Energetika yangiliklari

Ishlab chiqilgan manzilli Davlat dasturlari asosida “Buxoro hududiy elektr tarmoqlari korxonasi” AJ tarkibidagi elektr ta’minoti korxonalari tomonidan hududlarda elektr tarmoqlarini yanada modernizasiya qilish va yangilash ishlari davom ettirilmoqda. Xususan, Buxoro shahar “Abdurauf Fitrat” mahalla fuqarolar yig‘ini hududidagi iste’molchilarning elektr energiyasi ta’minotini yaxshilash maqsadida 150dan ziyod mustahkam temir-beton tayanchlar tiklandi. Shuningdek, 8000 metr uzinlikdagi himoyalangan SIP kabellarini tortish hamda 1 dona qo’shimcha transformator punktini o’rnatib, ishga tushirish rejalashtirilgan.

Ayni paytda Buxoro shahar elektr ta’minoti korxonasi xodimlari tomonidan SIP kabellarni tortish ishlari olib borilmoqda.

“Buxoro HETK” AJ matbuot xizmati

Buxoroda rossiyalik mutaxassislar bilan hamkorlikda VGT tipidagi, zamonaviy 110 kV kuchlanishga moslashgan elegazli o’chirgichlar o’rnatilib, ishga tushirildi.

Jarayon tavsilotlari bilan “Buxoro» telekanalining «Diyor yangiliklari” information dasturi orqali tanishishingiz mumkin.

👉Batafsil

“Buxoro HETK” AJ matbuot xizmati

“Buxoro hududiy elektr tarmoqlari korxonasi” AJ tarkibidagi Romitan tuman elektr ta’minoti korxonasi xodimlari tomonidan “Obod qishloq” va “Obod mahalla” Davlat dasturlari asosida qurilish va montaj ishlari olib borilmoqda. Havo elektr uzatish tarmoqlari yangilanib, qo’shimcha transformator punktlari o’rnatilmoqda.

“Buxoro HETK” AJ matbuot xizmati

Kogon tuman elektr ta’minoti korxonasi xodimlari tomonidan Kogon shahar “Buxoroi sharif” MFY Elobod ko’chasi aholi iste’molchilari hamda ijtimoiy soha obe’ktlari elektr energiyasi ta’minotini yaxshilash uchun qurilish va montaj ishlari olib borilmoqda. Modernizatsiya va yangilash ishlari doirasida Elobod ko’chasiga 41 dona mustahkam temir beton tayanchlari o’rnatilib, 2800 metr uzinlikdagi zamonaviy SIP kabellari tortilmoqda.

Shuningdek, hududdagi elektr energiyasi iste’molchilariga elektr energiyasini yanada sifatli qilib yetkazib berish maqsadida bir dona 250 kVAli transformator punktini o’rnatish rejalashtirilgan.

“Buxoro HETK” AJ matbuot xizmati

“Hududiy elektr tarmoqlari” AJ tomonidan kо‘rsatilayotgan elektron xizmatlar sifatini yanada oshirish hamda iste’molchilarga qо‘shimcha qulayliklar yaratish maqsadida 2022 yil 1 aprel soat 23:00dan 3 aprel soat 22:00gacha Ma’lumotlarni qayta ishlash markazida profilaktik ishlar olib borilishini ma’lum qilamiz.

Mazkur vaqt oralig‘ida elektr energiyasi uchun onlayn tо‘lovlarni amalga oshirish hamda shaxsiy hisob raqamdagi mavjud ma’lumotlarni olishda texnik uzilishlar bо‘lishi, shu bilan birga iste’molchilarga qulaylik yaratish maqsadida ayni muddatda qarzdor iste’molchilar avtomatik tarzda tarmoqdan ajratilmasligini eslatib о‘tamiz.

Keltirilgan noqulayliklar uchun oldindan uzr sо‘raymiz.

“Hududiy elektr tarmoqlari” AJ Matbuot xizmati

Kam quvvat sarflashi, xavfsizligi va shu kabilar haqida…

Bitta cho’g’lanma lampani zamonaviy LED lampaga almashtirish orqali oyiga 22,4 kVt•s, yiliga esa 271,5 kVt•s energiya tejalishini bilasizmi?

O’zbekistonda amaldagi 295 so’mlik tarif bo’yicha tejamkorlik oyiga 6608 so’mni (yoki yiliga 79 296 so’m) tashkil etadi.

Eslatib o’tamiz, 2015 yildan O’zbekiston hududiga quvvati 40 Vtdan ortiq bo’lgan cho’g’lanma lampalarini olib kirish, 2016 yilning 1 iyulidan esa bunday lampalarni ishlab chiqarish, hamda 2017 yil 1 yanvardan ularni sotish taqiqlangan edi (https://t.me/minenergy_uz/4637).

Infografikamizda LED lampalar nima sababdan tez ommalashib borayotganini ko’rsatib o’tamiz

@minenergy_uz
@prminenergy
@clearenergy

Ishlab chiqarishni mahalliylashtirish orqali mehnat samaradorligini oshirish, moliyaviy barqarorlikka erishish har bir korxona uchun ustuvor vazifa sanaladi. “Buxoro hududiy elektr tarmoqlari korxonasi” aksiyadorlik jamiyatida shu vazifa ijrosi yoʻlida salmoqli ishlar amalga oshirilyapti.

Batafsil (https://xs.uz/uz/post/bukhoroda-23-mingdan-ziyod-temir-beton-tayanchlar-ishlab-chiqariladi)👉👉👉Халқ сўзи

“Buxoro HETK” AJ matbuot xizmati

Buxoro shahar aholisi, ijtimoiy soha ob’ektlari hamda tadbirkorlarni barqaror elektr energiyasi bilan ta’minlash, shu bilan bir qatorda aholi sonining ko’payishi, ishlab chiqarish salohiyatlarining kengayishini inobatga olgan holda zahira quvvatini yaratish maqsadida “Buxoro hududiy elektr tarmoqlari korxonasi” AJ tomonidan 63 000 kVA bo’lgan navbatdagi kuch transformatori olib kelindi. Mazkur quvvatdagi kuch transformatorni Buxoro shahrining katta qismini elektr energiyasi bilan ta’minlovchi “Markaziy” 110/35/6 podstansiyasiga o’rnatish ishlari olib borilmoqda. Modernizatsiya va yangilash ishlari doirasida “Markaziy” 110/35/6 podstansiyadagi 25 000 kVA bo’lgan kuch transformatori, olib kelingan 63 000 kVAli trasformatorga almashtirilmoqda.
Hozirda “Buxoro hududiy elektr tarmoqlari korxonasi” AJ Podstansiyalar xizmatgohi xodimlari tomonidan montaj ishlari amalga oshirilmoqda.

“Buxoro HETK” AJ matbuot xizmati

Taraqqiyot strategiyasi:

Ijtimoiy, tijorat va ma’muriy-maishiy bino va inshootlarning energiya samaradorligini oshirish Milliy dasturi ishlab chiqiladi

Yangi O’zbekistonning 2022–2026 yillarga mo’ljallangan Taraqqiyot strategiyasiga asosan, 2022 yil aprel oyiga qadar uy-joy-kommunal xo’jaligi, ijtimoiy soha obyektlari va boshqa sohalarda qayta tiklanuvchi energiya manbalarini keng joriy etish va energiya samaradorligini oshirish yuzasidan Prezident qarori loyihasi ishlab chiqiladi.

Unga ko’ra, Energetika vazirligi Jahon banki ekspertlari va maslahatchilari hamda tegishli vazirlik va idoralar bilan hamkorlikda “Ijtimoiy, tijorat va ma’muriy-maishiy bino va inshootlarning energiya samaradorligini oshirish” Milliy dasturi ishlab chiqiladi.

Bunda:

▪️“Yangi O’zbekiston massivlari” davlat dasturlari doirasida quriladigan uy-joy, ijtimoiy va tijorat obyektlarini qurishda qayta tiklanuvchi energiya manbalaridan elektr va issiqlik energiyasini ishlab chiqaruvchi qurilmalardan keng foydalaniladi.

▪️Xususiy sektor, ijtimoiy soha va mahalliy boshqaruv organlari obyektlarida qayta tiklanuvchi energiya manbalarini joriy etish bo’yicha namunaviy loyihalar ishlab chiqiladi.

▪️Ijtimoiy soha obyektlari va boshqa byudjet tashkilotlarining rahbarlari va mas’ul xodimlariga qayta tiklanuvchi energiya manbalarini joriy etishini rag’batlantirish choralari qo’llaniladi.

▪️Kam ta’minlangan aholida qayta tiklanuvchi energiya manbalarini joriy etish borasida davlat tomonidan rag’batlantirish va moliyalashtirish mexanizmlari belgilanadi.

O’zbekiston Respublikasi Energetika vazirligi Matbuot xizmati