Tadbirlar

Aziz yurtdoshlar, qadrli kasbdoshlar, barchangizni muborak Ramazon Hayiti va g’ozal Navro’z ayyomi bilan chin qalbdan samimiy muborakbod etamiz. Mana shunday qutlug’ kunlarda Siz azizlarga! kuch -quvvat, sog’lik – salomatlik, uzoq umr, yaqinlaringiz bilan baxtli, tinch va fayzli hayot, orzu – istaklaringiz ro’yobini tilaymiz!

Har bir kuningiz quvonchga, har bir duoyingiz ijobatga aylansin. Ayyomingiz muborak bo‘lsin!

Ezgu tilaklar bilan 💫

«Buxoro hududiy elektr tarmoqlari korxonasi» AJ

Aholining elektr energiyasi taʼminotiga boʻlgan talabini qondirish, joylarda elektr tarmoqlari xizmatini rivojlantirish, zarur infratuzilma tarmogʻini shay qilish maqsadida “Buxoro hududiy elektr tarmoqlari korxonasi” AJ moddiy-texnik imkoniyatlari oshirib borilmoqda

✅ Batafsil

Yurtimiz uzra o‘tkazilayotgan umumxalq hasharlari mahalla va maskanlar obodligiga hissa qo‘shmoqda va xalqimizni hamjihatlikka chorlab, mehr-oqibatni ham mustahkamlamoqda.

Ayni paytda “Buxoro hududiy elektr tarmoqlari korxonasi” AJ hamda uning tarbidagi barcha elektr ta’minoti korxonalarining xodimlari ham ezgu tashabbusga munosib hissa qo’shmoqdalar. Korxonalarda erta tongdan “Yurt obodligi, avvalo, mahalladan boshlanadi!” shiori ostida hashar tadbirlari tashkil etildi. Hasharda binolar va ular atroflarini obodonlashtirish, daraxt va butalarga shakl berish, ularni tartibga keltirish, gul ko’chatlarini otqazish ishlari olib borilmoqda.

Bunday tadbirlar faqatgina mehnat emas, balki mehr-oqibat va birdamlik bayramidir. Hashar odamlarni birlashtirib, qalblarga iliqlik, jamiyatga fayz olib kiradi.

“Buxoro hududiy elektr tarmoqlari korxonasi” Ajda elektr qurilmalarining texnik sozligini oshirish, ularning ishonchli ishlashini ta’minlash hamda energiya yo‘qotishlarini kamaytirish maqsadida amaliy seminar tashkil etildi.
Seminar davomida elektr tarmoqlari va qurilmalarining samarali ishlashini ta’minlash, energiya resurslaridan oqilona foydalanish, elektr energiyasini yetkazib berish jarayonlarida yuzaga kelishi mumkin bo‘lgan texnik nosozliklarning oldini olish masalalariga alohida e’tibor qaratildi.
Shuningdek, seminarda elektr xavfsizligi qoidalariga rioya qilish, avariya holatlarini tezkor bartaraf etish, muammoli vaziyatlarni tahlil qilish va ularni samarali hal etish usullari bo’yicha tushuntirishlar berildi.

Sizlarni 8-mart — Xalqaro xotin-qizlar kuni munosabati bilan “Buxoro hududiy elektr tarmoqlari korxonasi”AJ nomidan chin qalbimizdan samimiy tabriklaymiz.

Ayollar jamiyatimizning mehr-oqibat, go‘zallik va ezgulik timsolidir. Sizlarning fidokorona mehnatingiz, sabr-toqatingiz, donoligingiz va hayotga bo‘lgan mehringiz jamiyatimiz taraqqiyoti hamda farovon kelajagimiz uchun muhim ahamiyat kasb etadi.

Shu munosabat bilan sizlarga mustahkam sog‘lik, oilaviy baxt-saodat, xonadonlaringizga fayzu baraka, ish va hayotingizda ulkan yutuqlar tilaymiz.

Bugun, “Buxoro hududiy elektr tarmoqlari korxonasi”AJda 8-mart – Xalqaro xotin-qizlar kuni munosabati bilan ayol xodimlarni e’zozlash va ularga hurmat ko‘rsatish maqsadida bayram tadbiri tashkil etildi. Tadbirda jamiyat rahbariyati tomonidan korxonada samarali mehnat qilib kelayotgan xotin-qizlar samimiy tabriklandi.

💐💐💐 Bayram munosabati bilan ularga iliq tilaklar bildirilib, fidokorona mehnati, shijoati, jamoa rivojiga qo‘shayotgan hissasi alohida e’tirof etildi hamda ayol xodimlarga bayram sovg‘alari topshirildi.

Zamonaviy axborot texnologiyalari jadal rivojlanayotgan bir davrda kiberxavfsizlikni ta’minlash har qachongidan ham dolzarb ahamiyat kasb etmoqda. Shu munosabat bilan «Buxoro HETK» AJda «Kiberxavfsizlik markazi» DUK yetakchi mutaxassisi ishtirokida “Kiberjinoyatlarga qarshi kurashish faoliyatini samarali tashkil etish” mavzusida o‘quv seminari tashkil etildi.

Seminarda kiberjinoyatlarning zamonaviy turlari, ularni aniqlash va oldini olish mexanizmlari hamda xalqaro tajriba haqida ma’lumotlar berildi.

💻 Tadbir davomida kiberhujumlarning eng ko‘p uchraydigan turlari tahlil qilinib, amaliy misollar asosida xavfsizlik choralarini kuchaytirish yo‘llari tushuntirildi.
Interaktiv ruhda tashkillashtirilgan seminar qatnashchilarga nafaqat nazariy bilim, balki amaliy ko‘nikmalarni ham mustahkamlash imkonini berdi.

“Buxoro hududiy elektr tarmoqlari korxonasi” AJda Boshlang’ich kasaba uyushmasi aʼzolari ishtirokida mehnat jamoasining konferensiyasi tashkil etildi.

Konferensiyada, jamoa shartnomasining 2025-yildagi ijrosi tahlil qilindi. Unda mehnat jamoasi manfaatlarini himoya qilish, xodimlar uchun munosib mehnat sharoitlarini yaratish, ijtimoiy himoya kafolatlarini kuchaytirish va yosh mutaxassislarni qoʻllab-quvvatlash borasida amalga oshirilgan ishlar sarhisob qilindi.

✅ Batafsil