“Buxoro hududiy elektr tarmoqlari korxonasi” AJ
Assalomu aleykum qadrli yurtdoshlar!
Barchangizni kirib kelayotgan yangi 2024 yil bilan samimiy muborakbod etamiz. Yangi yil xonadoningizga fayzu – baraka, quvonch va shodlik, dasturxoningizga to’kin sochinlik olib kelsin. Yurtimiz tinch, osmonimiz musaffo, umringiz uzun, qalbingiz hamisha butun, chehrangiz porloq bo’lsin. Shirin orzular ro’yobini ko’rish barchamizga nasib etsin.
Mamnuniyat ila,
“Buxoro hududiy elektr tarmoqlari korxonasi” AJ
Buxoro shahar “Muxtor Ashrafiy” mahalla fuqarolar yig’ini Zebiniso ko’chasi aholisining elektr energiyasi ta’minotini yaxshilash maqsadida 0.4 kVli elektr uzatish tarmog’ini yangilash ishlari olib borilmoqda. Buning uchun hududga olib kelingan 10 dona mustahkam temir beton tayanchlar o’rnatilmoqda.
“Buxoro HETK” AJ matbuot xizmati
“Hududiy elektr tarmoqlari” AJ barcha elektr energiyasi iste’molchilarini yaqinlashib kelayotgan Yangi yil bilan tabriklagan holda, bayram munosabati bilan e’lon qilingan qо‘shimcha dam olish kunlari (30 dekabr – 2 yanvar) davomida qarzdorlik tufayli xonadoningizda elektr energiyasi ta’minotida uzilishlar bо‘lishini oldini olish maqsadida foydalanilgan elektr energiyasi uchun mamlakatimizda mavjud tо‘lov tizimlari hamda banklarning mobil ilovalari orqali tо‘lovlarni amalga oshirishlari mumkinligini yana bir bor eslatib о‘tadi.
Shuningdek, elektr energiyasidan foydalanish qoidalariga qat’iy amal qilishni, nosoz va nostandart qurilmalardan foydalanmaslikni hamda yoritish bezaklarini nazoratsiz qoldirmaslikni sо‘rab qolamiz.
Ma’lumot uchun: Respublikamizda elektr energiyasini hisobga olish va nazorat qilishning avtomatlashtirilgan tizimi (ASKUE)ning joriy etilishi munosabati bilan qarzdorlar avtomatik tarzda tarmoqdan ajratiladi.
“Buxoro hududiy elektr tarmoqlari korxonasi” AJda samarali faoliyat yuritib kelayotgan, soha rivoji yo’lida mehnati singgan jamiyat xodimlari tashakkurnoma va esdalik sovg’alar bilan taqdirlandilar.
Yana bir ahamiyatli tomoni shundaki, Mustaqil davlatlar hamdoʻstligiga a’zo davlatlarning elektr energetikasini rivojlanishidagi ulkan xizmatlari uchun maxsus tayyorlangan “MDHda xizmat ko’rsatgan energetik” faxriy unvoni bilan sohada ko’p yillar xizmat qilgan Ruhillo Sharipov taqdirlandi.
Ushbu mukofot egalarini “Buxoro HETK” AJ jamoasi nomidan muborakbod etamiz va yutuqlari bardavom bo’lishini tilab qolamiz.
“Buxoro HETK” AJ Matbuot xizmati.
⚡️ ☎️ “Buxoro hududiy elektr tarmoqlari korxonasi” AJ hamda uning tarkibidagi tuman va shahar elektr ta’minoti korxonalari va elektr ta’minoti korxonalari rahbarlarining telefon raqamlari.
Elektr energiyasi iste’molchilariga yanada qulaylik yaratish maqsadida har bir tuman va shahar elektr ta’minoti korxonalariga qo’shimcha telefon raqamlari ishga tushurildi.
Buxoro viloyatida energetika tarmog‘ida modernizatsiya, kuz-qish mavsumiga tayyorgarlik hamda tejamkorlik va samarradorlik ishlari yuzasidan “Buxoro hududiy elektr tarmoqlari” AJ tomonidan bir qator ishlar amalga oshirildi.
Jarayonlar bilan “O‘zbekiston 24” telekanalining “Maxsus reportaj” tahliliy dasturi xabar beradi.
“Buxoro hududiy elektr tarmoqlari korxonasi” AJ bosh muhandisi Zohir Rustamov jamiyat tomonidan olib borilgan mavsumga tayyorgarlik ishlari hamda sovuq ob-havo sharoitida yuzaga kelayotgan muammolarni tezkor bartaraf etish bo’yicha amalga oshirilayotgan choralar to’g’risida jamoatchilikka axborot berdi.
“Buxoro HETK” AJ matbuot xizmati
Buxoro viloyati hududlarida kuzatilayotgan sovuq ob-havo sharoitiga qaramasdan “Buxoro hududiy elektr tarmoqlari korxonasi” AJ tomonidan 24/7 navbatchilik rejimi asosida ish jarayonlari tashkil qilingan. Izg’irinli kunlarda elektr energiyasiga bo’lgan talabning ortishi natijasida yuqori va past kuchlanishdagi elektr uzatish tarmoqlari hamda texnik qurilmalarda kelib chiqishi mumkin bo’lgan avariyali uzilishlar navbatchi brigada xodimlari tomonidan tezkorlik bilan aniqlanib, bartaraf qilish ishlari olib borilmoqda
“Buxoro HETK” AJ matbuot xizmati
“Buxoro hududiy elektr tarmoqlari korxonasi” AJ xodimlari : Korrupsiyaga qarshi kurashishga barchamiz mas’ulmiz.
Buxoro hududiy elektr tarmoqlari korxonasi” Aj hamda Favqulotda vaziyatlar boshqarmasi bilan hamkorlikda jamiyat tarkibidagi Buxoro shahar elektr ta’minoti korxonasi xodimlarining qish mavsumida sodir bo’lishi mumkin bo’lgan favqulodda vaziyatlarda harakatlanish shayligi baholandi. Tadbirda yer osti elektr uzatish tarmog’ida kelib chiqgan avariyali uzilishlarni tezkorlik bilan aniqlash va bartaraf qilish, elektrsiz qolgan hududni aylanma tarmoqlar orqali elektr energiyasi bilan ta’minlash choralarini ko’rish bo’yicha mashg’ulotlar o’tkazildi.
Yakunda har bir xodim o’z xizmat vazifasini bajarishi chog’ida xavfsizlik texnikasi qoidalari talablariga qat’iyan amal qilishi, ishni xavfsiz bajarishi zarurligi alohida takidlandi.
“Buxoro HETK” AJ matbuot xizmati