Author: hetk
“Davlat tili to’g’risida”gi qonuni qabul qilinganligining 32 yilligi munosabati bilan “Buxoro HETK” AJda bayram tadbiri boʻlib oʻtdi.
Oʻzbekiston Respublikasi “Davlat tili to’g’risida”gi qonuni qabul qilinganligining 32 yilligi munosabati bilan “Buxoro hududiy elektr tarmoqlari korxonasi” AJda bayram tadbiri boʻlib oʻtdi. Tadbirda Buxoro viloyati musiqali drama teatrining mahoratli aktyorlari tomonidan “Imom-Al Buxoriy” spektaklidan parcha namoyish etildi. Tadbir davomida Buxoro muhandislik-texnologiya instituti “O’zbek tili” kafedrasi mudiri falsafa fanlari doktori Yunusova Gulandom Samiyevna tilimizning jamiyatimiz madaniy, siyosiy hayotidagi oʻrni va ahamiyatini yanada oshirishga qaratilgan fikr va mulohazalari bilan o’rtoqlashdi.
Shuningdek, tadbir qiziqarli bahru bayt bahslariga aylanib ketdi. Tadbir yakunida “Buxoro HETK” AJ xodimlari ham she`rxonlikda biror bir soha vakillaridan ortda qolmasliklarini namoyish qildilar.
“Buxoro HETK” AJ matbuot xizmati
Barqaror elektr energiyasi bilan ta’minlash maqsadida olib borilayotgan ishlar
Buxoro shahar aholisi, iltimoiy soha ob’yektlari hamda tadbirkorlarni barqaror elektr energiyasi bilan ta’minlash maqsadida “Hududiy elektr tarmoqlari” AJ tomonidan 63 000 kVA bo’lgan kuch transformatori yetkazib berildi. Mazkur quvvatdagi kuch transformatorini “Markaziy” 110/35/6 podstansiyasida o’rnatilishi belgilangan. Modernizatsiya va yangilash ishlari doirasida “Markaziy” 110/35/6 podstansiyadagi 25 000 kVA bo’lgan kuch transformatori, olib kelingan 63 000 kVAli transformatorga almashtiriladi.
Hozirda “Buxoro hududiy elektr tarmoqlari korxonasi” AJ Podstansiyalar xizmatgohi xodimlari tomonidan montaj ishlari olib borilmoqda.
“Buxoro HETK” AJ matbuot xizmati
Aholi murojaatlari o’z yechimini topmoqda.
Kuni kecha viloyatimizning Gijduvon tumani “Chorsu” MFY Chorsu ko’chasi hamda “Gulistonobod” MFY Boyxotin qishlog’i aholisi tomonidan elektr energiyasi ta’minoti bilan bog’liq muammolar yuzаsidan qilingan murojaatlarni bartaraf qilish, elektr energiyasi ta’minotini yaxshilash maqsadida “Buxoro hududiy elektr tarmoqlari korxonasi” AJ tomonidan turli quvvatga ega bo’lgan transformator punktlari hamda qurilish materiallari yetkazib berildi.
Hozirda G’ijduvon tuman elektr ta’minoti korxonasi xodimlari tomonidan qurilish va montaj ishlari bajarilmoqda. Qurilish va montaj ishlarini qisqa muddatda sifatli qilib bajarilishi bo’yicha barcha choralar ko’rilgan.
“Buxoro HETK” AJ matbuot xizmati
1 – oktyabr “Ustoz va murabbiylar kuni” munosabati bilan “Buxoro HETK” AJda bayram tadbirlari tashkil etildi
1 – oktyabr “Ustoz va murabbiylar kuni” munosabati bilan “Buxoro hududiy elektr tarmoqlari korxonasi” aksiyadorlik jamiyatida bayram tadbirlari tashkil etildi. Tadbirda uzoq yillar davomida energetika sohasida samarali mehnat qilgan, yetuk mutaxassislarni tarbiyalashda benihoya ulkan hissasini qo‘shgan soha fidoyilari, ustozlar ishtirok etdilar.
Shuningdek, tadbir davomida energetiklar uchun sport musobaqalari ham bo‘lib o‘tdi. Tadbirda so‘zga chiqqan ustozlarimiz, energetika sohasi faxriylari bugungi kundagi o‘zgarishlarni, sohaga berilayotgan yuqori darajadagi e’tiborni ko‘rib, shodlandilar va benihoya xursand bo‘lgan holda yosh energetiklarga, shogirdlariga ulkan muvaffaqiyatlar tiladilar. Shu bilan bir qatorda yoshlik chog‘lari qaytib kelsa o‘zlarini yana elektr energetikasi sohasida ko‘rishlarini va ushbu sohada mehnat qilganliklaridan bir umr shodlanishlarini alohida ta’kidlab o‘tdilar.
Erta tongdan tashkillashtirilgan bayram tadbirida to‘kin dasturxon to‘shaldi va dasturxonga nahor oshi tortildi.
“Buxoro HETK” AJ matbuot xizmati
Buxoro shahar elektr taʼminoti korxonasi xodimlarining mehnati eʼtirof etildi.
Buxoro shahar “Zarafshon” MFY hududida amalga oshirilgan keng koʼlamli qurilish, taʼmirlash, obodonlashtirish va koʼkalamzorlashtirish ishlarida faol ishtiroki va fidokorona mehnati uchun Buxoro shahar elektr taʼminoti korxonasi rahbari Baxtiyor Roʼziyevga Buxoro viloyati prokurorining tashakkurnomasi topshirildi.
“Zarafshon” MFYdagi elektr energiyasi isteʼmolchilarini elektr energiyasi taʼminotini yaxshilash maqsadida 630 kVА quvvatdagi transformator punkti oʼrnatilib, 300 metr uzunlikdagi yer osti kabellari yangilangan. Shuningdek, koʼp qavatli uylarning ichki elektr tarmoqlarini taʼmirlab, tartibga keltirish ishlariga koʼmak koʼrsatilgan.
“Buxoro HETK” АJ matbuot xizmati.
“Hududiy elektr tarmoqlari” АJ tomonidan “Elektr energiyasi mening taqdirimda” mavzuida oʼtkazilgan viktorinada «Buxoro HETK” АJ Аxborot texnologiyalari bo'limi boshligʼi Raxmatillo Sharifov birinchi oʼrinni oldi.
“Hududiy elektr tarmoqlari” АJ tomonidan mustaqilligimizning 30 yillik bayrami munosabati bilan “Elektr energiyasi mening taqdirimda” mavzuida oʼtkazilgan sovrinli viktorinada ishtirok etib, berilgan barcha savollarga toʼgʼri va tezkorlik bilan javob qaytargan va birinchi oʼringa sazovor boʼlgan “Buxoro hududiy elektr tarmoqlari korxonasi” АJ Аxborot texnologiyalari boʼlimi boshligʼi Raxmatillo Sharifov noutbuk 💻 bilan taqdirlandi.
“Buxoro HETK” АJ jamoasi Raxmatillo Sharifovni ushbu mukofot bilan tabriklab, yutuqlari bardavom boʼlishini tilab qoladi.
“Buxoro HETK” АJ matbuot xizmati.
“Buxoro HETK” АJ majlislar zalida jamiyatda faoliyat yuritib kelayotgan bir guruh yoshlar bilan uchrashuv boʼlib oʼtdi.
Kitob inson kamolining kalitidir. Shunday ekan har birimiz kitobga oshno boʼlib, undagi bilimlarni qunt bilan oʼrganib, oʼz tafakkurimizni kengaytirib bormogʼimiz zarur. Аynan mutolaa insonga bilim va axborot beradi, uning maʼnaviy olamini boyitadi.
Shu munosabat bilan, bugun, 9 sentyabr kuni “Buxoro HETK” АJ majlislar zalida jamiyatda faoliyat yuritib kelayotgan bir guruh yoshlar bilan uchrashuv boʼlib oʼtdi. Uchrashuvda yosh energetiklarga hukumatimiz tomonidan yoshlar oʼrtasida kitobxonlikni keng targʼib qilish borasida amalga oshirilib kelinayotgan ishlar, sohaga oid kitoblar hamda badiiy asarlarni doimiy mutoala qilib borishning muhim jihatlari xususida tushintirishlar berildi. Ushbu sohada muvaffaqiyatga erishish, kelib chiqishi mumkin boʼlgan baxtsiz hodisalardan saqlanish va kelib chiqishini oldini olishda barchaga oʼrnak boʼla oladigan ustozlar, energetika faxriylarining oʼgitlariga quloq tutish kerakligiga alohida toʼxtalib oʼtildi.
Uchrashuv yakunida yosh energetiklarga sohaga oid boy tajribalarga asoslanib yozilgan kitoblar sovgʼa qilindi.
