Sifatli va uzluksiz elektr ta’minoti
Energetika yangiliklari
Elektr energiyasi iste’molchilari diqqatiga!
“Hududiy elektr tarmoqlari” AJ barcha elektr energiyasi iste’molchilarini yaqinlashib kelayotgan O‘zbekiston Respublikasi davlat mustaqilligining o‘ttiz bir yillik bayrami bilan tabriklagan holda, bayram munosabati bilan e’lon qilingan qo‘shimcha dam olish kunlari (1-4 sentyabr) davomida qarzdorlik tufayli xonadoningizda elektr energiyasi ta’minotida uzilishlar bo‘lishini oldini olish maqsadida foydalanilgan elektr energiyasi uchun mamlakatimizda mavjud to‘lov tizimlari (U-Pay, Click, Payme, Paynet) hamda banklarning mobil ilovalari orqali to‘lovlarni amalga oshirishlari mumkinligini yana bir bor eslatib o‘tadi.
Ma’lumot o‘rnida: Respublikamizda elektr energiyasini hisobga olish va nazorat qilishning avtomatlashtirilgan tizimi (ASKUE)ning joriy etilishi munosabati bilan qarzdorlar avtomatik tarzda tarmoqdan ajratiladi.
“Hududiy elektr tarmoqlari” AJ Matbuot xizmati
Nurobod obod manzilga aylanmoqda.
Bugun yurtimizda har bir hududni obod manzilga aylantirish, u yerda istiqomat qiluvchi aholiga yanada qulay yashash sharoitlarini qaror toptirish uchun manzilli dasturlar shakllantirilib, bunyodkorlik ishlari olib borilmoqda. Albatta hududlar obodligini ta’minlanishi barobarida elektr energiyasi ta’minotini yanada yaxshilash ishlariga “Buxoro hududiy elektr tarmoqlari korxonasi ” AJ tomonidan alohida e’tibor qaratilmoqda. Jumladan, jamiyat tarkibidagi Qorovulbozor tuman elektr ta’minoti korxonasi xodimlari tomonidan tumanning “Tinchlik” MFY Nurobor ko’chasida qurilish va montaj ishlari olib borildi. Belgilangan chora-tadbirlar asosida hududga 13 dona mustahkam temir-beton tayanchlari o’rnatilib, zamonaviy SIP kabellari tortildi.
Ta’kidlash joizki, amalga oshirilayotgan bu kabi ishlar iste’molchilarga uzluksiz va sifatli elektr energiyasini yetkazib berishga xizmat qiladi.
“Buxoro HETK” AJ matbuot xizmati
Kuz-qish mavsumiga puxta tayyorgarlik ko’rish maqsadida tarmoqlarda mukammal ta’mirlash ishlari olib borilmoqda.
«Buxoro hududiy elektr tarmoqlari korxonasi» AJ tomonidan hududlarda yuklama bilan ishlab turgan 7 dona yuqori kuchlanishdagi podstansiyalarda quvvat oshirilib, qo’shimcha kuch transformatorlari o’rnatildi. Shuningdek, kuz-qish mavsumiga puxta tayyorgarlik ko’rish maqsadida tarmoqlarda mukammal ta’mirlash ishlari olib borilmoqda.
Jarayon tavsilotlari bilan “Istiqlol» telekanalining «Hudud yangiliklari” informatsion dasturi orqali tanishishingiz mumkin.
Batafsil 👉 @buxenergo
“Buxoro HETK” AJ matbuot xizmati
BUXORODA ELEKTR ENERGIYASI TA’MINOTI: KUZ-QISH MAVSUMIGA TAYYORGARLIK
Кuz-qish mavsumiga tayyorgarlik ko‘rish, mavsumni betalafot o‘tkazish maqsadida past kuchlanishdagi elektr uzatish tarmoqlari va transformator punktlarida mukammal ta’mirlash ishlari amalga oshirilmoqda. Tarmoqlar navbatdan tashqari ko’rikdan o’tkazilib, aniqlangan kamchiliklar bartaraf qilinmoqda.
Batafsil 👉 kun.uz
“Buxoro HETK” AJ matbuot xizmati
Yuqori kuchlanishdagi nimstansiyalarda quvvat oshirilib, qo’shimcha kuch transformatorlari o’rnatilmoqda.
“Buxoro hududiy elektr tarmoqlari korxonasi” AJ tomonidan hududlarda yuklama bilan ishlab turgan yuqori kuchlanishdagi nimstansiyalarda modernizatsiya va yangilash ishlari olib borilmoqda. Belgilangan chora tadbirlar asosida 4 dona nimstansiyalarda quvvat oshirilib, 3 dona nimstansiyada qo’shimcha kuch transformatorlari montaj qilindi va ishga tushirildi.
Jamiyat tomonidan amalga oshirilayotgan bu kabi ishlar aholi hamda tadbirkorlarga yanada sifatli elektr energiyasini yetkazib berish uchun xizmat qiladi.
“Buxoro HETK” AJ matbuot xizmati
Past kuchlanishdagi elektr uzatish tarmog’i yangilanmoqda
Buxoro shahar elektr ta’minoti korxonasi xodimlari tomonidan Buxoro shahrining “Abdurauf Fitrat” mahalla fuqarolar yig’ini hududida mustahkam-temir beton tayanchlari o’rnatilib, himoyalangan SIP kabellari tortilmoqda. Hozirga qadar hududda 150ga yaqin tayanchlar tiklandi. Shuningdek, mahallada 8000 metr uzinlikdagi elektr tarmog’ini yangilash ko’zda tutilgan bo’lib, ayni damda kabel tortish ishlari bajarilmoqda.
“Buxoro HETK” AJ matbuot xizmati
Joylardagi nimstansiyalarda joriy va mukammal ta’mirlash ishlari olib borilmoqda.
«Buxoro hududiy elektr tarmoqlari korxonasi» AJ Nimstansiyalar xizmatgohi xodimlari tomonidan belgilangan yillik reja-grafigi asosida joylardagi nimstansiyalarda joriy va mukammal ta’mirlash ishlari olib borilmoqda. Elektr qurilmalarida aniqlangan kamchiliklar bartaraf qilinib, me’yoriy ishlash holati ta’minlanmoqda. Shuningdek, mutaxassis xodimlar tomonidan sinov va sozlash, rele himoyasi hamda avtomatikasini tekshirish ishlari amalga oshirilmoqda.
Ta’kidlash joizki, joriy ta’mirlash ishlarining o’z vaqtida olib borilishi elektr qurilmalari mustahkamligining oshishi, kelib chiqishi mumkin bo’lgan avariyali o’chishlarning oldini olinishiga xizmat qiladi.
“Buxoro HETK” AJ matbuot xizmati
“Obod mahalla” Davlat dasturi asosida yangi tayanchlar o’rnatilmoqda.
Buxoro shahar elektr ta’minoti korxonasi xodimlari tomonidan Buxoro shahrining “Fayzulla Xo’jayev” mahalla fuqarolar yig’ini hududida “Obod mahalla” Davlat dasturiga binoan, elektr energiyasi iste’molchilariga sifatli va uzluksiz elektr quvvatini yetkazib berish maqsadida modernizatsiya va yangilash ishlari davom ettirilmoqda. Mahallada bugungi kunga qadar loyiha asosida 400 donadan ortiq mustahkam temir-beton tayanchlar o’rnatildi.
“Buxoro HETK” AJ matbuot xizmati
Yuqori kuchlanishdagi havo elektr uzatish tarmoqlari ko’rikdan o’tkazilib, aniqlangan kamchiliklar bartaraf etilmoqda
“Buxoro hududiy elektr tarmoqlari korxonasi” AJ tarkibidagi Linyalar xizmatgohi xodimlari tomonidan belgilangan yillik reja jadvali bo’yicha 110 hamda 35 kV kuchlanishdagi havo elektr uzatish tarmoqlarida joriy va mukammal ta’mirlash ishlari olib borilmoqda. Shuningdek, iste’molchilarga uzluksiz elektr energiyasini yetkazib berish maqsadida tarmoqlar navbatdan tashqari ko’rikdan o’tkazilmoqda va aniqlangan nosozliklar bartaraf etilmoqda.
“Buxoro HETK” AJ Matbuot xizmati