“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ Umumiy masalalar bo’yicha direktori va Kasaba uyushmasi qo’mitasining raisi 9-may Xotira va qadrlash kuni bayrami munosabati bilan ikkinchi jahon urushi qatnashchisi, 1925 yilda tug’ulgan Qarshiyev Norboy boboning fayzli xonadoniga tashrif buyurib, holidan xabar oldilar va bugungi bayram bilan tabriklab, samimiy suhbat qurdilar. Suhbat davomida nuroniy otaxon uzoq yillar davomida viloyat elektr energetikasi sohasida ishlagan vaqtlarini juda ko‘tarinki ruhda esga oldi va ish davomida bo’lib o’tgan qiziqarli voqealarni so’zlab berdi.
Uchrashuv yakunida Norboy boboga mustahkam sog‘lik, kuch-quvvat, uzoq va mazmunli umr tilandi.

“Buxoro HETK” AJ matbuot xizmati

Joylarda O’zbekiston Respublikasi Vazirlar Mahkamasi tomonidan joriy yilning 16-aprel kuni qabul qilingan “Yoqilgʻi-energetika sohasida bozor mexanizmlarini joriy etishning qoʻshimcha chora-tadbirlari toʻgʻrisida”gi 204 sonli qarori yuzasidan tushuntirishlar davom etmoqda. Uchrashuvda qarorning mazmun mohiyati batafsil tushuntirilib, energiya resurslaridan oqilona va samarali foydalanish bo’yicha zarur tavsiyalar berilmoqda.

“Buxoro HETK” AJ matbuot xizmati

“Buxoro hududiy elektr tarmoqlari korxonasi” AJda “2030-yilga qadar O’zbekiston Respublikasida gender tenglikka erishish strategiyasi” doirasida korxona Kasaba uyushmalari qo’mitasi va Xotin-qizlar masalalari bo’yicha boshlang’ich tashkiloti tomonidan “Milliy qadriyatlarimiz – millat ko‘zgusidir” shiori ostida “Xon-atlas 2024” festivali bo’lib o’tdi.

Tadbir davomida sohada faoliyat olib borayotgan xotin-qizlarga milliylikni asrash, o’zbekona kiyinish madaniyati, xon atlas va adrasning kelib chiqish tarixi hamda shakllanish bosqichlari, shuningdek, ushbu milliy matoni ishlab chiqarish texnologiyasi va dizayni haqidagi qiziqarli ma’lumotlar berildi. Jamiyat xotin-qizlari tadbirga ko’tarinki kayfiyatda faol ishtirok etishdi.

“Buxoro HETK” AJ Matbuot xizmati

Ma’lumki, O’zbekiston Respublikasi Vazirlar Mahkamasi tomonidan joriy yilning 16-aprel kunida “Yoqilgʻi-energetika sohasida bozor mexanizmlarini joriy etishning qoʻshimcha chora-tadbirlari toʻgʻrisida”gi qaror imzolandi.

Joylarda hamkor idora va tashkilotlar ishtirokida qaror mohiyati yuzasidan tushuntirish ishlari olib borilmoqda. Tadbirda so’z olganlar elektr energiyasi, gaz tariflariga kiritilgan o’zgartirishlar haqida to’xtalib o’tishar ekan, shubhasiz, ulardan oqilona va samarali foydalanish, energotejamkor jihozlarni o’rnatgan holda tejash, kelajak avlodning ham tabiiy energiya resurslariga haqqi borligi haqida tavsiya, fikr va mulohazalar bildirildi. Shuningdek, yakunda fuqarolarni qiziqtirgan masalalar bo’yicha mutasaddi tashkilotlar xodimlari tomonidan tushuntirish berildi va maxsus tayyorlangan bukletlar tarqatildi.

“Buxoro HETK” AJ Matbuot xizmati

Buxoro viloyati hokimi Botir Zaripov boshchiligida Qorako’l tumani aholisi uchun tashkil qilingan sayyor qabulda elektr energiyasi ta’minoti bilan bog’liq kelib tushayotgan murojaatlar “Buxoro hududiy elektr tarmoqlari korxonasi” AJ Texnik direktori tomonidan o’rganilmoqda. Iste’molchilarning murojaatlari ko’rib chiqilib, tezkorlik bilan bartaraf qilish choralari ko’rilmoqda.

“Buxoro HETK” AJ Matbuot xizmati

“Buxoro hududiy elektr tarmoqlari korxonasi” AJda Vazirlar Mahkamasining joriy yil 16 apreldagi “Yoqilg‘i-energetika sohasida bozor mexanizmlarini joriy etishning qо‘shimcha chora-tadbirlari tо‘g‘risida”gi qarori ijrosi doirasida amalga oshirilayotgan ishlarga bag‘ishlab matbuot anjumani о‘tkazildi.

Anjumanda qaror iste’molchilarni yoqilg‘i- energetika resurslari bilan ishonchli tarzda ta’minlash, aholi xonadonlarida qayta tiklanuvchi energiya manbalari о‘rnatilishini va energiya tejovchi texnologiyalar keng joriy etilishini rag‘batlantirish, yoqilg‘i -energetika resurslari narxlarining shakllanishini bosqichma – bosqich bozor tamoyillariga о‘tkazishni davom ettirish maqsadida qabul qilinganligi qayd etildi.

BATAFSIL

“HUDUDIY ELЕKTR TARMOQLARI” AJ