Kuz – qish mavsumini ko‘ngildagidek o‘tkazish, unga ko‘rilgan tayyorgarlik bilan chambarchas bog‘liqdir
ISTIQBOLLI LOYIHALAR MAMLAKATIMIZ RIVOJIGA XIZMAT QILADI
ISTIQBOLLI LOYIHALAR MAMLAKATIMIZ RIVOJIGA XIZMAT QILADI
Mamlakatimiz hududlarida energetika sohasida olib borilayotgan ishlar bilan tanishish maqsadida energetika vaziri Alisher Sultonov boshchiligidagi ishchi guruh Buxoro viloyatida bo‘ldi.
Xususan, “Buxoro HETK” AJ tomonidan sohani yanada rivojlantirish, ishlab chiqilgan dasturlar hamda loyihalarning joylardagi ijrosini ta’minlash yuzasidan amalga oshirilayotgan ishlar yaqindan o‘rganilib, bu boradagi yutuq va yo‘l qo‘yilgan kamchiliklarga e’tibor qaratildi. O‘rganishlar doirasida Peshku tumaniga tashrif uyushtirildi va bu yerdagi aholi va tadbirkorlik sub’ektlarning elektr energiyasi ta’minoti masalalari tahlil qilindi.
Ta’kidlanganidek, hozirda Buxoro viloyatida elektr energiyasini nazorat qilish va hisobga olishning avtomatlashtirilgan tizimi (ASKUE)ga ulangan zamonaviy hisoblagichlar o‘rnatish ishlari izchillik bilan olib borilmoqda. Yig‘ilganlar “Buxoro HETK” AJning mutaxassislari tomonidan viloyat miqyosida o‘tgan davr mobaynida bu borada olib borilgan sa’y-harakatlar, qolaversa ushbu tizim orqali iste’molchilarga yaratiladigan qulaylik va imkoniyatlar, shu bilan bir qatorda erishilishi kutilayotgan iqtisodiy samaradorliklar xususidagi taqdimot bilan tanishdilar.
Energetika vaziri Alisher Sultonov va “Hududiy elektr tarmoqlari” AJ boshqaruv raisi Ulug‘bek Mustafoev tomonidan Buxoro viloyati miqyosida ASKUE tizimini qisqa muddatlarda to‘laqonli tatbiq etish, shuningdek, mahalliy aholi va tadbirkorlik sub’ektlarini ushbu tizimning afzalliklari bilan tanishtirib borish masalalariga alohida e’tibor berish kerakligi ta’kidlanib, kelgusida amalga oshirilishi lozim bo‘lgan ishlar borasida tegishli topshiriqlar berildi.
“Buxoro HETK” AJ matbuot xizmati
ELEKTR ENERGIYASI ISTE'MOLCHILARIGA ESLATMA!
“Hududiy elektr tarmoqlari” AJ veb-saytidagi “Shaxsiy kabinet (http://www.het.uz/oz/pages/view/personal_account)” orqali login va parolni kiritgan holda shaxsiy hisob raqamingizga oid ma’lumotlar – iste’mol qilingan elektr energiyasi miqdori, qoldiq va boshqalar to‘g‘risida real vaqt (on-line) rejimida batafsil ma’lumotga ega bo‘lishingiz mumkin.
Buning uchun oldindan Sizning mobil’ aloqa raqamingiz turar joyingizdagi elektr ta’minoti korxonasi yoki bank kassalari orqali tizimga ulangan bo‘lishi hamda telefon raqamingizga “Shaxsiy kabinet (http://www.het.uz/oz/pages/view/personal_account)” ga kirish uchun login ko‘rsatilgan SMS-xabar taqdim etilgan bo‘lishi lozim.
“Shaxsiy kabinet”ga kirish uchun tizimga ulangan mobil’ raqamingizdan “P” harfini 2100 qisqa raqamiga SMS-xabar ko‘rinishida yuboring va parolga ega bo‘ling.
Shuningdek, 2100 qisqa raqamiga “D” harfini SMS-xabar ko‘rinishda yuborib, bugungi kundagi mavjud qarzingiz haqidagi ma’lumotga ega bo‘lishingiz mumkin.
Foydalanilgan elektr energiyasi uchun mamlakatimizda mavjud barcha to‘lov tizimlari (U-Pay, Click, Payme, Paymo, Paynet) hamda banklarning mobil ilovalari orqali uydan chiqmasdan turib to‘lovlarni amalga oshirishlari mumkinligini “Hududiy elektr tarmoqlari” AJ yana bir bor eslatib o‘tadi.
HURMATLI ELEKTR ENERGIYASI ISTE'MOLCHILARI!
Ma’lumki, mamlakatimizda epidemiologik vaziyat keskinlashgani sababli respublika bo‘yicha karantin choralari kuchaytirildi. Respublika maxsus komissiyasi qaroriga ko‘ra, 10 iyuldan 1 avgustgacha O‘zbekistonda kuchaytirilgan karantin choralari qo‘llaniladi. Albatta, belgilangan 20 kun mobaynida kommunal xizmatlarga, xususan, qarzdorlik yig‘ilib qolmasligi uchun foydalanilgan elektr energiyasiga to‘lovlarni amalga oshirish ehtiyoji bo‘ladi.
“Hududiy elektr tarmoqlari” AJ o‘zingiz va yaqinlaringizning sog‘lig‘iga befarq bo‘lmagan holda, foydalanilgan elektr energiyasi uchun to‘lovlarni tuman elektr ta’minoti korxonalariga tashrif buyurmasdan mamlakatimizda mavjud barcha to‘lov tizimlari (U-Pay, Click, Payme, Paynet) hamda banklarning mobil ilovalari orqali uydan chiqmasdan turib amalga oshirishlari mumkinligini yana bir bor eslatib o‘tadi.
Ishlab chiqarish salohiyati kengaymoqda.
Bugungi kunda “Hududiy elektr tarmoqlari” AJ tomonidan ishlab chiqarishni mahalliylashtirish orqali ishlab chiqarish samaradorligini oshirish, mahsulot tannarxini kamaytirish, korxonaning moliyaviy barqarorligiga erishish, ishlab chiqarilayotgan mahsulotlarni ishonchliligini va mustahkamligini ta’minlash borasida salmoqli loyihalar amalga oshirilib kelinmoqda.
Shu jumladan, “Buxoro HETK” AJ tarkibidagi Kogon tuman ETK hududining ichki qismida bo‘sh yotgan yer maydoni hududida temir-beton tayanchlarini ishlab chiqarish zavodini qurib, ishga tushirish vazifa sifatida belgilab olindi. Ushbu hudud temir-beton tayanchlarni ishlab chiqarish uchun anchagina qulay deb topildi va qurilish ishlarini boshlash maqsadida maxsus texnikalar va ishchi xodimlarni jalb qilgan holda hududni tozalash, tekislash va maydonni devor bilan o‘rab olish ishlariga kirishildi. Hududning umumiy yer maydoni 400 kv.metrni tashkil qilmoqda.