Havo elektr uzatish tarmoqlari yangilanib, qo’shimcha transformator punktlari o’rnatilmoqda.
Energetika yangiliklari
Elektr uzatish tarmoqlari yangilanmoqda.
Kogon tuman elektr ta’minoti korxonasi xodimlari tomonidan Kogon shahar “Buxoroi sharif” MFY Elobod ko’chasi aholi iste’molchilari hamda ijtimoiy soha obe’ktlari elektr energiyasi ta’minotini yaxshilash uchun qurilish va montaj ishlari olib borilmoqda. Modernizatsiya va yangilash ishlari doirasida Elobod ko’chasiga 41 dona mustahkam temir beton tayanchlari o’rnatilib, 2800 metr uzinlikdagi zamonaviy SIP kabellari tortilmoqda.
Shuningdek, hududdagi elektr energiyasi iste’molchilariga elektr energiyasini yanada sifatli qilib yetkazib berish maqsadida bir dona 250 kVAli transformator punktini o’rnatish rejalashtirilgan.
“Buxoro HETK” AJ matbuot xizmati
Hurmatli elektr energiyasi iste’molchilari!
“Hududiy elektr tarmoqlari” AJ tomonidan kо‘rsatilayotgan elektron xizmatlar sifatini yanada oshirish hamda iste’molchilarga qо‘shimcha qulayliklar yaratish maqsadida 2022 yil 1 aprel soat 23:00dan 3 aprel soat 22:00gacha Ma’lumotlarni qayta ishlash markazida profilaktik ishlar olib borilishini ma’lum qilamiz.
Mazkur vaqt oralig‘ida elektr energiyasi uchun onlayn tо‘lovlarni amalga oshirish hamda shaxsiy hisob raqamdagi mavjud ma’lumotlarni olishda texnik uzilishlar bо‘lishi, shu bilan birga iste’molchilarga qulaylik yaratish maqsadida ayni muddatda qarzdor iste’molchilar avtomatik tarzda tarmoqdan ajratilmasligini eslatib о‘tamiz.
Keltirilgan noqulayliklar uchun oldindan uzr sо‘raymiz.
“Hududiy elektr tarmoqlari” AJ Matbuot xizmati
Kam quvvat sarflashi, xavfsizligi va shu kabilar haqida…
Kam quvvat sarflashi, xavfsizligi va shu kabilar haqida…
Bitta cho’g’lanma lampani zamonaviy LED lampaga almashtirish orqali oyiga 22,4 kVt•s, yiliga esa 271,5 kVt•s energiya tejalishini bilasizmi?
O’zbekistonda amaldagi 295 so’mlik tarif bo’yicha tejamkorlik oyiga 6608 so’mni (yoki yiliga 79 296 so’m) tashkil etadi.
Eslatib o’tamiz, 2015 yildan O’zbekiston hududiga quvvati 40 Vtdan ortiq bo’lgan cho’g’lanma lampalarini olib kirish, 2016 yilning 1 iyulidan esa bunday lampalarni ishlab chiqarish, hamda 2017 yil 1 yanvardan ularni sotish taqiqlangan edi (https://t.me/minenergy_uz/4637).
Infografikamizda LED lampalar nima sababdan tez ommalashib borayotganini ko’rsatib o’tamiz
Buxoroda 23 mingdan ziyod temir-beton tayanchlar ishlab chiqariladi.
Ishlab chiqarishni mahalliylashtirish orqali mehnat samaradorligini oshirish, moliyaviy barqarorlikka erishish har bir korxona uchun ustuvor vazifa sanaladi. “Buxoro hududiy elektr tarmoqlari korxonasi” aksiyadorlik jamiyatida shu vazifa ijrosi yoʻlida salmoqli ishlar amalga oshirilyapti.
Batafsil (https://xs.uz/uz/post/bukhoroda-23-mingdan-ziyod-temir-beton-tayanchlar-ishlab-chiqariladi)👉👉👉Халқ сўзи
“Buxoro HETK” AJ matbuot xizmati
Quvvati 63000 kVA bo’lgan navbatdagi kuch transformatori Buxoroga olib kelindi.
Buxoro shahar aholisi, ijtimoiy soha ob’ektlari hamda tadbirkorlarni barqaror elektr energiyasi bilan ta’minlash, shu bilan bir qatorda aholi sonining ko’payishi, ishlab chiqarish salohiyatlarining kengayishini inobatga olgan holda zahira quvvatini yaratish maqsadida “Buxoro hududiy elektr tarmoqlari korxonasi” AJ tomonidan 63 000 kVA bo’lgan navbatdagi kuch transformatori olib kelindi. Mazkur quvvatdagi kuch transformatorni Buxoro shahrining katta qismini elektr energiyasi bilan ta’minlovchi “Markaziy” 110/35/6 podstansiyasiga o’rnatish ishlari olib borilmoqda. Modernizatsiya va yangilash ishlari doirasida “Markaziy” 110/35/6 podstansiyadagi 25 000 kVA bo’lgan kuch transformatori, olib kelingan 63 000 kVAli trasformatorga almashtirilmoqda.
Hozirda “Buxoro hududiy elektr tarmoqlari korxonasi” AJ Podstansiyalar xizmatgohi xodimlari tomonidan montaj ishlari amalga oshirilmoqda.
“Buxoro HETK” AJ matbuot xizmati
Ijtimoiy, tijorat va ma’muriy-maishiy bino va inshootlarning energiya samaradorligini oshirish Milliy dasturi ishlab chiqiladi
Taraqqiyot strategiyasi:
Ijtimoiy, tijorat va ma’muriy-maishiy bino va inshootlarning energiya samaradorligini oshirish Milliy dasturi ishlab chiqiladi
Yangi O’zbekistonning 2022–2026 yillarga mo’ljallangan Taraqqiyot strategiyasiga asosan, 2022 yil aprel oyiga qadar uy-joy-kommunal xo’jaligi, ijtimoiy soha obyektlari va boshqa sohalarda qayta tiklanuvchi energiya manbalarini keng joriy etish va energiya samaradorligini oshirish yuzasidan Prezident qarori loyihasi ishlab chiqiladi.
Unga ko’ra, Energetika vazirligi Jahon banki ekspertlari va maslahatchilari hamda tegishli vazirlik va idoralar bilan hamkorlikda “Ijtimoiy, tijorat va ma’muriy-maishiy bino va inshootlarning energiya samaradorligini oshirish” Milliy dasturi ishlab chiqiladi.
Bunda:
▪️“Yangi O’zbekiston massivlari” davlat dasturlari doirasida quriladigan uy-joy, ijtimoiy va tijorat obyektlarini qurishda qayta tiklanuvchi energiya manbalaridan elektr va issiqlik energiyasini ishlab chiqaruvchi qurilmalardan keng foydalaniladi.
▪️Xususiy sektor, ijtimoiy soha va mahalliy boshqaruv organlari obyektlarida qayta tiklanuvchi energiya manbalarini joriy etish bo’yicha namunaviy loyihalar ishlab chiqiladi.
▪️Ijtimoiy soha obyektlari va boshqa byudjet tashkilotlarining rahbarlari va mas’ul xodimlariga qayta tiklanuvchi energiya manbalarini joriy etishini rag’batlantirish choralari qo’llaniladi.
▪️Kam ta’minlangan aholida qayta tiklanuvchi energiya manbalarini joriy etish borasida davlat tomonidan rag’batlantirish va moliyalashtirish mexanizmlari belgilanadi.
O’zbekiston Respublikasi Energetika vazirligi Matbuot xizmati
TAYINLOV
Rustamov Zohir Ravshanovich “Buxoro hududiy elektr tarmoqlari korxonasi” aksiyadorlik jamiyati texnik direktori lavozimiga tayinlandi.
Tayinlovga qadar Z.R.Rustamov “Buxoro hududiy elektr tarmoqlari korxonasi” AJ texnik direktori o’rinbosari lavozimida ishlab kelgan.
“Buxoro HETK” AJ matbuot xizmati
Himoya vositalari ko’rikdan o’tkazildi
Mehnat inson hayotining ajralmas qismidir. Sir emaski har bir kasbning o’ziga yarasha qiyinchiliklari bo’ladi. Biroq, shunday sohalar borki unda faoliyat yurituvchilar tomonidan yo’l qo’yilgan kichik bir xato yoki e’tiborsizlik og’ir oqibatlarni keltirib chiqarishi mumkin. Ana shunday sohalardan biri bu shubhasiz “Elektr energetikasi” sohasidir. Shu munosabat bilan “Hududiy elektr tarmoqlari” AJ hamda uning tarkibidagi korxonalar masul xodimlari tomonidan doimiy ravishda mehnatni muhofaza qilish, kelib chiqishi mumkin bo’lgan baxtsiz hodisalarni oldini olish maqsadida o’quv va amaliy mashg’ulot, targ’ibot-tashviqot ishlari olib borilmoqda.
Ana shunday mehnatni muhofaza qilish borasidagi navbatdan tashqari o’rganish ishlari “Buxoro hududiy elektr ta’minoti korxonasi” AJ mas’ul xodimlari tomonidan amalga oshirildi.
Jamiyat tarkibidagi shahar, tuman elektr ta’minoti korxonalari ustalik bo’limlari va dispetcherlik xizmatlari himoya vositalari “Mustahkamlik va xavfsizlik texnikasi” xizmati tomonidan xatlovdan o’tkazildi. Yaroqsiz himoya vositalari ro’yxatdan chiqarilib yangisiga almashtirildi.
“Buxoro HETK” AJ matbuot xizmati
Taraqqiyot strategiyasi
Taraqqiyot strategiyasi:
2022-2026 yillarda 8 mingdan ortiq mahalla fuqarolar yig’inlarining elektr ta’minoti yaxshilanadi
So’nggi 5 yilda mamlakatimizda barcha sohalar kabi energetika sohasida ham ulkan ishlar amalga oshirildi.
Yangi O’zbekistonning 2022–2026 yillarga mo’ljallangan Taraqqiyot strategiyasiga muvofiq ushbu sohani kelgusida yanada rivojlantirish ko’zda tutilgan.
Xususan, “Obod qishloq” va “Obod mahalla” dasturlari doirasida respublika hududlarida qariyb 80 ming kilometr magistral va taqsimlovchi elektr uzatish tarmoqlari, 20 mingdan ortiq transformator punktlari hamda 200 dan ziyod podstansiyalar quriladi va yangilanadi.
Buning natijasida respublika bo’yicha 8 300 dan ortiq mahalla fuqarolar yig’inlarining elektr energiyasi ta’minoti yaxshilandi.
Eslatib o’tamiz: 2017-2021 yillarda uzunligi 902 km magistral va 40 600 km taqsimlovchi elektr uzatish tarmoqlari hamda 12 900 ta transformator punktlari modernizasiya qilingan.
Buning natijasida respublika bo’yicha 7,3 mingdan ortiq mahalla fuqarolar yig’inining elektr energiyasi ta’minoti yaxshilandi.
O’zbekiston Respublikasi Energetika vazirligi Matbuot xizmati