Kogon tumanida kuz-qish mavsumiga tayyorgarlik doirasida elektr ta’minoti uzluksizligini ta’minlashga qaratilgan qator chora-tadbirlar bajarildi.

“Obod qishloq” Davlat dasturi asosida “Kogon tuman elektr ta’minoti” korxonasi tomonidan qurilish-montaj ishlari olib borilib, Xo‘ja Yakshaba mahallasida 90 ta temir beton tayanch tiklandi. Ikkita transformator punktining quvvati oshirilib, 250 kilovolt-amper quvvatidagi yangi transformator punktlari o‘rnatildi. 4100 metr uzunlikdagi havo elektr uzatish tarmog‘i yangidan tortildi.

Sorg‘un mahallasi hududida 130 dona mustahkam temir beton tayanchi yangidan qurildi. 5 ta transformator punktida mukammal ta’mirlash ishlari bajarilib, quvvati 100 kilovolt-amper bo‘lgan transformator 250 kilovolt-amper bo‘lgan transformator punktiga almashtirildi. Shuningdek, 5500 metr uzunlikda 0,4 kV kuchlanishdagi havo elektr uzatish tarmog‘i yangilanib, zamonaviy SIP kabellari tortildi.

Batafsil

Tohir ISTATOV (surat),O‘zA

BILIM, TAJRIBA VA SINOV!

XORAZM VILOYATIDA O’TKAZILAYOTGAN “KASB MAHORATI” MUSOBAQASIDA BUXOROLIK ENERGETIKLAR HAM ISHTIROK ETMOQDALAR

“Hududiy elektr tarmoqlari” AJda faoliyat yurituvchi xodimlar o‘rtasida mehnatni muhofaza qilish, ish jarayonida xavfsizlik texnikasi qoidalariga rioya qilish, shuningdek baxtsiz hodisalarning oldini olish maqsadida har yili tashkil etib kelinayotgan “Kasb mahorati” musobaqasida bu yil “Xorazm hududiy elektr tarmoqlari” AJ mezbonlik qilmoqda.

Musobaqada taqsimlovchi tarmoqlar qurilmalarini ta’mirlash bo‘yicha ustalar, dispetcherlar, taqsimlovchi tarmoqlar qurilmalariga xizmat ko‘rsatuvchi elektromontyorlardan tashkil topgan jami 14 ta jamoada 120 nafardan ortiq xodimlar qatnashadi.

Mazkur musobaqada ishtirok etish uchun viloyatimizning “Buxoro HETK” AJ jamoasi ham go’zal va qadimiy Xiva shahriga yetib keldi.

Barcha hamkasblarimiz nomidan jamoamiz a’zolariga omad tilaymiz!

Videolavhani ko’rish

“Buxoro HETK” AJ matbuot xizmati