Author: hetk

Keyingi yillarda mamlakatimizda amalga oshirilayotgan islohotlar eng avvalo, inson qadrini ulug’lashga, odamlarning o‘z hayotidan rozi bo‘lib yashashlarini ta’minlashga qaratilmoqda. Ayniqsa, aholi murojaatlari bilan ishlash, ularni qiynab kelayotgan muammolarni tizimli ravishda hal qilish choralari ko’rilmoqda. Shu o’rinda, elektr energiyasi ta’minoti bilan bog’liq bo’lgan murojaatlarning yechim topishi borasida ham keng ko’lamli ishlar amalga oshirilmoqda. Bu esa o’z navbatida xalqimizning turmushi farovonligining oshishida muhim ahamiyat kasb etmoqda.
Kuni kecha, “Buxoro hududiy elektr tarmoqlari korxonasi” AJ tomonidan Buxoro tumani “Shexoncha” MFY Shexoncha ko’chasining elektr energiyasi ta’minoti yaxshilashga qaratilgan chora-tadbirlar amalga oshirildi. Aholi murojaatlardan kelib chiqgan holda, hududga temir-beton tayanchlar rostlandi va quvvati 63 kVA bo’lgan qo’shimcha transformator punkti o’rnatilib, ishga tushirildi. Natijada Shexonchaliklarning me’yor darajasidagi elektr energiyasiga bo’lgan talabi qondirildi.

“Buxoro HETK” AJ Matbuot xizmati

Kuz – qish mavsumida iste’molchilarni barqaror elektr energiyasi bilan ta’minlash maqsadida Buxoro shahar elektr ta’minoti korxonasi tomonidan barcha transformator punktlari ko’rikdan o’tkazilib, joriy ta’mirlash jarayonlari olib borilmoqda. Xodimlar transformator punktlarini ta’mirlash, estetik holatini yaxshilash, bo‘yoqlash hamda qizishini oldini olish, ulanish nuqtalarini ko’rikdan o’tkazish, transformatorning moy sathini me’yor holatiga keltirish ishlarini amalga oshirmoqdalar.

Amalga oshirilayotgan ishlar iste’molchilarni uzluksiz va sifatli elektr energiyasi bilan ta’minlashga xizmat qiladi.

“Buxoro HETK” AJ Matbuot xizmati

Yurtimizda inson manfaatlari oliy qadriyat darajasiga ko’tarilib, bugungi kunda Aholini yashash sharoiti darajasini yaxshilashga va turmushi farovonligini oshirishga qaratilgan bir qator ishlar amalga oshirilmoqda.
Bu borada “Buxoro hududiy elektr tarmoqlari korxonasi” AJ tomonidan ham tizimli ishlar amalga oshirilib, iste’molchilarga sifatli va uzluksiz elektr energiyasini yetkazib berish choralari ko’rilmoqda. Tegishli qarorlar asosida belgilab olingan mahallarda modernizatsiya va yangilash ishlari bajarilmoqda.
Xususan, Kogon tumani “O’ba cho’li” mahalla fuqarolar yig’ini hududidagi Qarshilik ko’chasiga qo’shimcha, quvvati 160 kVA bo’lgan transformator punkti o’rnatilib ishga tushurildi. Shuningdek, 13 dona mustahkam temir-beton tayanchlari o’rnatilib, 500 metr uzinlikdagi 10 kVli elektr uzatish tarmog’i tortildi.

“Buxoro HETK” AJ Matbuot xizmati

Avval xabar berganimizdek, 2024 – 2025 yillarda kuz qish mavsumiga tayyorgarlik ko’rish, mavsumda iste’molchilarni barqaror elektr energiyasi bilan ta’minlash maqsadida, yuqori kuchlanishdagi “Gazli 1” va “Gazli 2” 110 kV elektr uzatish tarmoqlarida ta’mirlash, tiklash ishlari davom ettirilmoqda.

“Buxoro HETK” AJ Matbuot xizmati