Seshanba, Noyabr 26, 2024

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ

“Buxoro hududiy elektr tarmoqlari korxonasi” AJ

Author: hetk

E’lonlar Energetika yangiliklari 

HURMATLI ELEKTR ENERGIYaSI ISTE’MOLChILARI!

hetk 263 Views

Havo haroratining sovib ketishi hamda yuqori iste’mol vaqtlarida Buxoro viloyatiga belgilangan iste’mol topshirig’ini bajarish, ishlab chiqarishdagi texnologik jarayonlar to’xtab qolishining oldini olish, elektr energiyasi ishlab chiqarish va iste’mol muvozanatini ushlab turish hamda ta’minotdagi tartibsiz uzilishlarni bartaraf etish maqsadida viloyatimiz hududlarida tuman, shahar hokimliklari bilan kelishgan holda avval e’lon qilingan elektr energiyasi ta’minotiga oid kiritilgan qisqa muddatli cheklovlar dekabr oyining 14, 15 hamda 16 sanalarida ham amal qilishini ma’lum qilamiz.

Elektr energiyasi ta’minoti bilan bog’liq har qanday muammoli vaziyatda  “Hududiy elektr tarmoqlari” AJning tunu kun faoliyati yo’lga qo’yilgan 1154 qisqa raqamli Call-markaziga qo’ng’iroq qilishingiz yoki “Hududiy elektr tarmoqlari” AJ bilan muloqot kanalining administratoriga  @HET_admin  o’z murojaatingizni yo’llashingiz mumkinligini yana bir bor eslatib o’tmoqchimiz.

Shuningdek, yuqorida keltirilgan “Buxoro HETK” AJ hamda uning tarkibidagi tuman, shahar elektr ta’minoti korxonalari va elektr ta’minoti korxonalari rahbarlarining telefon raqamlariga qo’ng’iroq qilishingiz mumkinligini bildiramiz.

Keltirilgan noqulayliklar uchun uzr so’raymiz.

“Buxoro hududiy elektr tarmoqlari korxonasi” AJ

Energetika yangiliklari 

Bahamjihat, 24 soatlik ish rejimida uzluksiz faoliyat olib borilmoqda.

hetk 266 Views

“Buxoro hududiy elektr tarmoqlari korxonasi” AJ hamda uning tarkibidagi tuman, shahar elektr ta’minoti korxonalari xodimlari kuchaytirilgan rejimda, navbatchilik grafiklari asosida tun-u kun mehnat qilmoqdalar.

Ob-havoning keskin sovib ketishi tufayli joylarda energiya taʼminotida yuzaga kelayotgan nosozliklar tezkorlik bilan bartaraf etilmoqda.

Elektr qurilmalari va tarmoqlarda yuklamaning oshishi natijasida kelib chiqishi mumkin bo’lgan avariyali uzilishlarni tezda aniqlab, ta’mirlash, tiklash ishlarini olib borish uchun jamiyat tomonidan birinchi galdagi zaruriy choralar ko’rilgan. Shuningdek, barcha kuch va vositalar elektr energiyasi ta’minoti uzluksizligini ta’minlashga qaratilgan.

“Buxoro HETK” AJ matbuot xizmati

Energetika yangiliklari 

#Jarayon

hetk 350 Views

“Buxoro hududiy elektr tarmoqlari korxonasi” AJ Linyalar xizmatgohi xodimlari tomonidan yuqori kuchlanishdagi havo elektr uzatish tarmoqlarida aniqlangan kamchiliklar bartaraf qilinmoqda. Mutaxassislar balandligi 22 metr bo’lgan tayanchlarga chiqib, ta’mirlash ishlarini olib bormoqdalar.
Takidlash joizki, ayni shu kunlarda diyorimizda kuzatilayotgan ob-havoning injiqliklariga qaramasdan soha xodimlari o’z vazifalarini sidqi dildan bajarib kelmoqdalar. Sovuq kunlarda elektr energiyasiga bo’lgan talab ortishi natijasida elektr qurilmalari va tarmoqlarida yuklama oshib, hududlarda kelib chiqayotgan avariyali uzilishlarni qisqa muddatlarda bartaraf qilish choralari ko’rilmoqda. Buning uchun tunu-kun navbatchilik brigadalari tashkil qilingan bo’lib, maxsus texnikalar shay holatga keltirilgan.

“Buxoro HETK” AJ matbuot xizmati

Energetika yangiliklari 

O’zbekiston bosh vaziri o’rinbosari – energetika vaziri Jo’rabek Mirzamahmudov energota’minotdagi uzilishlar yuzasidanizoh berdi.

hetk 574 Views

JO’RABEK MIRZAMAHMUDOV: BU OB-HAVODA REJALI ChEKLOVLAR KIRITMASAK, ERTAGA BUNDAN-DA JIDDIYROQ TALAFOT BO’LIShI MUMKIN.

O’zbekiston bosh vaziri o’rinbosari – energetika vaziri Jo’rabek Mirzamahmudov energota’minotdagi uzilishlar yuzasidan izoh berdi. Uning so’zlariga ko’ra, hozirgi ob-havo sharoiti jiddiyroq talafotlarning oldini olish maqsadida rejali cheklovlar o’rnatishni taqozo etmoqda.

Manba

Energetika yangiliklari Tadbirlar 

Qayta tiklanuvchi energiya manbalarini rivojlantirish hamda mazkur yo‘nalishdagi ishlar samaradorligini oshirish masalalariga bag‘ishlangan seminar o‘tkazildi.

hetk 258 Views

“Toshkent irrigatsiya va qishloq xo’jaligini mexanizatsiyalash muhandislari instituti” milliy tadqiqot universiteti huzuridagi Buxoro tabiiy resurslarni boshqarish institutida energiya tejovchi texnalogiyalarni joriy qilish, qayta tiklanuvchi energiya manbalarini rivojlantirish hamda mazkur yo‘nalishdagi ishlar samaradorligini oshirish masalalariga bag‘ishlangan seminar o‘tkazildi.

Jarayon tavsilotlari bilan “Buxoro” telekanalining “Diyor yangiliklari” informatsion dasturi orqali tanishishingiz mumkin.

VIDEOLAVHANI KO’RISH

“Buxoro HETK” AJ matbuot xizmati
E’lonlar 

Hurmatli elektr energiyasi iste’molchilari!

hetk 276 Views

“Hududiy elektr tarmoqlari” AJ tomonidan kо‘rsatilayotgan elektron xizmatlar sifatini yanada oshirish hamda iste’molchilarga qо‘shimcha qulayliklar yaratish maqsadida 2022 yil 1 dekabr soat 23:00dan 3 dekabr soat 22:00gacha Ma’lumotlarni qayta ishlash markazida profilaktik ishlar olib borilishini ma’lum qilamiz.

Mazkur vaqt oralig‘ida elektr energiyasi uchun onlayn tо‘lovlarni amalga oshirish hamda shaxsiy hisob raqamdagi mavjud ma’lumotlarni olishda texnik uzilishlar bо‘lishi, shu bilan birga iste’molchilarga qulaylik yaratish maqsadida ayni muddatda qarzdor iste’molchilar avtomatik tarzda tarmoqdan ajratilmasligini eslatib о‘tamiz.

Keltirilgan noqulayliklar uchun oldindan uzr sо‘raymiz.

“Hududiy elektr tarmoqlari” AJ Matbuot xizmati