Hurmatli iste'molchilar!

Hozirda jamoatchilik muhokamasiga qo‘yilgan O‘zbekiston Respublikasi Vazirlar Mahkamasining “Yoqilg‘i-energetika resurslari narxlarini o‘zgartirish to‘g‘risida”gi qarori loyihasi ishchi guruh tomonidan o‘rganilayotganini ma’lum qilamiz.

Mazkur loyiha doirasida fuqarolardan mingdan ortiq murojaat kelib tushgan bo‘lib, ayni paytda Energetika, Moliya, Iqtisodiy taraqqiyot va kambag‘allikni qisqartirish vazirliklari mutaxassislari tomonidan o‘rganilib, tahlil qilinmoqda.

Qabul qilingan takliflar bo‘yicha barcha xulosalar va mutaxassislarning xulosalari taqdim etilgandan so‘ng, ushbu masala bo‘yicha yakuniy va tegishli qaror qabul qilinadi.

Qabul qilingan me’yoriy-huquqiy hujjatlarga ko‘ra, tariflarning o‘zgarishi hukumat qarori qabul qilingan kundan boshlab 15 kundan keyin kuchga kiradi.

Shu munosabat bilan, 2022 yil 1 iyuldan elektr va gaz tariflariga o‘zgartirishlar kiritilmasligini ma’lum qilamiz.

“Obod mahalla” Davlat dasturi

Buxoro shahrining “Fayzulla Xo’jayev” mahalla fuqarolar yig’ini hududida “Obod mahalla” Davlat dasturi asosida hudud aholisining elektr energiyasi ta’minotini yaxshilashga qaratilgan amaliy ishlar olib borilmoqda.
Jarayon tavsilotlari bilan “Sevimli” telekanalining “Zamon” informatsion dasturi orqali tanishishingiz mumkin.

Videorolikni ko’rish

“Buxoro HETK” AJ matbuot xizmati

Yangi tayanchlar o’rnatilmoqda.

Peshku tuman elektr ta’minoti korxonasi xodimlari tomonidan “Obod mahalla” Davlat dasturi hamda og’ir hududlar elektr energiyasi ta’minoti mustahkamligini ta’minlash maqsadida ishlab chiqilgan chora tadbirlar asosida mustahkam temir-beton tayanchlarni o’rnatish ishlari olib borilmoqda.

 

“Buxoro HETK” AJ Matbuot xizmati

Noqonuniy foydalanish holatlari

Kogon tumanida elektr energiyasidan noqonuniy tarzda foydalanib kelayotgan iste’molchilar aniqlandi.

Kogon tuman elektr ta’minoti korxonasi xodimlari tomonidan tumandagi mahalla fuqarolar yig’inlari hududlarida elektr energiyasidan noqonuniy foydalanish holatlarini aniqlash, ularni oldini olish va qarzdorliklarni bartaraf etish bo’yicha reyd tadbirlari o‘tkazilmoqda.

Elektr energiyasidan foydalanish tartib qoidalarini buzgan iste’molchilarga nisbatan qoidabuzarlik dalolatnomalari rasmiylashtirilib, ta’minotdan uzib qo’yilmoqda va yetkazilgan zarar miqdori qayta hisob kitob qilinmoqda.

“Buxoro HETK” AJ matbuot xizmati

Rasmiy munosabat.

Joriy yilning 19 iyun kuni Kun.uz telegram kanali orqali “O’zbekneftigaz”: Elektr tarmoqlarida elektr ta’minotining uzilishi tabiiy gaz qazib chiqarish va qayta ishlash qurilmalari avariyaviy holatda to’xtadi” sarlavhasi ostida e’lon qilingan maqola yuzasidan quyidagilarni ma’lum qilamiz.

2022 yilning 19 iyun kuni tongi soat 06:22 da “Gazli-2” 110 kV havo elektr uzatish tarmog’ida avariyali uzilishlar kuzatilgan. Dispetcherlik xizmati xodimlari tomonidan bir martalik qo’shib ko’rish ishlari olib borilgan va soat 06:43da elektr energiyasi ta’minoti qayta tiklangan. Keyingi bosqichda elektr energiyasi ta’minotidagi uzilish sabablarini aniqlash va kamchiliklarni bartaraf qilish maqsadida dastlabki o’rganish ishlari amalga oshirilgan. Umumiy uzinligi 160 kmdan ortiqni tashkil qiluvchi “Gazli-2” 110 kV elektr uzatish tarmog’ining “Buxoro hududiy elektr tarmoqlari korxonasi” AJ hisobida bo’lgan 117 km masofadagi qismi “Buxoro hududiy elektr tarmoqlari korxonasi” AJ xodimlari tomonidan ko’rikdan o’tkazilib, o’rganib chiqilgan va elektr uzatish tarmog’ining “Buxoro hududiy elektr tarmoqlari korxonasi” AJga tegishli qismida avariyali uzilishlar kelib chiqishiga sabab bo’luvchi kamchiliklar aniqlanmagan. (Qolgan 43 km qismi “Gazli neft va gaz qazib chiqarish boshqarmasi”ga tegishli)

Hozirda “Gazli-2” 110 kV elektr uzatish tarmog’ida kuzatilgan uzilishlar sabablarini aniqlash bo’yicha maxsus ishchi guruh tuzilganligini va ishchi guruh tomonidan navbatdagi o’rganish ishlari olib borilayotganligini ma’lum qilamiz.

Shuningdek, kelgusida bu kabi uzilishlar kuzatilishini oldini olish uchun “Gazli-2” 110 kV elektr uzatish tarmog’ining “Gazli neft va gaz qazib chiqarish boshqarmasi”ga tegishli qismini ham ko’rikdan o’tkazish maqsadga muvofiqligini bildiramiz.

“Buxoro HETK” AJ matbuot xizmati

Hurmatli elektr energiyasi iste’molchilari!

Hurmatli elektr energiyasi iste’molchilari!

“Hududiy elektr tarmoqlari” AJ tomonidan ko‘rsatilayotgan elektron xizmatlar sifatini yanada oshirish hamda iste’molchilarga qo‘shimcha qulayliklar yaratish maqsadida 2022 yil 17 iyun soat 21:00 dan 20 iyun soat 22:00gacha billing tizimida profilaktik ishlar olib borilishini ma’lum qilamiz.

Mazkur vaqt oralig‘ida elektr energiyasi uchun onlayn to‘lovlarni amalga oshirish hamda shaxsiy hisob raqamdagi mavjud ma’lumotlarni olishda texnik uzilishlar bo‘lishi, shu bilan birga iste’molchilarga qulaylik yaratish maqsadida ayni muddatda qarzdor iste’molchilar avtomatik tarzda tarmoqdan ajratilmasligini eslatib o‘tamiz.

Keltirilgan noqulayliklar uchun oldindan uzr sо‘raymiz.

“Hududiy elektr tarmoqlari” AJ Matbuot xizmati

Obod mahalla

“Obod mahalla” Davlat dasturi asosoda yangi tayanchlar o’rnatilmoqda.

Buxoro shahar elektr ta’minoti korxonasi xodimlari tomonidan Buxoro shahrining “Fayzulla Xo’jayev” mahalla fuqarolar yig’ini hududida “Obod mahalla” Davlat dasturiga binoan, elektr energiyasi iste’molchilarining elektr ta’minotini yaxshilash maqsadida hududga olib kelingan yangi temir–beton tayanchlarni o‘rnatish ishlari davom ettirilmoqda.
Bugungi kunga qadar 300 donadan ortiq mustahkam temir-beton tayanchlar o’rnatildi.

“Buxoro HETK” AJ matbuot xizmati

 

Sayyor qabul

Aholi bilan to’g’ridan-to’g’ri muloqot tizimini yanada takomillashtirish, fuqarolar muammolari bilan ishlashni samarali tashkil etish, hududlarda yechimini kutayotgan masalalarni tezkor hal etish maqsadida O’zbekiston Respublikasi Prezidenti mashalatchisi rahbarligida vazirliklar, sektorlar, hududiy tashkilot va idoralar rahbalari ishtirokida Buxoro viloyatining Peshko’, Kogon va Jondor tumanlarida ommaviy sayyor qabullar o’tkazildi.

Sayyor qabullar davomida “Hududiy elektr tarmoqlari” AJ boshqaruv raisining birinchi o‘rinbosari Ro‘ziqul Rayimov Buxoro viloyatning shahar va tumanlaridan kelgan fuqarolarning elektr energiyasi sohasiga doir murojaatlarini qabul qildi. Shuningdek, aholidan tushgan murojaatlarga tezkorlik bilan yechim topish va qisqa muddatda elektr energiyasi ta’minoti bilan bog’liq muammolarni bartaraf qilish bo’yicha chora tadbirlar ishlab chiqildi.

“Buxoro HETK” AJ matbuot xizmati

Hurmatli elektr energiyasi iste’molchilari!

“Hududiy elektr tarmoqlari” AJ tomonidan kо‘rsatilayotgan elektron xizmatlar sifatini yanada oshirish hamda iste’molchilarga qо‘shimcha qulayliklar yaratish maqsadida 2022 yil 1 iyun soat 23:00dan 3 iyun soat 22:00gacha Ma’lumotlarni qayta ishlash markazida profilaktik ishlar olib borilishini ma’lum qilamiz.

Mazkur vaqt oralig‘ida elektr energiyasi uchun onlayn tо‘lovlarni amalga oshirish hamda shaxsiy hisob raqamdagi mavjud ma’lumotlarni olishda texnik uzilishlar bо‘lishi, shu bilan birga iste’molchilarga qulaylik yaratish maqsadida ayni muddatda qarzdor iste’molchilar avtomatik tarzda tarmoqdan ajratilmasligini eslatib о‘tamiz.

Keltirilgan noqulayliklar uchun oldindan uzr sо‘raymiz.

“Hududiy elektr tarmoqlari” AJ Matbuot xizmati