⚡️Noqulay ob havo sharoitida ham vazifani uddalayotgan energetiklar
Buxoro viloyati aholisi, ijtimoiy obyektlar va tadbirkorlarni har bir mavsumda barqaror elektr energiyasi bilan ta’minlash “Buxoro hududiy elektr tarmoqlari korxonasi” AJning ustuvor vazifasi sanaladi. Ayni shu vazifadan kelib chiqib, ishlab chiqilgan chora tadbirlar asosida hududlar elektr energiyasi ta’minotini yaxshilash ishlari amalga oshiriladi. Joriy yilda ham bu borada bir qator ishlar olib borilmoqda. Jumladan yuqori kuchlanishdagi podstansiyalarning quvvatlari bir necha barobarga oshirilmoqda. Bugun anashunday yangilanishlardan biri Shofirkon tumanidagi “Yaxshi Norovich” 110/35/10 kV podstansiyasida bajarilmoqda. Bu yerdagi quvvati 10 000 kVA bo’lgan kuch transformatori 25 000 kVAlisiga almashtirilmoqda.
⚡️ Podstansiyadagi quvvatning oshishi shofirkonliklar elektr energiyasi ta’minotining yanada yaxshilanishiga, ularning turmush farovonlinigini oshishiga xizmat qiladi
“Buxoro HETK” AJ Matbuot xizmati
