Maxsus – taktik o’quv mashqlari o’tkazildi

“Buxoro hududiy elektr tarmoqlari korxonasi» AJ hamda Favqulotda vaziyatlar boshqarmasi bilan hamkorlikda xodimlarining sodir bo’lishi mumkin bo’lgan favqulodda vaziyatlarda harakatlanish shayligi baholandi. Tadbirda yirik savdo majmuasida yong’in holati kuzatilganda jabrlangan xodimga birinchi yordam ko’rsatish, aholi va iqtisodiyot tarmoqlariga barqaror elektr energiyasini yetkazib berishda sodir bo‘lishi mumkin bo‘lgan favqulodda vaziyatlarning oldini olish holatlari, elektrsiz qolgan hududni aylanma tarmoqlar orqali elektr energiyasi bilan ta’minlash choralarini ko’rish bo’yicha mashg’ulotlar o’tkazildi.

Yakunda har bir xodim o’z xizmat vazifasini bajarishi chog’ida xavfsizlik texnikasi qoidalari talablariga qat’iyan amal qilishi, ishni xavfsiz bajarishi zarurligi yuzasidan mutaxassislar tomonidan tavsiyalar ishlab chiqilib, xodimlarga batafsil tushunchalar berildi.