Month: Dekabr 2023

“Buxoro hududiy elektr tarmoqlari korxonasi” AJ 9 dekabr – Xalqaro korrupsiyaga qarshi kurashish kuni munosabati bilan seminar bo’lib o’tdi.
Tadbirda Buxoro viloyat prokuraturasi bo’lim prokurori O’.Ziyodullayev, Buxoro tuman adliya bo’limi boshlig’i A.Bafoyev hamda “Buxoro hududiy elektr tarmoqlari korxonasi” AJ tarkibidagi bo’lim va xizmatgohlarning boshliqlari hamda tuman shahar elektr ta’minoti korxonalarining rahbarlari, bosh muhandislari, boshliq o’rinbosarlari ishtirok etdilar.
Tadbirda korrupsiya taraqqiyot ildiziga bolta uruvchi jirkanch illat bo’lib, unga qarshi kurashish barchamizning sharafli burchimiz ekanligi alohida ta’kidlab o’tildi. Shuningdek, huquq tartibot organlari xodimlari tomonidan bugungi kunda hukumatimiz tomonidan korrupsiyaga qarshi kurashish va uni oldini olishga doir ishlab chiqilgan qaror va farmonlarning mazmun mohiyati batafsil tushintirib berildi.

“Buxoro HETK” AJ matbuot xizmati

O’zbekiston Respublikasi Konstitutsiyasining 31 yilligi munosabati bilan “Buxoro hududiy elektr tarmoqlari korxonasi” Ajda “Konstitutsiya – xalqchil davlat, barqaror taraqqiyot va farovon hayot asosi!” mavzusida seminar tadbirlari bo’lib o’tdi. Shuningdek, Konstitutsiya kuniga bag’ishlab shaxmat, shashka bo’yicha sport musobaqalari tashkil qilindi.

“Buxoro HETK” AJ matbuot xizmati

Jondor tuman elektr ta’minoti korxonasida Favqulodda vaziyatlar boshqarmasi hamda tegishli tashkilotlar bilan hamkorlikda maxsus-taktik o’quv mashqlari o’tkazildi.
O’quv mashg’ulotida Jondor tuman elektr ta’minoti korxonasining favqulodda vaziyatlarda harakatlanish shayligi sinovdan o’tkazildi hamda favqulodda vaziyatlar sodir bo’lganda to’g’ri harakat qilishga va uning oqibatlarini bartaraf etishga tayyor deb baholandi.

“Buxoro HETK” AJ matbuot xizmati

“Buxoro hududiy elektr tarmoqlari korxonasi” Ajda “9-dekabr – Xalqaro korrupsiyaga qarshi kurashish kuni” munosabati bilan e’lon qilingan “Aksilkorrupsiya oyligi” doirasida “Ochiq eshiklar kuni” tashkil etildi.
Mas’ullar tomonidan korrupsiyaga nisbatan murosasiz munosabatni shakllantirish, bu illatga imkon berayotgan omillarni o’z vaqtida aniqlash va unga chek qo‘yish barcha sohalardagi dolzarb vazifa ekanligini bo’yicha jamiyatda faoliyat yuritib kelayotgan xodimlarga batafsil tushuntirishlar berildi.
Tadbirda korrupsiyaga qarshi kurashish va jamiyatda qonun ustuvorligini ta’minlashga barchamiz birdek mas’ul ekanligimiz eslatib o‘tildi.