Seshanba, Noyabr 25, 2025

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ

Author: hetk

E’lonlar Energetika yangiliklari 

O‘zbekistonda elektr energiyasi iste’moli rekordi yangilandi: birinchi marta yozgi iste’mol hajmi qishgi iste’mol hajmini ortda qoldirdi

hetk 617 Views

Milliy dispetcherlik markazi ma’lumotlariga ko‘ra, 2025-yil 16-iyuldan 21-iyulgacha bo‘lgan anomal issiq davrda O‘zbekiston energetika tizimida sutkalik elektr energiyasi iste’moli va yuklamasi bo‘yicha yangi tarixiy rekordlar qayd etildi.

Xususan, birinchi marta elektr energiyasi iste’molida yozgi ko‘rsatkichlar qishki maksimal ko‘rsatkichlardan oshdi. Jumladan:

2025-yil 18-iyul kunlik iste’mol miqdori 272,6 mln kVt•soat, bu qishki maksimumdan (271,8 mln kVt•soat) va avvalgi yozgi rekorddan (253,3 mln kVt•soat) oshib ketdi.

Kecha soat 17:00 da energetika tizimining maksimal quvvati 13,3 GVtga yetdi, bu qishki rekorddan (12,5 GVt) va 2024 yil iyul oyidagi ko‘rsatkichlardan (11,8 GVt) yuqori.

Eng katta o‘sish Toshkent shahrida qayd etildi. Xususan:

  • Sutkalik iste’mol – 32,4 mln kVt•soat (2024 yilda kuzatilgan maksimal iste’mol – 30,5 mln kVt•soat)ga yetib, 2024-yilning mos davriga nisbatan 33%ga ko‘pni tashkil etdi.
  • Eng yuqori yuklama soat 14:52 da — 1811 MVt (2024 yilda – 1680 MVt)ni tashkil qildi;
  • Joriy iste’mol darajasi 2024-yil iyul oyining shu davriga nisbatan 7,6 foizga yuqori bo‘lib, oy boshidan buyon o‘sish 11,0 foizni tashkil etdi.

Ta’kidlash lozimki, iste’mol yuqori paytlarda elektr tarmoqlarida uzilishlarning oldini olish va bartaraf etish maqsadida “Hududiy elektr tarmoqlari” AJ va uning filiallarida tunu kun ishlaydigan avariyaga qarshi maxsus brigadalar tashkil etilgan. Ular yuzaga kelgan nosozliklarni zudlik bilan bartaraf etib borishmoqda. Ayrim joylardagi elektr ta’minotida kuzatilayotgan uzilishlar tufayli iste’molchilardan uzr so‘raymiz.

Shu o‘rinda iste’molchilardan elektr energiyasidan imkon qadar tejamkorlik bilan foydalanishlarini so‘raymiz. Zarurat bo‘lmagan hollarda elektr jihozlaridan foydalanmaslik orqali ham barchamiz tizimda yuklamaning ortishini, nosozlik va uzilishlar sodir bo‘lishini oldini olishga katta hissa qo‘shamiz.

Energetika yangiliklari 

Jarayon

hetk 268 Views

“Buxoro hududiy elektr tarmoqlari korxonasi” AJning Podstansiyalar xizmatgohi xodimlari tomonidan joylardagi podstansiyalarning holati doimiy ravishda o’rganilib, aniqlangan kamchiliklar bartaraf qilinmoqda. Jumladan, Buxoro viloyatining eng olis hududi Olot tumanidagi “Amudaryo” 35/10 kV podstansiyasida joriy ta’mirlash ishlari amalga oshirildi. Podstansiyada obodonlashtirish, elektr qurilmalari va o’chirib, yoqish uskunalarini ta’mirlash, estetik holatini yaxshilash, qizishini oldini olish hamda ulanish nuqtalarini ko’rikdan o’tkazish ishlari bajarildi.

“Buxoro HETK” AJ Matbuot xizmati

Energetika yangiliklari 

Qorovulbozorda transformator punktlar va elektr uzatish tarmoqlari mukammal ta’mirlanmoqda

hetk 322 Views

Hududlar elektr energiyasi ta’minotini yanada yaxshilash uchun yil avvalida belgilab olingan chora – tadbirlar asosida “Buxoro hududiy elektr tarmoqlari korxonasi” AJ tomonidan hududlar kesimida bosqichma–bosqich ta’mirlash ishlari olib borilmoqda. Jumladan, Buxoro viloyatining olis Qorovulbozor tumanida ham mazkur yo’nalishdagi ishlar reja asosida amalga oshirilmoqda.
Tuman elektr ta’minoti korxonasining xodimlari bugungi kunga qadar 18 dona transformator punktlari va 49 km uzunlikdagi elektr uzatish tarmog’ida mukammal ta’mirlash ishlarini yakuniga yetkazdi. Shuningdek, fazalar orasidagi yuklamalarni teng taqsimlash ishlarini bajarildi.
Ta’kidlash joizki, ta’mirlash ishlarining o’z vaqtida bajarilishi iste’molchilarni mustahkam elektr energiyasi bilan ta’minlashbilan bir qatorda tarmoqdagi texnologik yo’qotishlarni kamaytirishda o’z samaradorligini ko’rsatadi

“Buxoro HETK” AJ Matbuot xizmati

Energetika yangiliklari 

Qaror ijrosi ta’minlanmoqda.

hetk 274 Views

O‘zbekiston Respublikasi Prezidentining 2024-yil 23-sentyabrdagi «Kambag‘allikdan farovonlik sari» dasturini amalga oshirish bo‘yicha birinchi navbatdagi chora-tadbirlar to‘g‘risida»gi qarori ijrosini ta’minlash borasida “Buxoro hududiy elektr tarmoiqlari korxonasi” AJ tomonidan viloyatimizning 55 ta mahalla fuqarolar yig’ini hududlarida amaliy ishlar olib borilmoqda.

Jumladan, Vobkent tumanidagi 4 mahallada 8 dona 250 kVA quvvatdagi transformator punkti, 1200ga yaqin temir-beton tayanch o‘rnatish, 61.2 km yangi tarmoq tortish ishlari amalga oshirilmoqda.

“Buxoro HETK” AJ Matbuot xizmati

Energetika yangiliklari 

Viloyat aholisi, ijtimoiy soha obyektlari va tadbirkorlarni barqaror elektr energiyasi bilan ta’minlashga qaratilgan keng ko’lamli ishlar olib borilmoqda.

hetk 294 Views

“Buxoro hududiy elektr tarmoqlari korxonasi” AJ tomonidan viloyat aholisi, ijtimoiy soha obyektlari va tadbirkorlarni barqaror elektr energiyasi bilan ta’minlashga qaratilgan keng ko’lamli ishlar olib borilmoqda.

Jarayon tavsilotlari bilan “O’zbekiston 24″ telekanalining «Maxsus reportaj” informatsion dasturi orqali tanishishingiz mumkin.

“Buxoro HETK” AJ matbuot xizmati

Energetika yangiliklari 

Barqaror elektr energiyasi bilan ta’minlashga qaratilgan keng ko’lamli ishlar olib borilmoqda.

hetk 322 Views

“Buxoro hududiy elektr tarmoqlari korxonasi” AJ tomonidan viloyat aholisi, ijtimoiy soha obyektlari va tadbirkorlarni barqaror elektr energiyasi bilan ta’minlashga qaratilgan keng ko’lamli ishlar olib borilmoqda.

Jarayon tavsilotlari bilan “Buxoro» telekanalining «Maxsus reportaj” informatsion dasturi orqali tanishishingiz mumkin.

“Buxoro HETK” AJ matbuot xizmati

Energetika yangiliklari 

Quyi qo’ng’irotliklarning elektr energiyasi ta’minoti bilan bog’liq muammolari ijobiy yechim topmoqda.

hetk 287 Views

Elektr energiyasi iste’molchilaridan kelib tushayotgan murojaatlarni tezkorlik bilan o’rganib, ularga qisqa muddatlarda ijobiy yechim topish borasida “Buxoro hududiy elektr tarmoqlari korxonasi” AJ tomonidan tizimli ishlar olib borilmoqda.
Bu borada viloyatimizning Vobkent tumanida ham bir qator qurilish va montaj ishlari bajarilmoqda. Xususan, tumannining “Mo’minobod” mahalla fuqarolar yig’ini Quyi qo’ng’irot qishlog’i aholisining elektr ta’minotini me’yor darajasiga keltirish borasida qilgan murojaati o’rganilib, sifatli elektr energiyasini yetkazib berish uchun amaliy ishlar olib borilmoqda. Buning uchun hududga tuman elektr ta’minoti korxonasi tomonidan 25 dona mustahkam temir – beton tayanchlari olib kelib, o’rnatilmoqda. Shuningdek, 1500 metr uzinlikdagi zamonaviy SIP kabellarini tortish rejalashtirilgan.

“Buxoro HETK” AJ Matbuot xizmati

E’lonlar 

Jazirama kunlarda yong‘in keltirib chiqaruvchi omillarni oldini olishga qaratilgan va energiya resurslaridan oqilona foydalanish bo‘yicha tavsiyalar

hetk 638 Views

➖ Elektr uskunalarini nazoratsiz qoldirmang. Xonadan uzoq vaqtga chiqishda barcha qurilmalarni tarmoqdan uzib qo‘ying.

➖ Eski yoki nosoz simlardan foydalanmang. Ular yong‘in kelib chiqishi va energiya resursini ortiqcha sarflanishiga sabab bo‘ladi. Simlar izolyatsiyasi buzilgan bo‘lsa, yangisiga almashtiring.

➖ Bitta rozetka (pilot)ga ko‘p elektr jihozlarini ulamang. Yuklama ortishi simlarni qizitib, yong‘inga sabab bo‘lishi mumkin.

➖ Quritgich, dazmol, mikroto‘lqinli pech, ventilyator kabi qurilmalardan foydalanayotganda ularni nazoratsiz qoldirmang. Qizib ketgan qurilma yong‘in kelib chiqish xavfini tug‘dirishi mumkin.

➖ Konditsionerni 20–25°C oralig‘ida ishlating. Haddan tashqari past haroratga qo‘yish nafaqat elektr energiyasi sarfini oshiradi, balki inson sog‘ligi uchun ham zararli hisoblanadi.

➖ Foydalanilmayotgan qurilmalarni to‘liq tarmoqdan uzib qo‘ying. Bu ham yong‘in kelib chiqishining oldini olish va energiya sarfini kamaytirishga xizmat qiladi.

➖ Konditsioner filtrlarini tozalab turing. Bu ham energiya samaradorlikni oshiradi va yong‘in kelib chiqishining oldini oladi.

➖ O‘t o‘chirgich (ognetushitel) va signalizatsiya vositalarining soz holda ekanligini tekshirib turing. Favqulodda holatlarga tayyor bo‘lish muhim.

➖ Elektr qurilmalari va jihozlarini muntazam texnik ko‘rikdan o‘tkazing.

➖ Elektr ustunlari yoki simlar yaqinida olov yoqmang. Elektr tarmoqlariga yaqin hududlarda quruq o‘tin, qamish yoki xas-xashak yoqish bilan bog‘liq ishlarni amalga oshirish qat’iyan man etiladi.

➖ Ishxona va ofislarda xodimlarga yong‘in xavfsizligi bo‘yicha muntazam o‘quvlar tashkil qiling.

➖ Muqobil energiya manbalari, ya’ni quyosh panellaridan foydalanish choralarini ko‘rish tavsiya etiladi.

➖ Avtomobillarga yoqilg‘i quyish shoxobchalari neft mahsulotlari to‘ldirilgan sisternalarning xavfsizligini nazorat qilish, “metan zapravkalar”da esa gaz sizib chiqish va portlash xavfini keltirib chiqaruvchi omillarga yo‘l qo‘ymaslik talab etiladi.

➖ Tez alanga oluvchi narsalarni elektr qurilmalari yaqinida saqlamang. Qamish, qurigan o‘t, mato va shunga o‘xshash tez yonuvchi buyumlar shamolda uchib borib uskunalarga tushishi va yong‘in keltirib chiqarishi mumkin.

➖ Elektr ta’minotidagi qisqa muddatli o‘chish holatlari xavfsizlik uchun qilinadi. Noqulay ob-havo sharoitlari va texnogen vaziyatlarda yuqori ko‘lamli avariyaviy hamda yong‘in chiqishi holatlarining oldini olish, elektr qurilmalari sozligini ta’minlash maqsadida ayrim havo uzatish tarmoqlari yoki transformatorlar avtomatik ravishda yoxud qo‘lda o‘chiriladi. Bu noxushlik emas, balki ehtiyot chorasidir.

➖ Elektr tarmoqlarida nosozliklar yoki uzilishlar yuzaga kelsa, darhol 1154 qisqa raqamiga xabar bering.

Unutmang, vaqtida ko‘rilgan ehtiyot chorasi – ko‘ngil xotirjamligi hamda xavfsizlik kafolatidir.