Tadbirlar

Qorako‘l tuman elektr ta’minoti korxonasining yangi binosi foydalanishga topshirildi.

Mamlakatimizning chekka hududlaridan biri hisoblangan Qorako‘l tumanida zamonaviy talablarga javob beradigan elektr ta’minoti korxonasi yangi binosining ochilish marosimi bo‘lib o‘tdi.

Qorako‘l tuman elektr ta’minoti korxonasi binosida muhandis-texnik hamda ishchi-xodimlar hamda bu yerga tashrif buyuradigan mijozlar uchun zarur sharoitlar yaratilgan. Xususan, konferens-zal, korxona mutaxassislarini o‘qitish va boshqa xonalar ish samaradorligini oshirishga xizmat qilmoqda. Mijozlar uchun qulaylik tug‘dirish maqsadida fuqarolarni qabul qilish xonasi va elektron tablo ham ishga tushirilgan.

Ta’kidlash joizki, tuman elektr ta’minoti korxonasi tasarrufida 34 706 mingdan ziyod aholi va 2 132 dan ziyod yuridik shaxsga xizmat ko‘rsatuvchi 6 ta podstansiya, 535 km uzunlikdagi 10 kVli, 1 013 km uzunlikdagi 0,4 kVli havo elektr uzatish tarmoqlari, yangidan qurilayotgan kabel liniyalari, shuningdek, 475 ta transformator punkti ekspluatasiya qilinmoqda. Tabiiyki, ushbu sa’y-harakatlar qorako‘lliklarni sifatli va uzluksiz elektr energiya bilan ta’minlashda muhim omil bo‘lib xizmat qiladi.

Tantanali ochilish marosimining uzviy davomi sifatida “Buxoro hududiy elektr tarmoqlari korxonasi” AJning tarkibiga kiruvchi 12 ta tuman va shahar elektr ta’minoti korxonasining mutasaddilariga xizmat avtomashinalari topshirildi.

“Buxoro hududiy elektr tarmoqlari korxonasi” AJ matbuot xizmati

30 – iyun “Yoshlar kuni”  munosabati bilan korxonaning Kasaba uyushmasi qo‘mitasi va Yoshlar ittifoqi kengashi tashabbusi bilan belgilangan dastur asosida 22 iyun kuni  “Buxoro HETK”  AJ hamda  Tuman, Shahar elektr tarmoqlari  korxonalarining 30 yoshgacha bo‘lgan  336 nafar yosh mutaxassislari o‘rtasida  futbol musobaqasi o‘tkazildi va dam olish kunini ko‘ngildagidek o‘tishiga xizmat qildi.

Musobaqada faol qatnashib yuqori natijalarni qo‘lga kiritgan yoshlar  Kasaba uyushmasi qo‘mitasi  raisi tomonidan maxsus o‘rin va sovg‘alar bilan taqdirlandilar:

1-o‘rinni egallagan Jondor TETK  yoshlariga;

2-o‘rinni Qorako‘l TETK yoshlariga;

3-o‘rinni Izolyatsiya va yuqori kuchlanishdan himoya qilish xizmatgoxi yoshlariga berildi.

Eng ko‘p to‘p urgan yosh sportchi Shoxrux Shodmonov va eng yaxshi darvozabon nominatsiyasi g‘olibi Farrux Aldashev deb topildi va qimmatbaho sovg‘alar bilan taqdirlandilar.

Ijtimoiy masalalar va mehnat muhofazasi bo‘yicha 2019 yil uchun bajarilishi muhim bo‘lgan kelishuv tadbirlari asosida 2019 yilning 15 iyun kuni “Xavfsizlik texnikasi” ko‘rik oyligi o‘tkazish hamda korxonaning elektr uskuna va qurilmalariga xizmat ko‘rsatuvchi xodimlar brigadalari o‘rtasida “Kasb mahorati” musobaqasi o‘tkazildi.

“Buxoro HETK” AJ tasarrufidagi barcha tuman, shahar elektr tarmoqlari korxonalarining  mahoratli  mutaxassislarini  Vobkent tuman elektr ta’minoti korxonasida jamlagan holda o‘tkazilgan  “Kasb mahorati” musobaqasi barchaga birdek yuqori va ko‘tarinki kayfiyat ulashdi. Musobaqani “Buxoro HETK” AJning Ekspluatatsiya va texnik savollar bo‘yicha direktori ochib berdi va ishtirokchilarga omad tiladi.

Musobaqada g‘olib chiqqan jamoalar munosib taqdirlandilar.

1 – o‘rin Shofirkon TETK tezkor dispetcherlik xizmati jamoasi

2 – o‘rin Shahar ETK jamoasi

3 – o‘rin Buxoro TETK jomoasi

va quyidagi nominatsiyalar bo‘yicha xodimlar rag‘batlantirildilar:

1. O‘z ishining ustasi bo‘yicha Kogon TETK ustasi – Eshov Xusan
2. Eng bilimdon usta ish rahbari bo‘yicha Shahar ETK ustasi – Do‘stov G‘olib
3. Eng bilimdon ish boshi elektromontyori bo‘yicha Qorovulbozor TETK tezkor  dispetcherlik elektromontyori – Mansurov Shaniyor
4. Eng yosh bilimdon mutaxassis – Do‘stov Z.
5. Eng yosh bilimdon elektromontyor bo‘yicha Peshku TETK elektromontyori – Fattoyev Faruxlar tanlovda g‘olib chiqib munosib taqdirlandilar.

2019 yil 4 iyun kuni Kogon shahar hokimligi binosida Kogon shahar va Kogon tumanida EHNAT (ASKUE) tizimini o‘rnatish ishlari boshlanganligi sababli, “Buxoro hududiy elektr tarmoqlari korxonasi” AJ  rahbariyati, «KT Corporation» kompaniyasi mas’ul xodimlari tomonidan  Kogon shahar hokimiyati, Kogon shahar va tuman faollari uchun o‘quv seminari o‘tkazdilar.

O‘quv seminarni boshlab bergan Kogon shahar hokimi H.I.Hoshimov EHNAT (ASKUE) tizimining afzalliklari va foydali taraflari to‘g‘risida gapirib, Kogon shahar va tuman hududidagi elektr energiya iste’molchilariga tez fursatda ushbu tizim elektron elektr hisoblagichlari o‘rnatilishini aytib o‘tdilar.

So‘zga chiqqan “Buxoro HETK” AJ Moliya iqtisod va energiya sotish bo‘yicha direktori I.R.Aslonov tizim haqida, o‘rnatish tartiblari, muddatlari to‘g‘risida gapirib, iste’molchiga o‘rnatiladigan elektr hisoblagichlar haqida ma’lumot berdilar.

Shundan keyin «KT Corporation» kompaniyasining  Buxoro viloyati bo‘yicha menedjeri janob Xak Su Kim tomonidan tadbiq etiladigan EHNAT (ASKUE) tizimi to‘g‘risidagi  taqdimot ko‘rsatildi va tushuntirildi.

O‘quv seminari oxirida zalda yig‘ilgan Kogon shahar va tuman faollarining EHNAT tizimi bo‘yicha qiziqtirgan barcha savollariga “Buxoro hududiy elektr tarmoqlari korxonasi” AJ  rahbariyati, «KT Corporation» kompaniyasi mas’ul xodimlari tomonidan batafsil javob berildi.

2019 yil 27 mayda  “Buxoro HETK” AJ ning EHNAT server xonasida “Elektr energiyasi iste’molini hisobga olish va nazorat qilishning avtomatlashtirilgan tizimini tadbiq etish bo’yicha O’zbekiston Respublikasining Buxoro, Samarqand va Jizzax viloyatlarida 0,4 kV ga ulangan iste’molchilarning elektr energiyasini hisobga olish tizimi” loyihasini tadbiq etish doirasida “Buxoro HETK” AJ rahbariyati va Janubiy Koreyadan tashrif buyurgan «KT Corporation» kompaniyasining xalqaro innovatsion loyihalarni joriy qilish bo‘yicha vitse-prezidenti Hwang Wook Un va “Hududiy elektr tarmoqlari” AJ buyurtmasi asosida pudratchi KT Corporation tomonidan amalga oshirilayotgan “Markazlashgan EHNAT tizimi” loyihasi menedjeri Kim Young Suk o’rtasida amaliy uchrashuv bo’lib o’tdi.

Konstruktiv tarzda o’tgan uchrashuvda tomonlar EHNAT (ASKUE)  loyihasini tadbiq etish bo’yicha Buxoro shahri va G’ijduvon tumanida olib borilayotgan ishlarni va  kelgusida  ushbu loyiha doirasida amalga oshirilishi lozim bo’lgan rejalarni muhokama qilib oldilar.

O‘zbekiston Kasaba uyushmalari Federatsiyasi va O‘zbekiston Yoshlar Ittifoqi Markaziy Kengashi o‘rtasida “Eng faol yosh ishchi kasb egasi” ko‘rik tanlovini o‘tkazish to‘g‘risidagi Qo‘shma qaroriga muvofiq, 2019 yilning 30 aprel kuni “Buxoro HETK” AJ kichik majlislar zalida “Eng faol yosh ishchi kasb egasi” tanlovi doirasida “Elektromontyor” nominatsiyasi bo‘yicha 25 yoshgacha bo‘lgan korxona xodimlari orasida ko‘rik tanlovi o‘tkazildi.

Ko‘rik tanlovda faol qatnashgan 9 ta faol ishtirokchilardan ko‘rik tanlov hay’ati xulosasiga ko‘ra:

1-o‘rin – Izolyatsiya va yuqori kuchlanishdan himoya xizmatgoxi elektromontyori Jahongir Axmedovga;

2-o‘rin – Jondor tuman ETK elektromontyori Mizrobjon Suvonovga;

3-o‘rin – Liniyalar xizmati elektromontyori Navro‘z Ilyasovlarga berildi.

Tanlov sovrindorlari maxsus sovg‘alar  hamda  faxriy yorliqlar bilan taqdirlandilar.

“Ko‘hna va boqiy Buxoro” majmuasida 2019 yilning 20 mart kuni “Navro‘z” umumxalq bayrami munosabati bilan xalq sayli hamda ko‘ngil ochar tadbirlar tashkil qilindi. Tashkil qilingan saylda “Buxoro hududiy elektr tarmoqlari korxonasi” AJ ishchi-xodimlari ham faol ishtirok etdilar.

“Buxoro hududiy elektr tarmoqlari korxonasi” AJ ishchi-xodimlari ushbu xalq saylida korxona uchun belgilangan maydonchada Navro‘z shukuhini beruvchi bezaklar bilan bezab sayl ishtirokchilarida bahor kayfiyatini uyg‘otishga harakat qilishdi.

“Ezgulik timsoli, xush kelding Navro‘z”, “Navro‘z dasturxoni” va “Navro‘z yallasi” kabi loyihalarni o‘z ichiga qamrab olgan sayllar barchaga chinakam bayram kayfiyatini ulashdi.

Korxona rahbariyatining, ishchi-xodimlarining xalq bilan birga bir tanu bir jon bo‘lib, milliy qadriyat, urf-odat va an’analarimiz bo‘y cho‘zgan Navro‘z saylida qadamba-qadam bo‘lishgani yoshu qariga samimiyat ulashdi.