BILIM_TAJRIBA_VA_MAHORAT

“Buxoro hududiy elektr tarmoqlari korxonasi” Ajda yosh xodimlar malakasi va kasbiy mahoratini oshirish maqsadida ko’rgazmali o’quv seminari tashkil qilindi. Seminarda 160dan ortiq xodimlar ishtirok etib, o’zining salohiyatini namoyon qildi. Tadbir davomida ish jarayonlarida xavfsizlik texnikasi qoidalariga har qanday holatda ham amal qilish, elektr qurilmalari va tarmoqlarida ta’mirlash ishlarini bajarish oldidan amalga oshirilishi lozim bo’lga tashkiliy tadbirlar, xavfsizlik texnikasi qoidalari, avariyaviy holatlar kuzatilganda harakatlanish ketma ketligi va jabrlangan xodimlarga birinchi yordam ko’rsatish bo’yicha xodimlarning bilim va malakalari baholandi. Tadbir davomida zukko va sohaga oid boy tajribaga ega bo’lgan xodimlar va jamoalar e’tirof etildi hamda korxonaning esdalik sovg’alari bilan taqdirlandi.

“Buxoro HETK” AJ Matbuot xizmati