Qayta tiklanuvchi energiya
Buxoroda qayta tiklanuvchi energiya manbalari va energiya tejovchi texnalogiyalarni joriy etish borasidagi ishlar yanada jadallik kasb etmoqda.
Buxoro viloyati prokurorining “Buxoro hududiy elektr tarmoqlari korxonasi” AJga tashrifi
Buxoro viloyati prokurori “Buxoro hududiy elektr tarmoqlari korxonasi” AJga tashrif buyurdi. Mahmud Istamov dastlab, Dispetcherlik xizmati va Call markazida bo’ldi va iste’molchilarni barqaror elektr energiyasi bilan ta’minlash, kelib chiqishi mumkin bo’lgan avariyali uzilishlarni tezkorlik bilan bartaraf qilish bo’yicha ko’rsatma berdi. Shuningdek, “Billing markazi”da bo’lib, elektr energiyasini hisobga olish va nazorat qilishning avtomatlashtirilgan tizimini ko’zdan kechirdi hamda tizim imkoniyati va afzalliklari iste’molchilar misolida tahlil qilindi. Yakunda, sohada hal qilinishi lozim bo’lgan masalalar bo’yicha mutasaddilarga tegishli tavsiya va topshiriqlar berildi.
“Buxoro HETK” AJ Matbuot xizmati
Iste’molchilarni uzluksiz elektr energiyasi bilan ta’minlash choralari ko’rilmoqda.
Issiq kunlarda elektr energiyasiga bo’lgan talabning sezilarli darajada ortishi taqsimlash qurilmalarida yuklama oshib, texnik qurilmalardagi haroratning belgilangan me’yordan ko’tarilib ketishiga olib kelmoqda. Viloyatimizda kuzatilayotgan jazirama issiq ob-havo sharoitida “Buxoro hududiy elektr tarmoqlari korxonasi” AJ tomonidan iste’molchilarini barqaror elektr energiyasi bilan ta’minlash choralari ko’rilmoqda. Hududlardagi podstansiyalarning holati o’rganilib, aniqlangan kamchiliklar bartaraf qilinmoqda va sovutish qurilmalari o’rnatilib, ishga tushirilmoqda.
“Buxoro HETK” AJ matbuot xizmati
Elektr energiyasi iste’molchilari diqqatiga!
Elektr energiyasini behuda sarflash javobgarlikka sabab bo‘ladi
Elektr va issiqlik energiyasini behuda sarflash, ya’ni elektr dvigatellaridan, elektr pechlari va boshqa elektr hamda issiqlik uskunalaridan muntazam ravishda, ishlab chiqarish zarurati bo‘lmagan holda to‘liq foydalanmaslik yoki ularni bekorga ishlatib qo‘yish, yoritish uchun elektr energiyasidan xo‘jasizlarcha foydalanish:
mansabdor shaxslarga BHM 5 baravaridan 15 baravarigacha (1 mln 650 ming so‘mdan 4 mln 950 ming so‘mgacha) miqdorda jarima solishga sabab bo‘ladi.
O’quv-seminari
O’zbekiston Respublikasi Prezidentining sohaga oid qabul qilgan hujjatlarini ijro holati va ularning ijrosi bo’yicha yuzaga kelayotgan muammolar yechimi bo’yicha o’quv-seminari o’tkazildi. Bu borada “Buxoro hududiy elektr tarmoqlari korxonasi” AJning mas’ul xodimlariga Buxoro viloyati adliya boshqarmasi ikkinchi darajali yuristi S. Baqoyev tomonidan atroflicha tushuntirishlar berildi va seminar yakunida xodimlar o’zlarini qiziqtirgan savollarga javob oldilar.
“Buxoro HETK” AJ matbuot xizmati
Oʼquv-seminarlari oʼtkazilmoqda..
Ish jarayonlarida sodir bo’lishi mumkin bo’lgan baxtsiz hodisalarni oldini olish maqsadida joriy yil tizimda sodir boʼlgan baxtsiz hodisalarni sabablari “Buxoro hududiy elektr tarmoqlari korxonasi” AJ xodimlari bilan qayta ishlab chiqilib, shu asosida oʼquv-seminarlari oʼtkazilmoqda. Shuningdek, himoya vositalari ko’rikdan o’tkazilib, yaroqsiz ximoya vositalari yangisiga almashtirilmoqda.
Xodimlarga ish jarayonlarida yoʼl qoʼyilayotgan xato va kamchiliklar toʼgʼrisida “Mustahkamlik va xavfsizlik texnikasi xizmati” mutaxassislari tomonidan tushintirishlar berilib, ishchi xodimlar ogohlik va hushyorlikka chaqirilmoqda.
“Buxoro HETK” AJ matbuot xizmati
Ko’rik o’tkazilmoqda
Avval xabar berganimizdek, “Buxoro hududiy elektr tarmoqlari korxonasi” AJ bosh direktori tomonidan joylarga chiqib hududlardagi podstansiyalarning holati birma bir ko’rikdan o’tkazilmoqda. Bugun, kun davomida Buxoro, Kogon hamda Qorovulbozor tumanlaridagi podstansiyalarning holati o’rganildi va aniqlangan kamchiliklarni tezda bartaraf qilish bo’yicha mas’ullarga topshiriqlar berildi.
“Buxoro HETK” AJ Matbuot xizmati
Ko’rik o’tkazilmoqda
“Buxoro hududiy elektr tarmoqlari korxonasi” AJ bosh direktori tomonidan joylarga chiqib, hududlardagi podstansiyalarning holati birma bir ko’rikdan o’tkazilmoqda. Ko’rik davomida podstansiyalardagi elektr qurilmalarida aniqlangan kamchiliklarni tezda bartaraf qilish bo’yicha mutaxassislarga tegishli topshiriqlar berilmoqda.
O’rganishlardan asosiy maqsad viloyatimizdagi elektr energiyasi iste’molchilarini har qanday ob-havo sharoitida barqaror va mustahkam elektr energiyasi bilan ta’minlashdan iboratdir.
“Buxoro HETK” AJ Matbuot xizmati