Tadbirlar

O‘zbekiston Respublikasi Prezidenti Shavkat Mirziyoev “Hududiy elektr tarmoqlari” aksiyadorlik jamiyatining Elektr energiyasini hisobga olishni avtomatlashtirish markazi faoliyati bilan yaqindan tanishdi.

Bo‘lib o‘tgan taqdimotda amalga oshirilgan ishlar va erishilgan natijalar Buxoro viloyati misolida ko‘rsatib berildi.

Elektr energiyasini hisobga olishni avtomatlashtirilgan tizimi loyihasini amalga oshirish, O‘zbekiston Respublikasi Prezidentining 2018 yil 23 oktyabrdagi “Elektr energetikasi tarmog‘ini jadal rivojlantirish va moliyaviy barqarorligini ta’minlash chora-tadbirlari to‘g‘risida”gi qaroriga asosan Buxoro, Samarqand, Jizzax viloyatlarida elektr energiyasini hisobga olishni avtomatlashtirish tizimiga mos bo‘lgan hisoblagichlarni o‘rnatish ishlari 2019 yilda boshlandi. Viloyat bo‘yicha 437046 hisoblagichdan 430116 tasi (98%) almashtirildi. Shundan 425615 tasi (99%) billing tizimiga ulandi. Aholi iste’molchilariga 2019 yilda yetkazib berilgan elektr energiya 656.3 mln. Kvt.soat bo‘lgan bo‘lsa 2020 yilda 743.9 mln. Kvt.soat ya’ni 87.6 mln. Kvt.soat ortiqcha elektr energiya yetkazib berildi.

“Buxoro hududiy elektr tarmoqlari korxonasi” aksiyadorlik jamiyati ma’muriy binosi va tuman, shahar elektr ta’minoti korxonalarida kichik “data-sentr” tashkil qilingan bo‘lib, elektr energiyasini hisobga olishni avtomatlashtirish tizimiga ulangan barcha aqlli hisoblagichlardan doimiy ravishda ma’lumotlarni qabul qilib markazlashgan ma’lumotlar markazi (data sentr)ga yetkazib beradi. Buning natijasida elektr energiyasi iste’moli hisob-kitoblari soat, kun, oylik va yillik energiya balanslari to‘g‘ri shakllanmoqda.

Ushbu tizim orqali barcha elektr uzatish tarmoqlari, transformator punkt yuklamalarini tongi va kechki tig‘iz vaqtlarda me’yorda ushlab turish, avariyali o‘chishlarni qisqa vaqt ichida aniqlash va bartaraf etish, elektr hisoblagich elektr energiyasini qabul qilish va uzatishda ma’lumotlar almashinuvida ikki tomonlama imkoniyat yaratilishi, yuklama ostida ishlayotgan transformator punktlarini ushbu tizim yordamida aniqlab, kelajakda modernizasiya va rekonstruksiya qilish ishlarini rejalashtirish imkoniyati mavjud.

Pirovard natijada elektr hisoblagichlar billing tizimga ulanib, qarzdor iste’molchilar avtomatik tarzda tarmoqdan uziladi va elektr energiyasi haqi to‘langanidan keyin avtomatik tarzda qayta tarmoqqa ulanadi.

Bunda inson omili kamayib, noqonuniy ulanishlar va korrupsiya holatlariga chek qo‘yiladi.

«Buxoro HETK» AJ matbuot xizmati

“Buxoro hududiy elektr tarmoqlari korxonasi”AJning katta majlislar zalida “Hududiy elektr tarmoqlari” AJ Davlat va shartnomaviy xizmatlarni rivojlantirish boshqarma boshlig‘i N.Meyliyev va boshqarma mutaxassisi M.Abdullayev, “Buxoro HETK” AJning rahbariyati, tegishli xizmat xodimlari hamda jamiyat tasarrufidagi barcha shahar va tuman rahbarlari, bosh muhandislari, mas’ul xizmat xodimlari ishtirokida o‘quv seminar tashkil etildi.

Seminarda yuridik va jismoniy shaxslarga davlat va shartnomaviy xizmatlar ko‘rsatishni rivojlantirish, iste’molchilardan kelib tushayotgan murojaatni to‘la qamrab olish choralarini ko‘rish, xizmat ko‘rsatishning natijadorligini oshirishda yo‘l qo‘yilayotgan kamchiliklarga alohida e’tibor qaratildi va kamchiliklarni bartaraf etishda nimalarga ahamiyat berish kerakligi haqida prezentasiya ko‘rinishida batafsil tushunchalar berildi.

Shu jumladan davlat va shartnomaviy xizmatlarini ko‘rsatishda “korrupsiya”ga aslo yo‘l qo‘ymaslik, xizmatlarni ko‘rsatishda shaffoflikni ta’minlash, korrupsiyaning salbiy oqibatlari haqida misollar bilan batafsil tushunchalar berildi.

Jamiyat rahbari B.Xayotov tomonidan bugungi kundagi davlat va shartnomaviy xizmatlarni ko‘rsatishdagi natijalar yaxshi emasligi tanqid qilinib, rivojlantirish istiqbollari yuzasidan korxona mas’ullariga alohida ko‘rsatma va topshiriqlar berildi.

Shuningdek, davlat va shartnomaviy xizmatlarni ko‘rsatishdan korxonaga kelib tushadigan mablag‘lar shu korxonada faoliyat olib borayotgan har bir xodimning mehnat sharoitlari yaxshilanishi, moddiy texnika bazasining mustahkamlanishi, xodimlarni qo‘shimcha moliyaviy rag‘batlantirilishiga hamda korxonaning ravnaq topishi uchun qo‘shimcha loyihalarni tadbiq qilinishiga sarflanishi ta`kidlandi.

Seminar savol javob tarzida amalga oshirilib, xodimlarni qiziqtirgan barcha savollarga mutasaddilar tomonidan atroflicha javoblar qaytarildi va bildirilgan takliflar tinglandi.

“Buxoro HETK” AJ matbuot xizmati

«Buxoro HETK» AJ tomonidan Buxoro shahrida joriy etilgan ASKUE tizimi bilan sektor rahbarlarini yaqindan tanishtirish maqsadida taqdimotlar o‘tkazildi.

Tadbirda viloyatda energetika sohasini yanada rivojlantirish, ishlab chiqilgan dasturlar hamda loyihalarning joylardagi ijrosini ta’minlash yuzasidan amalga oshirilayotgan ishlar, bu boradagi yutuqlar, ASKUE tizimining natijadorligi yuzasidan sektor rahbarlariga batafsil tushuntirishlar berildi.

Yig‘ilganlar o‘tgan davr mobaynida shaharda olib borilgan keng ko‘lamdagi sa’y-harakatlar hamda ushbu tizim orqali iste’molchilarga yaratiladigan qulaylik va imkoniyatlar, shu bilan bir qatorda bugungi kunda erishilgan iqtisodiy samaradorliklar xususidagi taqdimot bilan tanishdilar.

                                                                              “Buxoro HETK” AJ matbuot xizmati

“Buxoro hududiy elektr tarmoqlari korxonasi” AJning katta majlislar zalida “Buxoro HETK” AJ rahbarlari ishtirokida viloyat miqiyosida elektr energiyasi ta’minotini yaxshilash borasida amalga oshirilayotgan islohotlar va yangiliklar, ASKUE tizimi misolida sohaga raqamli iqtisodiyotning kirib kelayotganligi, ta’minotda yuzaga kelayotgan uzilishlar tahliliga bag‘ishlangan matbuot anjumani o‘tkazildi.

Matbuot anjumani ochiq-oshkora ruhda bo‘lib o‘tdi. Anjumanda ishtirok etgan OAV xodimlari va blogerlar o‘zlarini qiziqtirgan savollariga atroflicha javob oldilar.

Buxoro viloyat teleradiokompaniyasining «Diyor yangiliklari» informasion dasturidagi ushbu matbuot anjumaniga bag‘ishlangan videolavhasi

“Buxoro HETK” AJ matbuot xizmati

“Buxoro HETK” AJda iqtisodiyot tarmoqlari va ijtimoiy sohaning energiya samaradorligini oshirish, energiya tejovchi texnologiyalarni joriy etish va qayta tiklanuvchi energiya manbalarini rivojlantirishning chora-tadbirlariga bag‘ishlangan seminar trening bo‘lib o‘tdi. Mavzu yuzasidan lavha “Diyor yangiliklari” informasion dasturi orqali efirga uzatildi.