“Buxoro hududiy elektr tarmoqlari korxonasi” AJ

Aholini barqaror elektr energiyasi bilan ta’minlash maqsadida kuz-qish mavsumiga puxta hozirlik ko‘rilmoqda. Shu doirada hududdagi transformator punktlari to‘liq ko‘rikdan o‘tkazilmoqda.

Ko‘rik jarayonida transformatorlarning texnik holati sinchiklab tekshirilmoqda, nosoz qismlar almashtirilmoqda, izolyatsiya darajasi va xavfsizlik tizimlari qayta ko‘rib chiqilmoqda. Bu esa sovuq kunlarda ham aholiga sifatli va uzluksiz elektr energiyasi yetkazib berilishiga xizmat qiladi.

✅ Asosiy maqsad – iste’molchilarni elektr ta’minotida uzilishlarga yo‘l qo‘ymaslik va qulay sharoit yaratishdir.

Iste’molchilarni barqaror va uzluksiz elektr energiyasi bilan ta’minlash uchun Davlat dasturlari asosida “Buxoro hududiy elektr tarmoqlari korxonasi” AJ tomonidan hududlar kesimida keng ko’lamli modernizatsiya va yangilash ishlari olib borilmoqda. Shu jumladan, viloyatimizning G’ijduvon tumanidagi bir qator massivlarda elektr uzatish tarmoqlari tortilib, yangi transformator punktlari ishga tushurildi. Xuddi shunday tumanning “Zarafshon” MFY Yangirabod qishlog’ida ham qizg’in ish jarayonlari amalga oshirilmoqda. Ayni damda hududga 20 dan ortiq mustahkam temir beton tayanchlari olib kelingan bo’lib, maxsus texnikalar yordamida rostlanmoqda. Shuningdek, elektr ta’minotini yaxshilash uchun 1 dona quvvati 160 kVA bo’lgan transformator punktini qurish va 1000 metr uzinlikdagi elektr uzatish tarmog’ini tortish ishlari rejalashtirilgan.

Kuz – qish mavsumini betalofat o’tkazish, iste’molchilarni uzluksiz va sifatli elektr energiyasi bilan ta’minlash uchun “Buxoro hududiy elektr tarmoqlari korxonasi” AJ tomonidan barcha zaruriy texnik tadbirlar amalga oshirilmoqda. Xususan, yuqori kuchlanishdagi podstansiyalarda joriy va mukammal ta’mirlash ishlari olib borilmoqda. Jumladan, Olot tumanidagi “Olot” 35/6 kV podstansiyasida joriy ta’mirlash ishlari amalga oshirildi. Podstansiyada obodonlashtirish, estetik holatini yaxshilash, elektr qurilmalarni bo‘yoqlash hamda qizishini oldini olish, ulanish nuqtalarini ko’rikdan o’tkazish va mahkamlash, sozlash, podstansiyalardagi kuch transformatorini moy sathini me’yor holatga keltirish ishlari amalga oshirildi.

Avval xabar berganimizdek iste’molchilarni kuz – qish mavsumida barqaror elektr energiyasi bilan ta’minlash uchun belgilangan chora tadbirlar asosida keng ko’lamli ta’mirlash ishlari olib borilmoqda.

Xususan, joylardagi yuqori kuchlanishli podstansiyalar birma – bir ko’rikdan o’tkazilib, aniqlangan kamchiliklar bartaraf qilinmoqda.

Mustahkam temir beton tayanchlari o’rnatilib, qo’shimcha tarmoq qurilmoqda.

Buxoro shahar “G’afur G’ulom” hamda “Fayzulla Xo’jayev” mahalla fuqarolar yig’ini aholisiga elektr energiyasini yanada sifatli va barqaror yetkazib berish maqsadida 3000 metrga yaqin, 6 kV kuchlanishdagi, yangi elektr uzatish tarmog‘i tortilmoqda. “Zarafshon” 35/6 kVli podstansiyadan chiquvchi ushbu tarmoq, aholining kundalik ehtiyojlarini uzluksiz energiya bilan ta’minlashda muhim ahamiyat kasb etadi.

Yangi tarmoqning foydalanishga topshirilishi nafaqat uy xo‘jaliklari, balki ishlab chiqarish korxonalari va ijtimoiy sohalar faoliyati uchun ham katta qulayliklar yaratadi.

Hududlar elektr energiyasi ta’minotini yanada yaxshilash maqsadida joriy yil avvalida belgilab olingan chora – tadbirlar asosida “Buxoro hududiy elektr tarmoqlari korxonasi” AJ tomonidan hududlar kesimida bir qator amaliy ishlar olib borilmoqda. Ayni kunlarda, elektr ta’minoti korxonalarining mutaxassis xodimlari transformator punktlarini mukammal ta’mirlash, fazalar orasidagi yuklamalarni teng taqsimlash ishlarini bajarmoqda.
Ta’kidlash joizki, ta’mirlash ishlarining o’z vaqtida bajarilishi iste’molchilarni mustahkam elektr energiyasi bilan ta’minlashda hamda tarmoqdagi texnologik yo’qotishlarni kamaytirishda o’z samaradorligini ko’rsatadi.

“Buxoro HETK” AJ Matbuot xizmati