Shanba, May 10, 2025

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ
"BUXORO HETK"AJ OB'EKTLARINI XARITASI
Energetika yangiliklari 

Olot tumanidagi “ATK” 110/35/10 nimstansiyasida modernizasiya ishlari amalga oshirilmoqda.

hetk 703 Views

Nimstansiyadagi 10 mVA quvvatdagi transformator 25 mVA quvvatdagi transformatorga almashtirildi. Buning natijasida Olot tumani aholisi tadbirkorlik sub’ektlarining sifatli elektr energiyaga bo‘lgan talabi qondirilishi bilan bir qatorda tumanni toza ichimlik suvi bilan ta’minlovchi nasos agregatlarining elektr energiyasi ta’minoti mustahkamlanib,  qo‘shimcha 7mVT quvvat yaratiladi.

Hozirgi vaqtda Olot tumanidagi “ATK” 110/35/10 nimstansiyasida o‘rnatilgan 25 mVA quvvatdagi tranformatorda so‘ngi bosqichdagi montaj ishlari bajarilmoqda. Bunda transformatorni sovutish tizimlari, moy sovutish dvigatellari, 10 kV, 35 kV, 110 kVli vvodlarni sozlash, ikkilamchi zanjirlarda naladka, transformatorga moy quyish va kuchlanish ostiga qo‘yishdan oldingi  sinov ishlari bajarilmoqda.

“Buxoro HETK” AJ matbuot xizmati

Energetika yangiliklari Tadbirlar 

Davlatimiz rahbari elektr tarmoqlari korxonasining innovasion markaziga tashrif buyurdi.

hetk 633 Views

O‘zbekiston Respublikasi Prezidenti Shavkat Mirziyoev “Hududiy elektr tarmoqlari” aksiyadorlik jamiyatining Elektr energiyasini hisobga olishni avtomatlashtirish markazi faoliyati bilan yaqindan tanishdi.

Bo‘lib o‘tgan taqdimotda amalga oshirilgan ishlar va erishilgan natijalar Buxoro viloyati misolida ko‘rsatib berildi.

Elektr energiyasini hisobga olishni avtomatlashtirilgan tizimi loyihasini amalga oshirish, O‘zbekiston Respublikasi Prezidentining 2018 yil 23 oktyabrdagi “Elektr energetikasi tarmog‘ini jadal rivojlantirish va moliyaviy barqarorligini ta’minlash chora-tadbirlari to‘g‘risida”gi qaroriga asosan Buxoro, Samarqand, Jizzax viloyatlarida elektr energiyasini hisobga olishni avtomatlashtirish tizimiga mos bo‘lgan hisoblagichlarni o‘rnatish ishlari 2019 yilda boshlandi. Viloyat bo‘yicha 437046 hisoblagichdan 430116 tasi (98%) almashtirildi. Shundan 425615 tasi (99%) billing tizimiga ulandi. Aholi iste’molchilariga 2019 yilda yetkazib berilgan elektr energiya 656.3 mln. Kvt.soat bo‘lgan bo‘lsa 2020 yilda 743.9 mln. Kvt.soat ya’ni 87.6 mln. Kvt.soat ortiqcha elektr energiya yetkazib berildi.

“Buxoro hududiy elektr tarmoqlari korxonasi” aksiyadorlik jamiyati ma’muriy binosi va tuman, shahar elektr ta’minoti korxonalarida kichik “data-sentr” tashkil qilingan bo‘lib, elektr energiyasini hisobga olishni avtomatlashtirish tizimiga ulangan barcha aqlli hisoblagichlardan doimiy ravishda ma’lumotlarni qabul qilib markazlashgan ma’lumotlar markazi (data sentr)ga yetkazib beradi. Buning natijasida elektr energiyasi iste’moli hisob-kitoblari soat, kun, oylik va yillik energiya balanslari to‘g‘ri shakllanmoqda.

Ushbu tizim orqali barcha elektr uzatish tarmoqlari, transformator punkt yuklamalarini tongi va kechki tig‘iz vaqtlarda me’yorda ushlab turish, avariyali o‘chishlarni qisqa vaqt ichida aniqlash va bartaraf etish, elektr hisoblagich elektr energiyasini qabul qilish va uzatishda ma’lumotlar almashinuvida ikki tomonlama imkoniyat yaratilishi, yuklama ostida ishlayotgan transformator punktlarini ushbu tizim yordamida aniqlab, kelajakda modernizasiya va rekonstruksiya qilish ishlarini rejalashtirish imkoniyati mavjud.

Pirovard natijada elektr hisoblagichlar billing tizimga ulanib, qarzdor iste’molchilar avtomatik tarzda tarmoqdan uziladi va elektr energiyasi haqi to‘langanidan keyin avtomatik tarzda qayta tarmoqqa ulanadi.

Bunda inson omili kamayib, noqonuniy ulanishlar va korrupsiya holatlariga chek qo‘yiladi.

“Buxoro HETK” AJ matbuot xizmati

Energetika yangiliklari 

“Obod mahalla” davlat dasturi doirasida rekonstruksiya va yangilash ishlari amalga oshirilmoqda.

hetk 508 Views

“Buxoro HETK” AJ tasarrufidagi Vobkent tuman elektr ta’minoti korxonasi tomonidan tumanning “Shohnigor” MFY hududlarida “Obod mahalla” davlat dasturi doirasida rekonstruksiya va yangilash ishlari amalga oshirilmoqda. Ushbu mahalladagi elektr energiyasi iste’molchilarining elektr energiyasi ta’minotini yaxshilash maqsadida qo‘shimcha ravishda 250 kVA quvvatga ega bo‘lgan transformator punkti o‘rnatib berildi.

Shuningdek, 87 dona temir-beton tayanchlarni o‘rnatib, 4.5 km uzunlikdagi 0.4 kVli hamda 0.7 km uzinlikdagi yuqori kuchlanishdagi havo tarmog‘ini qurib, zamonaviy SIP kabellarini tortish ishlari rejalashtirilgan. Hozirda mustahkam temir-beton tayanchlarni o‘rnatish ishlari olib borilmoqda.

Romitan tuman elektr ta’minoti korxonasi tomonidan ham “Obod mahalla” davlat dasturi doirasida keng ko‘lamli modernizasiya va yangilash ishlari amalga oshirilib kelinmoqda. Shu kunlarda tumanning “Qoqishtuvon” MFY hududidagi “Qoqishtuvon” qishlog‘ida qurilish va montaj ishlari olib borilmoqda. Qishloq aholisini barqaror elektr energiyasi bilan ta’minlash maqsadida qo‘shimcha 100 kVA quvvatdagi transformator punkti o‘rnatildi. Shuningdek, dastur asosida 32 dona temir-beton tayanchlari qurish, 1 km uzunlikdagi 0.4kVli havo tarmog‘iga zamonaviy SIP kabellarini tortish ishlari amalga oshiriladi. Hozirda temir-beton tayanchlarini o‘rnatish ishlari bajarilmoqda.

Kogon tuman elektr ta’minoti korxonasi tomonidan esa “Obod mahalla” davlat dasturi bo‘yicha tumanning “Tun-yiroq” MFY hududlarida rekonstruksiya va yangilash ishlari bajarilmoqda. “Tun-yiroq” mahallasi elektr energiyasi iste’molchilarini barqaror elektr energiyasi bilan ta’minlash maqsadida qo‘shimcha 1 dona 100 kVA quvvatdagi transformator punkti o‘rnatilib 2 dona transformator punkti mukammal ta’mirlandi va reja asosida 49 dona mustahkam temir-beton tayanchlarni qurish ishlari yakuniga yetkazildi. Shuningdek, mahallada 450 metr uzunlikdagi 10 kVli havo tarmog‘i qurish, 1.8 km uzinlikdagi 0.4kVli havo tarmog‘iga zamonaviy SIP kabellarini tortish ishlari amalga oshiriladi.

“Buxoro HETK” AJ matbuot xizmati

Tadbirlar 

Peshko‘ tuman ETKda xavfsizlik texnikasi qoidalariga rioya etish masalalariga bag‘ishlangan seminar bo‘lib o‘tdi.

hetk 726 Views

“Buxoro HETK” AJ tarkibidagi Peshko‘ tumani ETKda “Hududiy elektr tarmoqlari” AJning Mustahkamlik va xavfsizlik texnikasi xizmati mutaxassisi, “O‘zenergoinspeksiya”ning Buxoro hududiy bo‘limi mutaxassislari,  “Buxoro HETK” AJning mas’ul xodimlari, Peshko‘ tumani ETK ustalari va elektromontyorlari ishtirokida bo‘lib o‘tgan seminar mashg‘ulotida sodir bo‘lgan baxtsiz hodisalarining tafsilotlari, kelib chiqish sabablari tanqidiy ruhda muhokama qilinib, ishdan so‘ng oila bag‘riga sog‘-salomat qaytishni asosiy maqsad deb bilish lozimligi alohida ta’kidlandi.

Kichik kamchiliklar, kichik bir e’tiborsizlik inson hayotini butkul izdan chiqarib yuborishi, katta ko‘ngilsizliklarga olib kelishi mumkinligiga e’tibor qaratish kerakligiga to‘xtalib o‘tildi. Seminar davomida xodimlar bilan o‘zaro fikr almashildi va xavfsizlik texnikasi qoidalari bo‘yicha savol-javoblar o‘tkazildi.

“Buxoro HETK” AJ Matbuot xizmati

Tadbirlar 

“Buxoro HETK” AJ hamda uning tarkibidagi elektr ta'minoti korxonalarida ham umumxalq xayriya hashari o‘tkazildi.

hetk 368 Views

Bahor yasharish va yangilanish fasli. Aynan shu faslda tabiat uyg‘onib, atrof muhit go‘zallikka yuz tutadi. Bahor fasli boshqa fasllardan o‘zining fusunkor bayramlari bilan ham alohida ajralib turadi. Xalqimizga jo‘shqin kayfiyatni tuhfa etuvchi, qalblariga shodlik, yuzlariga tabassum ulashuvchi “Navro‘z” bayrami ana shunday bayramlardan biridir. Shu sabab qutlug‘ bayram arafasida butun yurtimiz bo‘ylab umumxalq hasharlari tashkillashtiriladi. Hashar yurtdoshlarimiz, mahalladoshlarimiz, hamkasblarimizni hamjihatlikka chorlab, atrof muhitning tozaligiga hissa qo‘shishlarida muhim ahamiyat kasb etadi.

 Barcha korxona va tashkilotlar singari “Buxoro HETK” AJ hamda uning tarkibidagi elektr ta’minoti korxonalarida ham umumxalq xayriya hashari o‘tkazildi. Hasharda soha xodimlari tomonidan hududlarda obodonlashtirish, ariqlarni tozalash va daraxtlarni oqlash kabi ishlar hamjihatlik bilan olib borildi.

“Buxoro HETK” AJ Matbuot xizmati.

Energetika yangiliklari 

Elektr ta'minoti yaxshilanmoqda

hetk 368 Views

Buxoro shahar elektr ta’minoti korxonasi xodimlari tomonidan shaharning “Razzoq Hamroev” MFY hududidagi “Piridastgir” hamda “Alpomish” ko‘chalarida joylashgan ko‘p qavatli uylarda yashovchi elektr energiyasi iste’molchilarini me’yor darajasidagi elektr energiyasi bilan ta’minlash maqsadida rekonstruksiya ishlari olib borilmoqda. Ko‘p qavatli uylarni elektr energiyasi bilan ta’minlab turgan 400 kVAli №743 sonli transformator punkti 630 kVAli transformator punktiga almashtirib berilmoqda.

“Buxoro HETK” AJ matbuot xizmati

Energetika yangiliklari Tadbirlar 

Davlat va shartnomaviy xizmatlarini rivojlantirish muhim vazifa qilib belgilandi.

hetk 377 Views

“Buxoro hududiy elektr tarmoqlari korxonasi”AJning katta majlislar zalida “Hududiy elektr tarmoqlari” AJ Davlat va shartnomaviy xizmatlarni rivojlantirish boshqarma boshlig‘i N.Meyliyev va boshqarma mutaxassisi M.Abdullayev, “Buxoro HETK” AJning rahbariyati, tegishli xizmat xodimlari hamda jamiyat tasarrufidagi barcha shahar va tuman rahbarlari, bosh muhandislari, mas’ul xizmat xodimlari ishtirokida o‘quv seminar tashkil etildi.

Seminarda yuridik va jismoniy shaxslarga davlat va shartnomaviy xizmatlar ko‘rsatishni rivojlantirish, iste’molchilardan kelib tushayotgan murojaatni to‘la qamrab olish choralarini ko‘rish, xizmat ko‘rsatishning natijadorligini oshirishda yo‘l qo‘yilayotgan kamchiliklarga alohida e’tibor qaratildi va kamchiliklarni bartaraf etishda nimalarga ahamiyat berish kerakligi haqida prezentasiya ko‘rinishida batafsil tushunchalar berildi.

Shu jumladan davlat va shartnomaviy xizmatlarini ko‘rsatishda “korrupsiya”ga aslo yo‘l qo‘ymaslik, xizmatlarni ko‘rsatishda shaffoflikni ta’minlash, korrupsiyaning salbiy oqibatlari haqida misollar bilan batafsil tushunchalar berildi.

Jamiyat rahbari B.Xayotov tomonidan bugungi kundagi davlat va shartnomaviy xizmatlarni ko‘rsatishdagi natijalar yaxshi emasligi tanqid qilinib, rivojlantirish istiqbollari yuzasidan korxona mas’ullariga alohida ko‘rsatma va topshiriqlar berildi.

Shuningdek, davlat va shartnomaviy xizmatlarni ko‘rsatishdan korxonaga kelib tushadigan mablag‘lar shu korxonada faoliyat olib borayotgan har bir xodimning mehnat sharoitlari yaxshilanishi, moddiy texnika bazasining mustahkamlanishi, xodimlarni qo‘shimcha moliyaviy rag‘batlantirilishiga hamda korxonaning ravnaq topishi uchun qo‘shimcha loyihalarni tadbiq qilinishiga sarflanishi ta`kidlandi.

Seminar savol javob tarzida amalga oshirilib, xodimlarni qiziqtirgan barcha savollarga mutasaddilar tomonidan atroflicha javoblar qaytarildi va bildirilgan takliflar tinglandi.

“Buxoro HETK” AJ matbuot xizmati