Day: 10.02.2025
Jarayon/Noqulay ob – havo sharoitida ham belgilangan vazifalar uddalanmoqda.
Avval xabar berganimizdek “Buxoro hududiy elektr tarmoqlari korxonasi” AJ tomonidan elektr uzatish tarmoqlari hamda elektr qurilmalarida belgilangan chora tadbirlar asosida keng ko’lamli ta’mirlash, qurilish va montaj ishlari olib borilmoqda.
Jumladan, “Sanoatchi” 110/10 kV podstansiyasidan chiquvchi Maktab 10 kVli eletr uzatish tarmog’ida mustahkam temir – beton tayanchlarni tiklash ishlari amalga oshirilmoqda. Ayni damda keltirilgan 35 dona tayanchlar elektr ta’minoti korxonasining brigadalari tomonidan maxsus texnikalar yordamida o’rnatilmoqda.
“Buxoro HETK” AJ Matbuot xizmati
Simyog’ochlar yangilanmoqda.
⚡️ “Buxoro hududiy elektr tarmoqlari korxonasi” AJ tomonidan 2025 yilda amalga oshirilishi belgilangan ishlar bo’yicha ishlab chiqilgan chora – tadbir asosida elektr uzatish tarmoqlari va elektr qurilmalarida bosqichma –bosqich ta’mirlash ishlari amalga oshirilmoqda. Shuningdek, rejaga binoan ma’nan eskirgan simyog’ochlar mustahkam temir – beton tayanchlarga almashtirilmoqda.
⚡️ Jumladan, G’ijduvon tumanining “Saidkent” hamda “Xaticha” mahalla fuqarolar yig’inidagi yog’och ustunlarni almashtirish jarayonlari olib borilmoqda. Hududga 120 donaga yaqin temir – beton tayanchlarni olib kelib o’rnatish rejalashtirilgan bo’lib, hozirda 50 dona tayanchlar yetkazilgan. Ayni damda tuman elektr ta’minoti korxonasi xodimlari tomonidan, maxsus texnikalar yordamida, keltirilgan tayanchlar rostlanmoqda.
“Buxoro HETK” AJ Matbuot xizmati