Author: hetk

“Buxoro hududiy elektr tarmoqlari korxonasi” AJning Podstansiyalar xizmatgohi xodimlari tomonidan joylardagi podstansiyalarning holati doimiy ravishda o’rganilib, aniqlangan kamchiliklar bartaraf qilinmoqda. Jumladan, Buxoro viloyatining chegara hududida joylashgan, suv inshootlarini elektr energiyasi bilan ta’minlovchi 35/6 kV podstansiyasida joriy ta’mirlash ishlari amalga oshirildi. Podstansiyada obodonlashtirish, elektr qurilmalari va o’chirib, yoqish uskunalarini ta’mirlash, estetik holatini yaxshilash, qizishini oldini olish hamda ulanish nuqtalarini ko’rikdan o’tkazish ishlari bajarildi.

“Buxoro HETK” AJ Matbuot xizmati

“Buxoro hududiy elektr tarmoqlari korxonasi” AJning O’ta kuchlanishdan himoya qilish va izolyatsiyali sinash xizmati xodimlari tomonidan podstansiyalardagi elektr qurilmalarining sozligi, ulanish nuqtalarining mustahkamligi, ularda me’yordan ortiq qizish holatlarining mavjudliligi maxsus, teplovizor qurilmasi yordamida nazoratdan o’tkazilib, aniqlangan kamchiliklarni bartaraf qilish choralari ko’rilmoqda.
Bunday jarayonlar podstansiyalarda sodir bo’lishi mumkin bo’lgan avariyali uzilishlarni oldini olish, elektr uskunalarining xizmat ko‘rsatish muddatini oshirish va iste’molchilarni uzluksiz elektr energiyasi bilan ta’minlashda o’z samaradorligini ko’rsatadi.

“Buxoro HETK” AJ Matbuot xizmati

Avval xabar berganimizdek, “Buxoro hududiy elektr tarmoqlari korxonasi” AJ tomonidan kuz-qish mavsumiga puxta tayyorgarlik ko’rish, hududlar elektr ta’minotini yaxshilashga qaratilgan bir qator chora – tadbirlar amalga oshirilib kelinmoqda.

Ta’kidlash joizki, joriy yilda yuqori kuchlanishdagi podstansiyalarning quvvati oshirish borasida keng ko’lamli ishlar olib borilmoqda. Jumladan, Shofirkon tumanidagi “Qodir Jo’rayev” 35/10 kV podstansiyasida quvvati 4 000 kVA bo‘lgan kuch transformatori 10 000 kVAlisiga almashtirilib, ishga tushirildi.

Natijada Shofirkon tumanidagi 3000 yaqin aholi va 250 dan ortiq tadbirkorlik subyektlarining elektr energiyasi ta’minoti yanada yaxshilandi. Shuningdek, podstansiyada zaxira quvvatlari ham yaratildi.

“Buxoro HETK” AJ Matbuot xizmati

Buxoro viloyati aholisi, ijtimoiy obyektlar va tadbirkorlarni har bir mavsumda barqaror elektr energiyasi bilan ta’minlash “Buxoro hududiy elektr tarmoqlari korxonasi” aksiyadorlik jamiyatining ustuvor vazifasi sanaladi. Ayni shu vazifa asosida ishlab chiqilgan chora-tadbirlar doirasida hududlar elektr energiyasi ta’minotini yaxshilash ishlari amalga oshiriladi.

Joriy yilda ham bu borada qator ishlar olib borilmoqda. Jumladan, yuqori kuchlanishdagi podstansiyalarning quvvati bir necha barobarga oshirilayotir. Ana shunday yangilanishlardan biri Shofirkon tumanidagi “Yaxshi Norovich” 110/35/10 kV podstansiyasida bajarildi. Bu yerdagi quvvati 10 000 kVA bо‘lgan kuch transformatori 25 000 kVAlisiga almashtirilib, ishga tushirildi.

✅ Batafsil:

Kuz – qish mavsumiga tayyorgarlik davomida Buxoro shahar elektr ta’minoti korxonasi tomonidan Buxoro shahridagi 705ta transformator punktlari birma – bir ko’rikdan o’tkazilib, aniqlangan kamchiliklarni bartaraf qilish choralari ko’rilmoqda. Ta’mirlash brigadalarining mutaxassis xodimlari elektr qurilmalarning sozligini tekshirish, ulanish nuqtalarini mustahkamlash, transformatorning moy sathini me’yor darajasiga keltirish, estetik holatini yaxshilash va bo’yoqlash ishlarini olib bormoqdalar. Jumladan, korxona hisobidagi quvvati 400 kVA bo’lgan, № 790 – sonli, shahar tipidagi transformator punktining holati o’rganilib, joriy ta’mirlash ishlari olib borildi.

Amalga oshirilayotgan ishlar iste’molchilarni uzluksiz va sifatli elektr energiyasi bilan ta’minlashga xizmat qiladi.

“Buxoro HETK” AJ Matbuot xizmati