Samarqand va Jizzax viloyatlarida 0,4 kV ga ulangan iste’molchilarning elektr energiyasini hisobga olish tizimi” loyihasini tadbiq etish doirasida “O’zbekenergo” AJ xodimlari uchun mo’ljallangan Koreyaning «KT Corporation» kompaniyasi tomonidan tashkil etilgan o’quv kurslari (mashg’ulotlari) bo’lib o’tdi. O’quv kurslari dasturining maqsadi EHNAT (ASKUE) serverlari xonasidagi qurilmalarni, tarmoq tizimlarini ekspluatatsiya qilish va boshqarish bo’yicha bilim olish va ko’nikmalarini shakllantirishga yo’naltirilgan edi.

O’quv kurslarida “Buxoro HETK” AJ va “Samarqand HETK” AJ ning axborot texnologiyalari va EHNAT (ASKUE) bo’limlari xodimlari qatnashdi. O’quv kurslarini tugatib, test savollariga muvaffaqiyatli javob bergan yuqorida nomi keltirilgan hududiy elektr tarmoqlari korxonasi xodimlariga tegishli sertifikatlar berildi.

2016 yilning 17 oktyabridan boshlab EHNAT (ASKUE)ni tatbiq etish doirasida respublikada birinchilardan bo’lib Buxoro viloyati Qorovulbozor tumanining “Bo’ston” qishloq fuqarolar yig’inida eski elektr hisoblagichlar o’rniga yangi EHNAT (ASKUE) tizimiga to’la mos, «KAIFA» kompaniyasi tomonidan ishlab chiqarilgan elektr hisoblagichlarni o’rnatish ishlari boshlandi. Shu bilan birgalikda ushbu qishloq fuqarolar yig’ini elektr energiya iste’molchilarining elektr tarmoqlari xo’jaligi ham to’liq ta’mirlandi.

EHNAT (ASKUE) tizimiga mos elektr hisoblagichlarni o’rnatishni boshlash jarayonida “Buxoro HETK” AJ rahbariyati va xodimlari, mahalliy hokimiyat vakillari va pudratchi tashkilot – “Koreya Telekom” vakillari qatnashdilar.

Yaqin davr mobaynida Qorovulbozor tumanida, undan keyin esa Buxoro viloyatining qolgan tumanlari elektr energiya iste’molchilarida ham EHNAT (ASKUE) tizimiga mos elektr hisoblagichlarni o’rnatish ishlari rejalashtirilgan.