“Buxoro hududiy elektr tarmoqlari korxonasi” AJ

O’zbekiston Respublikasi Prezidentining 2024 yil 23 sentyabrdagi “Kambag’allikdan farovonlik sari” dasturini amalga oshirish bo’yicha birinchi navbatdagi chora-tadbirlari yuzasidan Buxoro viloyatida 55 ta mahallaning infratuzilmasi shu jumladan, elektr energiyasi ta’minotini yaxshilash borasida keng ko’lamli ishlar olib borilmoqda.

Xususan, “Buxoro hududiy elektr tarmoqlari korxonasi” AJ tomonidan viloyatimizning Vobkent tumanidagi “Xayrobod”, “Teraklik”, “Rozmoz” va “Chorbog’kent” mahalla fuqarolar yig’inida modernizasiya va yangilash ishlari amalga oshrilib, 1164 dona mustahkam temir-beton tayanchlari rostlandi. Shuningdek, 62 000 metr uzinlikdagi himoyalangan SIP kabellari tortildi va 8 dona kuvvati 250 kVA bo’lgan yangi transformator punktlari o’rnatildi.

G’ijduvon tumani elektr energiyasi iste’molchilarini uzluksiz va me’yor darajasidagi elektr energiyasi bilan ta’minlash uchun O’zbekiston Respublikasi Prezidentining “Kambag’allikdan farovonlik sari dasturini amalga oshirish bo’yicha birinchi navbatdagi chora-tadbirlar to’g’risida”gi PQ-330 sonli qaroriga binoan qurilish ishlari olib borilmoqda. Shuningdek, reja asosida transformator punktlari va elektr uzatish tarmoqlarida mukammal ta’mirlash ishlari amalga oshirilmoqda.

Jarayon tavsilotlari bilan “Buxoro” telekanalining “Diyor yangiliklari” informatsion dasturi orqali tanishishingiz mumkin.

“Buxoro HETK” AJ matbuot xizmati

“Buxoro hududiy elektr tarmoqlari korxonasi” AJning Podstansiyalar xizmatgohi xodimlari tomonidan Buxoro viloyatining eng olis hududi Olot tumanidagi “ATK” 110/35/10 kV podstansiyasida joriy ta’mirlash ishlari amalga oshirildi. Podstansiyada obodonlashtirish, elektr qurilmalari va o’chirib, yoqish uskunalarini ta’mirlash, estetik holatini yaxshilash, qizishini oldini olish hamda ulanish nuqtalarini ko’rikdan o’tkazish ishlari bajarildi.

“Buxoro hududiy elektr tarmoqlari korxonasi” AJ tomonidan aholi va tadbirkorlar ehtiyojlarini inobatga olgan holda, transformator punktlarining quvvati oshirish va qo’shimcha o’rnatish ishlari olib borilmoqda. Jumladan, Buxoro shahrining “Sheyxon” MFY Do’lama ko’chasi elektr ta’minotini yaxshilash uchun, quvvati 250 kVAli, № 434 sonli transformator punktini quvvati 400 kVA bo’lgan, yangi, shahar tipidagi transformator punktiga almashtirish ishlari rejalashtirilgan. Ayni damda kerakli qurilish materiallari va elektr qurilmalari olib kelindi. Bu kabi yangilanishlar elektr energiyasi ta’minotida uzluksizlik, barqarorlik, aholining yashash farovonligini oshishi va tarmoqdagi yo’qitishlarni kamaytirishga xizmat qiladi.

🔧 Texnik modernizatsiya – barqaror taraqqiyot kafolatidir.

“Buxoro HETK” AJ Matbuot xizmati

“Buxoro hududiy elektr tarmoqlari korxonasi” AJning Podstansiyalar xizmatgohi xodimlari tomonidan joylardagi podstansiyalarda belgilangan reja grafigi asosida ta’mirlash ishlari olib borilmoqda. Jumladan, Buxoro shahridagi “To’qimachi” 35/10 va Kogon tumanidagi “Bo’ston” 110/35/10 kV podstansiyalaridagi 6300 va 4000 kVA quvvatdagi kuch transformatorlari hamda o’chirib, yoqish qurilmalari ta’mirlandi. Shuningdek, podstansiyada obodonlashtirish, estetik holatini yaxshilash, qizishini oldini olish hamda ulanish nuqtalarini ko’rikdan o’tkazish ishlari bajarildi.

Hududlar elektr energiyasi ta’minotini yanada yaxshilash maqsadida joriy yil avvalida belgilab olingan chora – tadbirlar asosida “Buxoro hududiy elektr tarmoqlari korxonasi” AJ tomonidan hududlar kesimida bir qator amaliy ishlar olib borilmoqda. Ayni kunlarda, elektr ta’minoti korxonalarining mutaxassis xodimlari transformator punktlarini mukammal va joriy ta’mirlash, fazalar orasidagi yuklamalarni teng taqsimlash ishlarini bajarmoqda.
Ta’kidlash joizki, ta’mirlash ishlarining o’z vaqtida bajarilishi iste’molchilarni mustahkam elektr energiyasi bilan ta’minlashda hamda tarmoqdagi texnologik yo’qotishlarni kamaytirishda o’z samaradorligini ko’rsatadi.

“Buxoro HETK” AJ Matbuot xizmati