“Buxoro hududiy elektr tarmoqlari korxonasi” AJ

Iste’molchilarni barqaror elektr energiyasi bilan ta’minlash, yoz va kuz-qish mavsumlariga puxta tayyorgarlik ko‘rish, mavjud muammolarni oldindan bartaraf etish maqsadida “Buxoro hududiy elektr tarmoqlari korxonasi” AJ tomonidan amaliy ishlar olib borilmoqda. Elektr qurilmalari va tarmoqlar ko’rikdan o’tkazilib, kelib chiqishi mumkin bo’lgan nuqsonlarning oldini olishga qaratilgan joriy va mukammal ta’mirlash ishlari bajarilmoqda.

👷‍♂️ Joriy yildan jamiyat tomonidan 15 dona yuqori kuchlanishdagi podstansiyalar, 838 ta taransformator punktlari, 3000 km uzunlikdagi elektr uzatish tarmoqlarini mukammal ta’mirlash rejalashtirilgan. Ayni kunlarda elektr qurilmalari belgilangan grafik asosida bosqichma – bosqich ta’mirlanmoqda.

“Buxoro hududiy elektr tarmoqlari korxonasi” AJ tomonidan iste’molchilardan kelib tushayotgan murojaatlarni joyiga chiqib o’rganish, ularga yechim topish, elektr ta’minoti sifati va uzluksizligini ta’minlash borasida amaliy ishlar olib borilmoqda. Jumladan, Jondor tumani “Romish” MFY Romish qishlog’i aholisining elektr energiyasi ta’minotidagi muammolar bo’yicha qilgan murojaati bugun o’zining ijobiy yechini topmoqda.

Ayni kunlarda romishliklarni ishonchli elektr energiyasi bilan ta’minlash uchun 36 dona mustahkam temir beton tayanchlari qurildi. Shuningdek, 1000 metrdan ortiq elektr uzatish tarmog’ini yangilash hamda qo’shimcha ravishda quvvati 160 kVA bo’lgan transformator punktini o’rnatish rejalashtirilgan.

Amalga oshirilayotgan ushbu ishlar natijasida hududdagi 250dan ortiq xonadonni sifatli elektr energiyasi bilan ta’minlash imkoniyati yaratiladi.

Hududlarda elektr ta’minotining barqarorligi va uzluksizligini ta’minlash maqsadida transformator punktlarini mukammal ta’mirlash ishlari amalga oshirilmoqda. Ushbu jarayonda eskirgan va nosoz uskunalar zamonaviy qurilmalarga almashtirilmoqda, texnik holati to‘liq ko‘zdan kechirilib, zarur profilaktik tadbirlar bajarilmoqda.

Joriy yilda Buxoro shahridagi 93 dona transformator punktlarini mukammal ta’mirlash rejalashtirilgan bo’lib, belgilangan grafiklar asosida 20 ga yaqin transformator punktlari to’la ta’mirdan chiqarildi.

Mutaxassislar tomonidan olib borilayotgan ta’mirlash ishlari natijasida elektr tarmoqlarida yuzaga kelishi mumkin bo‘lgan uzilishlarning oldi olinib, iste’molchilarga yetkazib berilayotgan elektr energiyasining sifati yaxshilanmoqda.

“Buxoro hududiy elektr tarmoqlari korxonasi” Ajda xodimlar malakasini oshirishga alohida e’tibor qaratilib, bu borada tizimli va amaliy ishlar olib borilmoqda. Xodimlarning kasbiy ko‘nikmalarini yanada mustahkamlash maqsadida zamonaviy yondashuvlar asosida bilim olishi uchun sharoitlar yaratib berilmoqda.

Jumladan, O’zbekiston Respublikasi Qurilish va uy – joy kommunal xo’jaligi vazirligi huzuridagi Kompetensiyani rivojlantirish institutining shaharsozlik hujjatlarini ishlab chiqish va mualliflik nazoratini olib borish huquqini beruvchi malaka oshirish kurslariga jamiyatning, Loyiha va smeta hujjatlarini ishlab chiqarish bo’limi muhandislari jalb qilindi. Belgilangan o’quv kursini muvaffaqiyatli tamomlab, yakuniy imtihonlarda ijobiy natija ko’rsatgan xodimlar maxsus sertifikatlarga ega bo’ldi.

Mazkur chora-tadbirlar korxonada ish samaradorligi ortishi, xizmat ko‘rsatish sifatini yanada yaxshilashga xizmat qiladi.