Tadbirlar

9-may Xotira va qadrlash kuni bayrami munosabati bilan “Buxoro hududiy elektr tarmoqlari” AJ rahbari hamda jamiyatda faoliyat yuritib kelayotgan bir guruh yoshlar Ikkinchi jahon urushi qatnashchisi, 1925 yilda tavallud topgan Qarshiyev Norboy boboning fayzli xonadoniga tashrif buyurib, holidan xabar oldilar.

Jamiyat rahbari Bahodir Hayotov Norboy boboni yanqinlashib kelayotgan Xotira va qadrlash kuni bayrami bilan qizg’in tabriklab, samimiy suhbat qurdi. Nuroniy otaxon 42 yil davomida viloyat elektr energetikasi sohasida ishlagan vaqtlarini juda ko‘tarinki ruhda esga oldi.

Uchrashuv yakunida Norboy boboga mustakam sog‘lik, kuch-quvvat, uzoq va mazmunli umr tilandi.

“Buxoro HETK” AJ matbuot xizmati

О‘zbekiston Respublikasi Vazirlar Mahkamasining 26 apreldagi tegishli farmoyishi asosida mahallalar va xonadonlar ozodaligiga hissa qо‘shish hamda aholining ijtimoiy himoyaga muhtoj qismini qо‘llab-quvvatlash maqsadida respublikamiz bо‘ylab “Mahalla obodligi — yurt farovonligi” shiori ostida о‘tkazilayotgan umumxalq obodonlashtirish xayriya hasharida “Buxoro hududiy elektr tarmoqlari korxonasi” AJ jamoasi hamda uning tarkibidagi barcha bo’lim va xizmatgohlar, tuman, shahar elektr ta’minoti korxonalari xodimlari ham faol qatnashmoqda.

Hasharda katta-yu kichik birlashib, bino-inshootlar atroflarini obodonlashtirish, daraxtlar ostini yumshatish va oqlash kabi ishlarni uyushqoqlik bilan davom ettirmoqdalar.

“Buxoro HETK” AJ matbuot xizmati

“Buxoro hududiy elektr tarmoqlari korxonasi” AJda “Korrupsiya illatiga qarshi birgalikda kurashamiz” g’oyasi asosida ma’naviy, ma’rifiy tadbirlarining davomi sifatida “Korrupsiyaga qarshi kurashish va halolllik” mavzusida navbatdagi seminar uchrashuvi bo’lib o’tdi.

Tadbirda O’zbekiston Respublikasi bosh prokraturasi huzuridagi iqtisodiy jinoyatlarga qarshi kurashish departamentining Buxoro viloyat boshqarmasi bo’limi boshlig’i, Buxoro viloyat prokraturasi bo’lim prokurori, Buxoro viloyati IIB Korrupsiya va iqtisodiy jinoyatlarga qarshi kurashish bo’limi mutaxassisi, Buxoro shahar adliya bo’limi boshlig’i hamda “Buxoro hududiy elektr tarmoqlari korxonasi” AJ mas’ul xodimlari ishtirok etdilar.

Tadbirda so’zga chiqganlar korrupsiya taraqqiyot ildiziga bolta uruvchi jirkanch illat ekanligi, uning iqtisodiy, ijtimoiy hamda ma’naviy zararlari, uning balosidan qutilish, islohotlarni korrupsiya changalidan qutqarish barchamizning sharafli burchimiz ekanligini yig’ilganlarga atroflicha tushintirib berdilar. Bu illatning tobora ildiz otishiga to’sqinlik qilish nafaqat huquq tartibot organlari xodimlarining vazifasi, balki har birimizning sharafli burchimiz ekanligini alohida ta’kidlab o’tdilar. Shuningdek, huquq tartibot organlari xodimlari tomonidan bugungi kunda hukumatimiz tomonidan korrupsiyaga qarshi kurashish va uni oldini olishga doir ishlab chiqilgan qaror va farmonlarning mazmun mohiyati batafsil tushintirib berildi. Xususan, huquq tartibot organlari xodimlari tomonidan keltirib o’tilgan misollar barchani yana bir bor sergak tortishga undadi va seminarning natijadorligini yanada oshirdi.

Bugun yurtimiz zaminidan korrupsiya balosini tag tomiri bilan sug’urib tashlash maqsadida ko’plab islohotlar amalga oshirilib kelinmoqda. Biroq natijalar ko’ngildagidek emasligi barchaga ayon. Shunday ekan korrupsiyadan qutilish yo’lida barchamiz birlashmog’imiz, bir maqsad yo’lida yoshlarimiz ongu shuurini korrupsiyadan xoli millatda yashash quvonchi ila boyitmog’imiz darkor.

Korrupsiya botqog’iga botmay o’zining halol mehnati bilan non topgan inson saodatga yetmog’i tayin bo’lganidek, o’ziga tegishli xulosa chiqarmay, poraxo’rlik va ta’magirlikdan tiyila olmayotgan shaxslar jazoga tortilishi muqarrardir.

“Buxoro HETK” AJ matbuot xizmati

Avval xabar berganimizdek “Buxoro HETK” AJ tomonidan Navro‘z umumxalq bayramini yuqori saviyada o‘tkazish uchun jamiyat tarkibidagi bo’lim va xizmatgohlar, hamda elektr ta’minoti korxonalarida faoliyat yuritib kelayotgan yoshlarni rag’batlantirish, ularni kasbiy mahoratini oshirish, bilimlarini sinovdan o’tkazish, sohadagi talabchan, intiluvchan, shijoatli yosh mutaxassis kadrlar zahirasini yaratish maqsadida bilimlar bellashuvi tadbiriga start berilgan edi. Uch bosqichda o’tkazilgan bellashuvda 20 tadan iborat guruhlar ichidan kuchlilari saralandi. Yakunda o’zining bilim va salohiyatini namoyon qilgan Buxoro shahar elektr ta’minoti korxonasi yoshlari iroda ko’rsatib, birinchi o’ringa sazovor bo’ldi. Bellashuv reglamentiga ko’ra eng yaxshi bilimdon nominatsiyasida ham g’olib  aniqlanib, esdalik sovg’alar bilan taqdirlandi.

Yakunda soha xodimlari kasbiy mahoratini yanada oshirish maqsadida bu kabi bellashuvlarni tez-tez o’tkazish bo’yicha jamiyat rahbariyati tomonidan chora-tadbirlar belgilandi.

“Buxoro hududiy elektr tarmoqlari korxonasi” AJ tomonidan Navro‘z umumxalq bayramini yuqori saviyada o‘tkazish uchun jamiyat tarkibidagi bo’lim va xizmatgohlar hamda tuman, shahar elektr ta’minoti korxonalarida faoliyat yuritib kelayotgan yoshlarni rag’batlantirish, ularni kasbiy mahoratini oshirish, bilimlarini sinovdan o’tkazish maqsadida bilimlar bellashuvi tadbiriga start berildi. Bilimlar bellashuvi tadbirini uch bosqichda o’tkazilishi rejalashtirilgan. Tadbirdan ko’zlangan pirovard maqsad sohadagi talabchan, bilimli, intiluvchan yosh mutaxassis kadrlar zahirasini yaratishdan iboratdir.

“Buxoro HETK” AJ matbuot xizmati

Buxoro tuman elektr ta’minoti korxonasida maxsus taktik o’quv mashqi o’tkazildi.

Buxoro viloyati favqulodda vaziyatlar boshqarmasi bilan hamkorlikda Buxoro tuman elektr ta’minoti korxonasi xodimlari bilan “Buxoro tuman ETKda favqulotda vaziyatlar sodir bo’lganda ob’ekt rahbariyati hamda fuqaro muhofazasi tuzilmalarining FVDqT xizmati tuzilmalari bilan hamkorlikdagi harakati” mavzusida maxsus taktik o’quv mashqi bo’lib o’tdi. O’quv mashqida xodimlarning ob’ektda yong’in sodir bo’lganda avariya qutqaruv ishlarini amalga oshirish bo’yicha tuzilgan tadbirlarning samaradorligi tekshirildi va favqulotda vaziyatlar yuz bergan hududdan odamlarni qutqarish va moddiy boyliklarni asrash bo’yicha xodimlarning amaliy malakalari sinovdan o’tkazildi. Shuningdek, tabiiy va texnogen xususiyatli favqulotda vaziyatlar sodir bo’lganda ob’ekt barqarorligini oshirish bo’yicha mutaxassislar tomonidan tavsiyalar ishlab chiqilib, xodimlarga batafsil tushunchalar berildi.

“Buxoro HETK” AJ matbuot xizmati

8-mart Xalqaro xotin-qizlar kuni munosabati bilan tantanali bayram tadbiri bо‘lib о‘tdi. “Buxoro hududiy elektr tarmoqlari korxonasi”AJ rahbariyati va xodimlari tomonidan korxonada faoliyat yuritayotgan go’zal va betakror, muhtarama ayollar sharaflandi.

Siz аyоlsiz, shirin so’zli, mulоyim,
Lаtоfаtni bergаn sizgа Xudоyim.
Yuzingizdаn оy ham bоqib uyаlаr,
Zuxrо yulduz hаvаs bilаn mo’rаlаr.
Muhаbbаtdа sаdоqаtli xаyоli,
Muqаddаssiz o’zbek qizi аyоli.
Siz аyоlsiz Mоmо Hаvо nаslidаn,
Ochilаsiz kelsа bаhоr fаslidаn.
Ishq bоg’idа yigitlаrni xаyоli.
Muqаddаssiz o’zbek qizi аyоli.
Sizgа оchiq jаnnаtning hаm eshigi,
Qo’lingizdа bаxtli hаyоt beshigi,
Allа аytib mehr ilа bоqаsiz,
Murg’ak qalbga oq sut bo’lib oqasiz.
Dаrdgа mаlhаm bo’lgаn mehri giyоli,
Muqаddаssiz o’zbek qizi аyоli.

Loyihalashtirish ishlarini jadallashtirish, yangidan qurilayotgan elektr uzatish tarmoqlarining loyihalarini tayyorlashda qurilish ishlari amalga oshiriladigan joyga chiqib, shu joyning o’zida boshlang’ich loyiha chizmalarini chizish maqsadida “Buxoro hududiy elektr tarmoqlari korxonasi” AJ tomonidan 5 dona planshet xarid qilinib, korxona Loyiha-smeta hujjatlarini ishlab chiqish bo’limi mutaxassislariga topshirildi.
Barcha planshetlarda Google Earth Pro mobil ilovasi o’rnatilgan bo’lib, mobil ilova Davlat dasturlari asosida yangidan quriladigan elektr uzatish tarmoqlari joylarining geolokasiyasini aniqlash, joyida elektron haritaga tushirish va yangidan quriladigan elektr tarmoqlarining uzunligini baholashda qo’l kelmoqda.

Yaratib berilayotgan munosib mehnat sharoitlari xodimlarda mamnunlik hissini uyg’otishi bilan bir qatorda o’z vazifalarini mas’uliyat bilan ado etishga undaydi va mehnat samaradorligini oshishiga xizmat qiladi.

“Buxoro HETK” AJ matbuot xizmati

“Buxoro hududiy elektr tarmoqlari korxonasi” AJda 9 dekabr – Xalqaro korrupsiyaga qarshi kurashish kuni munosabati bilan Antikorrupsion haftalik doirasida “Ochiq eshiklar kuni” tadbiri о‘tkazildi.
Tadbirda Buxoro viloyat IIB JQB Korrupsiya va iqtisodiy jinoyatlarga qarshi kurashish bo’limi mutaxassisi, Buxoro shahar prokurori katta yordamchisi, Sayfiddin Boxarziy jome’ masjidi imom-xatibi, “O’zenergoinspeksiya” Buxoro hududiy bo’limi mutaxassisi hamda “Buxoro hududiy elektr tarmoqlari korxonasi” AJ mas’ul xodimlari ishtirok etdilar.

“Buxoro HETK” AJ matbuot xizmati