Yashil_energiya
Buxoro viloyatida barpo etilayotgan shamol elektr stansiyalaridan fotolavhalar.
Har bir turbina minorasining balandligi 100 metr, shamol parraklarining har biri esa 84 metrni tashkil qiladi.
Barqaror elektr quvvati bilan ta’minlash bo’yicha tizimli ishlar olib borilmoqda.
“Buxoro hududiy elektr tarmoqlari korxonasi” AJ tomonidan kuz – qish mavsumiga puxta tayyorgarlik ko’rish, barcha turdagi elektr energiyasi iste’molchilarini barqaror elektr quvvati bilan ta’minlash bo’yicha tizimli ishlar olib borilmoqda. Xususan, yuqori kuchlanishdagi podstansiyalarning quvvati bir necha barobarga oshirilib, zahira quvvatlari ham yaratilmoqda.
Jarayon tavsilotlari bilan “Buxoro” telekanalining “Maxsus reportaj” informatsion dasturi orqali tanishishingiz mumkin.
“Buxoro HETK” AJ matbuot xizmati
Jamiyat tarkibidagi elektr ta'minot korxonalari
“Buxoro hududiy elektr tarmoqlari korxonasi” AJ qoshidagi tuman (shahar) elektr ta’minot korxonalari
| ETK nomi | Joylashgan hududi | Manzili |
| Olot ETK | Olot tumani | Do’stlik ko’ch., 4 |
| Buxoro ETK | Buxoro tumani | Axmad Donish ko’ch., 18 |
| Vobkent ETK | Vobkent tumani | G’alaba ko’ch., 1 |
| G’ijduvon ETK | G’ijduvon shahri | Galaba ko’ch., 59 |
| Kogon ETK | Kogon shahri | Maxmud Torobiy ko’ch.,77 |
| Qorako’l ETK | Qorako’l tumani | Ulug’bek ko’ch.,96 |
| Qorovulbozor ETK | Qorovulbozor tumani | Cho’lquvar ko’ch.,1 |
| Peshko’ ETK | Peshko’ tumani | Do’stlik ko’ch.,3 |
| Romitan ETK | Romitan tumani | Nurafshon ko’ch.,12 |
| Jondor ETK | Jondor tumani | S.Rajabov ko’ch.,11 |
| Shofirkon ETK | Shofirkon tumani | S.Raximov ko’ch., 10 |
| Buxoro shahar ETK | Buxoro shahri | Sanoatchilar ko’ch.,1/1 |
Tuman (shahar) elektr ta’minot rahbarlari haqida ma’lumot
| ETK nomi | Boshliq ismi, sharifi | Тelefon | |
| kod | nomer | ||
| Olot ETK | Nabiyev G‘anisher Egamberdievich | 34 | 2-30-04 |
| Buxoro ETK | Nabiyev Odil Qosimovich | 54 | 2-54-95 |
| Vobkent ETK | To’rayev Jasur Baxtiyorovich | 33 | 2-14-08 |
| G’ijduvon ETK | Nurulloyev Abdullo Aslonovich | 57 | 2-37-84 |
| Kogon ETK | Jo’rayev Muxammad Ortiqovich | 52 | 4-43-00 |
| Qorako’l ETK | Hamroyev Alisher Shonazarovich | 56 | 5-23-62 |
| Qorovulbozor ETK | Aslonov Bo’ston Rustamovich | 36 | 4-41-03 |
| Peshko’ ETK | Aminov Jaxongir Avaz o’gli | 35 | 3-28-68 |
| Romitan ETK | Abdullayev To’shpo’lot Mustafo o’g’li | 55 | 2-17-88 |
| Jondor ETK | Usmonov Oybek Rashidovich | 58 | 2-18-85 |
| Shofirkon ETK | Yo’ldoshev Shahobjon Shavkatovich | 50 | 2-21-54 |
| Buxoro shahar ETK | Ro‘ziyev Baxtiyor Jo‘raqulovich | 22 | 5-37-90 |
Favqulodda vaziyatlarning oldini olish holatlari yuzasidan Qo‘mondonlik-shtab o‘quv mashqlari bo’lib o’tdi.
Buxoro shahrida 2024-2025-yil kuz-qish mavsumiga tayyorgarlik ko‘rish hamda betalafot o‘tkazish, energetika tizimini barqaror ishlashini ta’minlash, aholi va iqtisodiyot tarmoqlariga barqaror elektr energiyasini yetkazib berishda sodir bo‘lishi mumkin bo‘lgan favqulodda vaziyatlarning oldini olish holatlari yuzasidan Qo‘mondonlik-shtab o‘quv mashqlari bo’lib o’tdi.
Tadbir davomida Buxoro viloyatida mexanizatsiyalashgan yig‘ma otryadi va doimiy tayyorgarlikdagi xizmatlarning saf ko‘rigi, inshootda sodir bo‘lgan nosozlikni bartaraf etish jarayonini tiklash kabi tadbirlar bo‘lib o‘tdi.
Bu haqda “O‘zbekiston 24” telekanalida efirga uzatilgan reportajda batafsil tanishishingiz mumkin.
Hurmatli elektr energiyasi iste’molchilari!
“Hududiy elektr tarmoqlari” AJ barcha elektr energiyasi iste’molchilarini yaqinlashib kelayotgan О‘zbekiston Respublikasi Mustaqilligining 33 yilligi bilan tabriklagan holda, bayram munosabati bilan e’lon qilingan qо‘shimcha dam olish kunlari (31-avgust 3-sentabr) davomida qarzdorlik tufayli xonadoningizda elektr energiyasi ta’minotida uzilishlar bо‘lishini oldini olish maqsadida foydalanilgan elektr energiyasi uchun mamlakatimizda mavjud tо‘lov tizimlari (Click, Payme, Paynet) hamda banklarning mobil ilovalari orqali tо‘lovlarni amalga oshirishlari mumkinligini yana bir bor eslatib о‘tadi.
Ma’lumot uchun: respublikamizda elektr energiyasini hisobga olish va nazorat qilishning avtomatlashtirilgan tizimi (ASKUE)ning joriy etilishi munosabati bilan qarzdorlar avtomatik tarzda tarmoqdan ajratiladi.
“Hududiy elektr tarmoqlari” AJ Matbuot xizmati
Mavsumga_tayyorgarlik
“Buxoro hududiy elektr tarmoqlari korxonasi” AJ tomonidan kuz – qish mavsumiga puxta tayyorgarlik ko’rish, barcha turdagi elektr energiyasi iste’molchilarini barqaror elektr quvvati bilan ta’minlash bo’yicha tizimli ishlar olib borilmoqda. Xususan yuqori kuchlanishdagi podstansiyalarning holati doimiy ravishda o’rganilib, aniqlangan kamchiliklar bartaraf qilinmoqda. Jumladan, “Do’stlik” 35/6 kV podstansiyasida joriy ta’mirlash ishlari amalga oshirildi. Podstansiyada obodonlashtirish, elektr qurilmalari va yopiq taqsimlash uskunalarini ta’mirlash, estetik holatini yaxshilash, elektr qurilmalarni bo‘yoqlash hamda qizishini oldini olish, ulanish nuqtalarini ko’rikdan o’tkazish va mahkamlash, podstansiyadagi kuch transformatorini moy sathini me’yor holatga keltirish ishlari bajarildi.
“Buxoro HETK” AJ Matbuot xizmati
Nurchilar hasharda.
Yurtimiz bo’ylab 24-25-avgust kunlari o’tkazilayotgan “Mahalla obod — yurt obod” shiori ostidagi umumxalq xayriya hasharida “Buxoro hududiy elektr tarmoqlari korxonasi” AJ jamoasi hamda uning tarkibidagi barcha bo’lim va xizmatgohlar, tuman, shahar elektr ta’minoti korxonalari xodimlari ham faol ishtirok etmoqdalar.
Hasharda katta-yu kichik birlashib, bino-inshootlar atroflarini obodonlashtirish, oqlash va daraxtlarga shakl berish ishlarini hamjihatlikda olib bormoqdalar.
“Buxoro HETK” AJ matbuot xizmati
Yuqori kuchlanishdagi elektr taqmog’i qurilmoqda.
Sir emaski Buxoro viloyati o’zining ulkan turizim salohiyatiga ega bo’lgan ko’hna va navqiron manzillardan biri bo’lib hisoblanadi. Shuning uchun bu qadimiy zaminga har yili ko’plab mahalliy va xorijiy sayyohlar qadam ranjida qilib, uning tarixiy ulug’vorligidan quvonchga to’lishadi. Albatta tarixiy yodgorliklarga boqib, ulardan zavq oluvchi sayyohlar viloyatdagi xizmat ko’rsatish sifatiga ham alohida e’tibor qaratishlari tabiiy. Shu munosabat bilan Buxoroda ko’plab zamonaviy xizmat ko’rsatish uylari hamda hashamatli mehmonxonalar qad ko’tarmoqda. Anashunday bunyodkorlik maskanlarini uzluksiz va barqaror elektr energiyasi bilan ta’minlash maqsadida “Buxoro hududiy elektr tarmoqlari korxonasi” AJ tomonidan bir qator chora-tadbirlar amalga oshirilmoqda. Jumladan, Buxoro shahrining “Abduxoliq G’ijduvoniy” ko’chasida qurilgan mehmonxonalar elektr energiyasi ta’minoti uchun 35 kV kuchlanishdagi yer osti kabel tarmog’ini yotqizish ishlari amalga oshirilmoqda. Buning uchun korxonaning 100ga yaqin ishchi xodimlari va maxsus texnikalar jalb qilingan. Hozirda 3500 metr uzinlikdagi tarmoqni qurish ishlari olib borilmoqda.
“Buxoro HETK” AJ Matbuot xizmati
Qo‘mondonlik-shtab o‘quv mashg‘ulotlari yakunlandi
21-22 avgust kunlari Buxoroda “Boshqaruv organlari, FVDT hududiy quyi tizimlarining aholi va hududlarni favqulodda vaziyatlardan muhofaza qilish bo‘yicha harakatlari” mavzusida qo‘mondonlik-shtab o‘quv mashg‘ulotlari o‘tkazildi.
Bugun viloyat hokimligida boshqaruv organlari va FVDT xizmatlari ishtirokida qo‘mondonlik-shtab o‘quv mashqi yakunlari bo‘yicha hisobot yig‘ilishi o‘tkazildi.
Unda O‘zbekiston Respublikasi Favqulodda vaziyatlar vaziri A.Qo‘ldoshev, viloyat hokimi-fuqaro muhofazasi boshlig‘i B.Zaripov, sektor rahbarlari qatnashdilar.
Tanqidiy ruhda o‘tgan yig‘ilishda qo‘mondonlik-shtab o‘quv mashqi yakunlari yuzasidan O‘zbekiston Respublikasi Favqulodda vaziyatlar vaziri A.Qo‘ldoshevning ma’ruzasi tinglandi.
Qayd etilganidek, o‘tgan 2023 yilning 10-11 avgust kunlari Prezidentimizning Buxoro viloyatiga tashrifi doirasida qo‘mondonlik-shtab o‘quv mashqlarni o‘tkazish yuzasidan berilgan topshiriqlarga asosan, birinchi bor Buxoro viloyati hududida joylashgan energetika, kommunal, ijtimoiy soha ob’ektlarining kuz-qish mavsumida barqaror ishlashini ta’minlash, aholi va iqtisodiyot tarmoqlariga energiya resurslarini uzluksiz yetkazib berishda sodir bo‘lishi mumkin bo‘lgan favqulodda vaziyat va yirik avariyalarni oldini olish hamda bunday vaziyatlarda kam talofatlar bilan bartaraf etishda hamkor tashkilotlarning harakatlari o‘rganilib, baholandi. Bu tajriba respublikaning barcha hududlariga joriy etildi.
21-22 kunlari viloyatning elektr ta’minoti yo‘nalishidagi – elektr energiyasini ishlab chiqarish (quyosh va shamol elektr stansiyalari) va uzatish (milliy elektr tarmoqlari), iste’molchiga tarqatish (hududiy elektr tarmoqlari), gaz ta’minoti yo‘nalishida – gazni qazib olish, uni qayta ishlash, va iste’molchilarga tarqatish (hududgazta’minoti), issiqlik ta’minoti yo‘nalishida – ishlab chiqarish (issiqlik markazlari), issiqlikni yetkazish va tarqatish (uy-joy mulkdorlar shirkati), ichimlik suvi ta’minoti yo‘nalishida – ishlab chiqarish (tozalash inshootlari), ichimlik suvini yetkazish va tarqatish (suv ta’minoti xizmati), ko‘mir ta’minoti yo‘nalishida – yetkazish, saqlash (omborxonalar), tarqatish (omborlar, mahallalar) ob’ektlarida Qo‘mondonlik – shtab o‘quv mashqlari o‘tkazildi.
O‘tkazilgan Qo‘mondonlik-shtab o‘quv mashqining yakunlari bo‘yicha FVDT, ularning mas’ul xodimlari o‘z xizmat vazifalarini bilishlari, uni rasmiylashtirilganligi va taqsimlashtirilganligi o‘rganib chiqilishi lozimligi, ko‘p qavatli uylar, kvartiralariga uyma-uy yurib fuqarolarning gaz, elektr asbob-anjomlarini taftishdash o‘tkazish, nosozlarini qizil ro‘yxatga kiritib, hal etish choralarini ko‘rish zarurligi ta’kidlandi.
Yig‘ilishda qo‘mondonlik-shtab o‘quv mashg‘ulotlari davomida o‘tkazilgan amaliy tadbirlar hamda maxsus-taktik o‘quv mashqlarida yo‘l qo‘yilgan kamchiliklarni bartaraf etish yuzasidan vazifalar belgilandi.
Viloyat hokimligi matbuot xizmati
BUXORODA QO‘MONDONLIK-SHTAB O‘QUV MASHQLARI О‘TKAZILMOQDA
Buxoro viloyatida 2024-2025-yil kuz-qish mavsumiga tayyorgarlik ko‘rish hamda betalafot o‘tkazish, energetika tizimini barqaror ishlashini ta’minlash, aholi va iqtisodiyot tarmoqlariga barqaror elektr energiyasini yetkazib berishda sodir bo‘lishi mumkin bo‘lgan favqulodda vaziyatlarning oldini olish holatlari yuzasidan Qo‘mondonlik-shtab o‘quv mashqlari bo’lib o’tmoqda.
Qo‘mondonlik-shtabi o’quv mashqlari davomida Vobkent tumanidagi “Kulolchi” 110/10 sodir bo’lgan favqulodda uzilishlarni bartaraf qilish va Buxoro shahridagi 63-sonli transformator punktiga kiruvchi kabel tarmog’ida sodir bo’lgan nosozliklarni tezkorlik bilan ta’mirlab elektr ta’minotidan uzilgan iste’molchilarni elektr energiyasi bilan ta’minlash choralarini ko’rish bo’yicha o‘quv mashqlar olib borildi.
Shuningdek, Qo‘mondonlik-shtabi tomonmidan “Buxoro hududiy elektr tarmoqlari korxonasi” AJdagi zahira materiallari o’rganildi.
“Buxoro HETK” AJ Matbuot xizmati